َ

اليا سمع بيتين سراه الذهول و اليَا سمع آيه رفع سبـابته

[َ @5iiltb]

يـ أول أحبك أنطقها بـ لحضة خشوع
كلمة أحبك أنت أول محبينها

جاوب الطعنة اللي تحت حدب الضلوع
فاهك العذب كيف يْسل سكينها ؟

كنك الآه في صدر الكتوم الجزوع
وده يموت قبل يقول حرفينها

مامعي غير روحٍ ماتعرف الخضوع
خايف اسخي بها لـ رضاك وتهينها

سعود مبارك

[نجـد @n____jd]

صدقة عن ابو صديقتي جعله بالجنه لاتقصرون معها انشروه والله يكتب اجركم🤍

https://t.co/QWtVmimbWv

[َ @5iiltb]

شفته الرجّال بين اطفال يوم اني صغيره
وصار رجال، ومازال فـ عيني الطفل الصغيّر

قلبي بـ ديره و قلبه راح يا نويّر بـ ديره
مرحلة قاسيتها من عزّ نفس و فكر نيّر

ماهقيت ان المفارق فيه شر و فيه خيره
لين مريته بـ ضحكٍ يكسر الضلع القصيّر

[َ @5iiltb]

مناديب الهبوب اللي تشلّ متونها الأخبار
تعذّرها الفجوج الواسعة و يلمّها صدري

أفجّ لها المعابر يوم أناحرها زرار زرار
هبوبٍ من لطافتها ما تقطع غفوة الكدري

تجيبك في ربوع الذاكرة يا صفوة الخطّار
مقاديرٍ رمت بك في طريقي وأنت ماتدري

[َ @5iiltb]

مستحيل يملّ سمعي من طرب نبرتها
كيف أمل من الشعور الي يبدّد ضيقي ؟

[محسن بن مترك @aprvip]

سمعوني بيت بيتين يامتذوقين
مبطي ما مر شي يشد الذائقه ):

[َ @5iiltb]

وأغنّي لين آرقق اللا مُبالي
وآسلّي المحزون وأصبّر الخُود

عمري على الكتمان عدّى ولا لي
غير الشعر كيف اتعاطاه بحدود

كم ليلةٍ فيها إنتصر من خلالي
كلما عطيته شيّ يشعرني ب زود

[َ @5iiltb]

مرّت عليّ آشدّ سود الليالي
من سودها ماكنّ في غيرها سُود

واضحك ماهو من وسع صدري وبالي
ولا مخافة عين شامت ومنقود

من قلّة الحيلات صار انفعالي
بارد وقلبي من حريري ل جلمود

مافادني مع الليال اعتدالي
آبتطرّف كلما .. هبّت النود

[َ @5iiltb]

لا يروح الليل ما خيّر " الغمازتين "
بين حبّة خالها و بين حبّة خلها

[َ @5iiltb]

مرحبا يا صفوة الجيل صافية الجبين
ابرك الساعات و أغلا الليالي كلها

صرّحي فالحب مرّه و أصرح مرتين
ايه أحبك و السوالف معك ما املها

كل ما شفت الليالي تضيم العاشقين
جيت بين اهدابك اللي يظلل ظلها

يوم لمّيتي جدايل شعرك بـ خصلتين
ما بقى نسمة ما هبّت عشان تفلها

[سعود بن مبارك @Saud_almshly_]

ياحبيبي .. ليا هبت هبوبك بْضيقة
قلت ياقلبي الملهوف ويش أنت خابر؟

كل ماينقطع صوتك ووصلك دقيقة
ليش ماينقطع للشوق و الحب دابر ؟

لو خذلني قصيدي والقلم جف ريقه
الحدق و المآقي في غيابك .. محابر

تسكن أحبك أعماقي وعمق الحقيقة
دايـم اقولها .. لكــنّ بصيغة مْكابر

[َ @5iiltb]

إما الحضور اللي يسر الناظرين
ولا الغياب الي ما يدرى وش وراه

وصل العطياني

[َ @5iiltb]

ليت مالي من ورا الشعر محبوب ابيه
كان ماشافوا العرب حزن عيني لا طرا

والله اني كل بيتٍ كتبته كان فيه
وما أنتظرت ان كان يقرا او انه ما قرأ

الوفا لابد نبديه .. ونواضب عليه
حشمةٍ للماضي اللي مع الساري سرا

لا يدور بين الاعذار ابي عذرٍ وجيه
يعني معقوله عن اللي بقلبي ما درا ؟

[َ @5iiltb]

لا وصلتي نجد ردي عني لنجد التحيّه
من ضمير ٍلاحقه من لوعة الفرقا لحاقه

علميه ان كان طال البعد لا يزعل عليّه
والله اني في حياتي ما شكيت الا فراقه

[َ @5iiltb]

@sjmri_ - اللهم انك عفوٌّ تحب العفو فاعف عنا
- اللهم اعتق رقابنا من النار
- اللهم بلغنا ليلة القدر
- اللهم صل وسلم على نبينا محمد
- سبحان الله وبحمده سبحان الله العظيم
- استغفر الله العظيم واتوب اليه
- اللهم يا مقلب القلوب ثبت قلبي على دينك

[َ @5iiltb]

﴿ ربِّ اجعَل هَذا البَلَدَ آمِناً مُطْمَئِناً ﴾

اللهم من أراد بنا شراً فأشغله في نفسه ورد كيده في نحره.
اللهم احفظ لنا امننا وإيماننا واستقرارنا يارب العالمين.

#الرياض_الان

[َ @5iiltb]

لو يهوّل فـ الشعور، وصد عني صدّ عايف
ماقدر يمحي وجودي لو بغى عمره يعيده

والحنين يشوفّه زولي لو ان ماهو بشايف
فالزقاير في زوايا غرفته ماني بعيده

أدري اني كل ليله بينه وبين الحسايف
يوم يذرفني دموع ويوم يكتبني قصيده

[َ @5iiltb]

« عساهم على أحسن وأنا على أحسن حال
و هم في غنى عني — و أنا في غنى عنهم »

[َ @5iiltb]

تكثر حشود المشاريه والخاطر عيوف
ما يطاوع قولة الوقت .. لا عيّا طعه

من تضحكه الليالي تصحيه الصدوف
لا يهمّل صاحب الضيق في وقت السعه

والله إني ما اتضيعف ولا أحب الضعوف
جعل يوم ٍياخذ العز .. ياخذني معه

[َ @5iiltb]

أبحيا للذي يروي فؤادي لا ضحى ضميان
وأبهزم كل ظرف ، يعانده ويعاند دروبي

أبشرق بين ضيقات الليال ، بصوتي الذبلان
وأحيك لخصري الناحل من أفراح العُمر ثوبي

وابضحك لين ماينبت على باب الزعل بستان
وعلى باب الشقا برقص إلين أستغفر ذنوبي