دامني في ذراك اعيش عيشة كريمة
و الكرم و الرجولة عادةٍ للسنافي
ماخذه من طبوعك قو باس و عزيمة
و الهدوء و الرزانة و الثقل و التكافي
خلنا نقلب الأمثال لو هي حكيمة
ودي اوضح الصورة بـ بعض القوافي
خلف كل الرجال نشوف مرأه عظيمة
بس انا أحس بالعظمة لأنك خلافي 💙
لو يمرّه حزين اقفى سعيد
تستلذ العين وتجف من دمعاتها
نظرتك ترمي ولامن رمت.. تصيد
كيف بسلم من عيونك ونظراتها ؟
لذة الدنيا ليا جابك الحظ السعيد
كيف تغريني بعد لذّتك لذاتها 💙
الا يا مرحبا و أهلين ��ا وجه الرضا الفتّان
ويا جعل العمر يفداه .. بأيامه وأسابيعه
رفيقي فالدروب وسلوتي عن غربة الأوطان
تقول إن كنْه رافض غير أفكر في تقاطيعه
تشابه بسمته لا قلت أحبّك وهو خجلان
قمر ليلة تمامه لحّف الغيمة مطاليعه 💙
تجيني على غفلة من الليل و الترحال
وأحب النسيم اللي يجيبك وأهلّي به
زرعك الله فقلبي مثل ما زرع فـالبال
سوالفك صورّك و صوتك و ترحيبه
تنحّرت لي بعض المساعي و دربي طال
وعرفت إنك المسعى بحلوه و تعذيبه ..