HBM

Abudhabi ⠀ ⠀ ⠀⠀ ⠀⠀ ⠀ ⠀ ⠀ ⠀⠀ ⠀ ⠀

[HBM @4Mansoori]

كم صالفت بقعا عساها للذهيب
و فـي عـز شدّتها قلبناها ترف

[HBM @4Mansoori]

رميت الاحلام في وجه الزمان البخيل
وعزيت نفسي وعز النفس عصيانها

وعن الحضور المهمش مرحبا يالرحيل
ما دام تحفظ كرامة نفسي وشانها .

[HBM @4Mansoori]

اذا حدتك دنياك بأنك تردى عي
ترا الطيب له مضراب بين العرب ماكن

يمين الكفو تصنع بطولات من لاشي
ويمين الضعيف يموت ماحركت ساكن

[HBM @4Mansoori]

ياشينها لا صرت بين إختيارات
خوفي عليك ومنك سبّة ضياعي

أخاف لا أبعد عنك وأدخل متاهات
وأخاف لا أقرب منك تلويّ ذراعي

[HBM @4Mansoori]

عن مسة الحاجه ومن منة الناس
مانيب ادور من ورا الخلق نفعه
وانكان صار العلم كايد وحساس
عسى لزومي ما يولا على صفعه

[HBM @4Mansoori]

مالي هوى المقفين تبيعة الغي
الي على ميل الدهر .. ميلوا الراي
خل السحب تروي ظمى خافقي ريّ
لاتقترب حولي ولاتطلب رضاي.

[HBM @4Mansoori]

تعداني الملام ولا بقى مني عتب وقصور
أنا سويت كل حاجه ولا به شي بيديني

فمان الله بَعَد ما كان لي داخل حياتك دور
غديت اليو�� ذكرى ما تبكّيك و تبكّيني

عسى ربٍّ زرع لك داخلي حب وغلا وشعور
يردّك وإن تعذّر يا عسى ربي ينسّيني

ختام السالفة لو طال صدك يالغلا معذور
مدام اللي تبقّى من طواري الأمس يكفيني

ابد ماحد ع دروب المواصل والجفا مجبور
توكل في قرارك والذي يرضيك يرضيني

أنا في كل حالاتي بنفسي راضي ومسرور
سواءً كنت تهواني أو إنك كنت تجفيني

[HBM @4Mansoori]

أنا أرفعك لكن أشك أنك من العلّو تهاب
لأني كل ما شلتك تعوّد تطيح من عيني

[HBM @4Mansoori]

لو شان وجه الزمان وشان وجه الرفيق
وجيهنا يسري السّاري .. على نورها

حنّا سلاطين قوم ليا نشف ( كل ريق )
نقلط مع القوم مانقلط .. على سورها

[HBM @4Mansoori]

كرمتو و دمتو لو مافيكم طبوع كرام
أنا حاشم سنينٍ . . من العمر مقطوعه

خلاص انتهى طرد الملذّات والأحلام
اشوف الصُحف جفّت والاقلام مرفوعه

[HBM @4Mansoori]

صدوف الليالي مابها يمكن و بعدين
وسنين العُمر ماهي على كيف راعيها .

[HBM @4Mansoori]

ما يلحق التقصير عزمي وباسي
لكن ظروف الوقت عيّت ترفق
ٰ
ما عاد ابي عقل الذكي والسياسي
اليوم ابي حظ الغشيم الموفق .

[HBM @4Mansoori]

لو تشوف الكل عكس الاتجاة
لا تسوي شي من غير اقتناع

اختـلاف الراي مفهوم الحياة
واتباع الناس مفهوم الضياع

[HBM @4Mansoori]

للساقطه لاق�� « وللطايله ذيب »
وللدرب قصّاصه وللسيف سلّه

وللهرج ناس وللفعايل معازيب
واللي يبي درب المراجل يدّله .

[HBM @4Mansoori]

أنا كل ليلة أجلس مع جنودي العشرين
أضحّي بهم بـ إسراف .. واحد ورا الثاني "

[HBM @4Mansoori]

حثال القهاوي لو تعلت مع الفوح
« مصيرها تركد .. وترجع حثاله » .

[HBM @4Mansoori]

ودي اسمع كل الاعداء عني وش تقول
وانتظرهم لين يقضون واقول لعنه

ابتلشنا بالكلام الكثير و بالخبول
الله من قصر الايادي وطول الالسنه

[HBM @4Mansoori]

الظروف تفر راسي و أنا بالي طويل
ما ذبلت عزوم نفسي ولا ذليتها

الليالي ما عطتني سوى الشي القليل
بس روحي من قليل العطا أغنيتها

[HBM @4Mansoori]

فضلاً عزيزي و أخي فـ الدين و المله
من منطلق نصرتك مظلوم او ظالم

هل تعلم إن سد فمك عن عباد الله
افضل من إعمار اكبر سد فـ العالم

[HBM @4Mansoori]

اشمخي يا نفسي اللي كلها : عزة وأنافة
لك علي إني ما أعرضك المهانة والمسبة

كل ماشفت العباد اللي يعيشون بضعافة
قمت أعرض راسي المرفوع للريح ومهبه

فـالمذلة دايمًا عـذر الذليل يكون : تافه
لو مايلقى له سبب للذل ؟ ذل بدون سبة