ودعتك إلي قد دعيته بك ، ولكن ! ما استجاب
��تى وداعك من كبر قدرك ، على عيون الملا
ضريبة الحب الحقيقي ، زهرة سنين الشباب
جعل ماراح من العمر للي بقى ، دفعة بلا
ماعاد يغريني وصل ، ولا يخوفني غياب
إن رحت مرواح القطا وإن جيت ماقلنا هلا
و أنتي أبعد من سما الحلم و وصالك محال
يا بعد من هل دمعي ضحى الفرقا عليه
يا غناتي لا تحسبين دمعي يوم سال
ضعف و لا خوف و لا كذا ولا كذيه
و الله اني من رجال يضدون الرجال
لكن الحظ الردي ساق دمعي كل أبيه
و الله اني كل ما دار حواليك الجدال
قمت كن الموت يشر على قبري بديه
ما تعلمت امسح الجوخ واحب الكتوف
راسٍ يحب المهونه حياته هايفه
ماخضع راسي للايام واحكام الظروف
من يزم النفس نفسي تراها عايفه
ما تصنعت الهزيمة ولمعة الوقوف
غير من مثلي يشوف النوايف نايفه
لا كرهني شخص بيحبني غيره ألوف
ماهيب والله كبر غير قدري شايفه
غديت اودع المقفي ولا آحب اسمع التبرير
أشوف ان التفاصيل الكثيره ما لها داعي
فـ انا يا اللي تظن اني بدونك ما احسن التدبير
هجرتك واشتعل نور الحياه و زانت اوضاعي
فلا شكراً على وقتك ولا اعذرني على التقصير
انا من يوم فارقتك ت��اشت معظم اوجاعي
سلامي سلام اللي سمح والامل مفقود
على اللي ما صان الود من كثرة أعذاره
رفعت العتب وأقفيت عن غايبً موجود
يوم ان الغلا شفته بدا يرخي ستاره
سعيت لرضا عينه ولا شاف لي مجهود
وأناأجفى العرب لأجله وأناديه وأختاره
يا ليل الفراق اللي عليه الحروف شهود
قرار الجفا عقب الغلا وشهي أخطاره
"اللي خلق في مشاعرنا من البعد خوف
خلق لنا نعمة النسيان .. في غيرها
تموت الأحلام دايم في يدين الظروف
وتعيش الآمال و��واصل مشاويرها
في ليلةٍ تاهت الخطوه وطال الوقوف
هي نفسها الليله اللي شرها خيرها
جيت ومعي قلبٍ يحب ويحنّ ويروف
ورحت ومعي قلبٍ أقسى من معاذيرها"
تذكّر ثلاث أعوام فيها المواصل شاع
نسانيسها عذبه ويسجع لها القمري
وتذكّر يوم إن قلوبنا لـ الغلا شرّاع
وثماني عليك ان طوّلت عوّدت عشري
والحين لاوالله من صدّتك مرتاع
أداري على نفسي وأداري على قدري
أعزاز النفوس تموت ماطاح منها باع
ولابد الظلام إن حل يطلع لنا البدري
أنا ماهمني لا صار سيلي عارفٍ مجراه
أبفرش ضحكتي بعيون كل اللي يمروني
أنا لاني طريقٍ محدٍ صابر على ممشاه
ولاني دربٍ اخضر كل من جوني تمشوني
وأنا ماني بـ بحرٍ كل من جاني شرب من ماه
أنا صفحه من التاريخ تذكرني ما تنساني
ودعتك إلي قد دعيته بك ، ولكن ! ما استجاب
حتى وداعك من كبر قدرك ، على عيون الملا
ضريبة الحب الحقيقي ، زهرة سنين الشباب
جعل ماراح من العمر للي بقى ، دفعة بلا
ماعاد يغريني وصل ، ولا يخوفني غياب
إن رحت مرواح القطا وإن جيت ماقلنا هلا
المرارة في حياتي موغلة، وإلَّا أنت حالي
وكلّ شيءٍ منك؟ عن كثره يكفيني قليله!
لا تحاول تشرح أسباب الرحيل ولا تبالي
صدة العشّاق مثل الفارس اللي زلّ خيله
والحياة إن غرّبت صوتي.. وخلتني لحالي
أدري إنها ما تكون بـ حضرتك إلا جميلة
وإن تخيرتك دروب أعرف مشاويرك في بالي
أنت صوتٍ يجذب السيَّار، ويحدّ الدليلة
معك يا طيْب السّنين، وفيك يا حلو الليالي!
شاعرك وش يَقتله؟ غير المعنَّق، والجديلة
من مغبَّات الحياة: أشدّ رَكْبي، وارتحالي
وأتجمع لك صحاري، وأتفرق بك قبيلة
هات لي كلّ الكلام وهاك شكّي، واحتمالي
وانتظرني بين هتّان السحاب، وبين سيله
وش مضى لك يا ملاذ الشعر، وإلَّا وش مضى لي؟
الحقايق غايبة، والغص�� غرَّبني مقيله
اقطع الريبة يا أبو وجهٍ وراه أسوق حالي
والله إني مرخصٍ نفسي، وروحي في سبيله