ابو بتال العصيمي

وما من كــاتب إلا سيفنى ....ويبقى الدهر ما كتبت يداه ————ًًًًًًًً——-ً فلا تكتب بكفك غير شىء ... يسرك فى القيامه ان تراه

[ابو بتال العصيمي @30Hu]

ترى الدوام اللي على غير مشهاه
دربه ومسراحه مع الصبح علّه

والله يا لولا شي فالنفس وأدراه
( إني فلا أداوم .. ولا قالها الله )

[ابو بتال العصيمي @30Hu]

الليل توه يزيح النور ويباشر
والعين تجري مدامعها مثل دجله

لو ذقت ��الوقت ما ذاقو هل الفاشر
ما غير لله مشاكي نفسي الوجله

ماني بالاول على الدنيا ولا الع��شر
اللي على شوكها القاسي وطت رجله

محتاج صبر الحليم و سجة الداشر
وقلبٍ يبيع المواجع بيعةٍ عجله

[ابو بتال العصيمي @30Hu]

تغاضي ياعيوني..والسنين قصار
مادام الوقت لا انصفني ولا انصفته

احب اللي مضى لي واكره التكرار
واشوف اللي يخوفني ولا خـفتـه

غريب شعور.. والواقع غريب اطوار
كثر ما كنت راضي..كثر ما عفّتــه

ياكثر اللي تحاشيته يصير.. وصـار
ويا كثر اللي تمنيته.. ولا شـفتـه

[ابو بتال العصيمي @30Hu]

أنا الطريق الممتلي بالمحطات
لا تخدعك رحابتي .. وامتدادي

أعرف من الألوان لون البدايات
أخضر ويذبل ويتحول رمادي

وأجهل من التوديع كل العبارات
إلا فمان لله ، وطيب ، وعادي

[ابو بتال العصيمي @30Hu]

على بساط الليل نسري بالأحلام
ونسامر نجوم السماء بالأماني

[ابو بتال العصيمي @30Hu]

سرا الليل والمسرا دنا والكبود عطاش
طواها ضماها و اشّهب اللال يصلاها
..
ادوّر على راحة ضميري و لاكن ماش
اصارع صواديف الزمن و اتحداها

[ابو بتال العصيمي @30Hu]

ليا كسرت الغصن لاعاد تسقيه
ما عاد ينبت ولو ترده محله

حتى معاذريك تحده وتشقيه
وتسقيه من كأس المهانة مذله

لملم معاذريك ويكفيه تشويه
لا تصير بعيون المحبين عله

[ابو بتال العصيمي @30Hu]

تحتَ القبورِ أحبةٌ كانوا هنا
فادعوا لهم بالرَوحِ والريحانِ

ياربُ مغفرةٌ تُضيء محلَّهم
يا مَن تُجيبُ لدعوةِ الإنسانِ

[ابو بتال العصيمي @30Hu]

لا تيأسنّ وكـن بالله فـي ثقـةٍ
إنّ الكـروب وإن حلّـت سترتحـلُ

ويشرقُ الأُنسُ مثلَ الصّبحِ في ألقٍ
ويرحل الهـمُّ والأحـزانُ والعِلَلُ

[ابو بتال العصيمي @30Hu]

سرا الليل والخط المزفلت بليا نور
وسرا هاجسي وسيور الافكار منتله

فهقت الشماغ وراسي الطيب المطيور
تجيه الصعاب ويعقد الحبل ويحله

مصير الليالي تكشف الخافي المستور
وتظهر لنا من كان يخفي لنا غله

[ابو بتال العصيمي @30Hu]

كثـــر النــدم مافادنا والحســافه
ولا العتــاب ولا كثيــر المشــاريه

ترا الغــلا فالقــلب رغــم اختلافه
ان زاد والّا قـــل..ماهــان راعـيــه

اقلط بصـدري رغــم قــل الكلافه
خــاطـرك غـالي لازم إنا نــداريه

خــذ ماتــبي واللّي تعافــه نعافـه
شين يكـدّر خاطــرك مالــنا فيـه

[ابو بتال العصيمي @30Hu]

لا تشكى لـ العرب لو الزمان يعضّك
عز نفسك واطلب الله رحمته ووفوقه

لاتقوم تحط نفسك تحت رحمة حضّك
اجتهد وان طاح حضك حط رجلك فوقه

[ابو بتال العصيمي @30Hu]

محتاج افضفض لواحدٍ ما هوب يعرفني
أقابله في وطن ثاني . . وفي غربه

ما ابيه من ما حصل فالوقت ينصفني
أبيه يسمع فقط . . و يروح في دربه

[ابو بتال العصيمي @30Hu]

ترا المراجل قلب ، وذراع ، وعزوم
نستثني ( اشباه الرياجيل ) منها

تباّعة المقفي ، وكرارّة النوم
ذي تسقط فروض الرياجيل عنها

[ابو بتال العصيمي @30Hu]

أهل الفلوس يشغلون فلوسهم
ما دام حتى فالعقول متاجره

بعض الرجال عقولهم في روسهم
و بعض الرجال عقولهم مستاجره

خشم الريال يحوسهم و يدوسهم
تقدر تحولهم طيور مهاجره

لا تامن اللي يطرحون نفوسهم
ترا ضعيف النفس مثل الفاجره

[ابو بتال العصيمي @30Hu]

فيك الرجاوي يا إلهي ما تخيب
انت الستر يا خالقي وانت الذرا

اغفر ذنوبي كلها عن ظهر غيب
انا وابوي وامي وكل اللي قرا

[ابو بتال العصيمي @30Hu]

انا عقب عديت الثلاثين وضعي سي
تدق الهواتف قدم عيني واصمتهاا

يارب الملا مابغى الخلايق تجمل في
وش اغلى من نفوس الرجال وكرامتها

ابرجي عطاگ وجود گفك مادامي حي
ولا ابغى من الي غيرگ الا سلامتهاا

عباد مغير تقول تامر توصي شي
وانا لو اوصي شي قامت قيامتهاا

[ابو بتال العصيمي @30Hu]

أكثر انسان سامعني ماكنت اسمعه
واكثر انسان جارحني تمسكت فيه

ضاع من يستحقّ اقضي حياتي معه
في رجاء واحدٍ ضيّعت عمري عليه

[ابو بتال العصيمي @30Hu]

حنا رياجيلٍ يجينا رياجيل
يبغون منّا جاه وألا معونه

يومٍ علينا مثل شرب الفناجيل
وأيام ما نقدر على اللي يبونه

[ابو بتال العصيمي @30Hu]

ظروف بقعا ما تكل ولا تلين
ووجيهنا ما هي بحصادة علف

نصافح كفوف النشامى باليمين
ولا لنا في معهد الحمقى ملف

الصدق ينجي صاحبه دنيا ودين
سترة نجاة ما يجي فيها تلف

والكذب يطرح صاحبه لو هو فطين
يكشف خفايا حيلته فأول ملف

ترى الكذوب ألعن من إبليس اللعين
إليا درى إن�� كاشف وضعه حلف