تعمدت الغياب وغبت عن دنياه
تجاهلت الحنين اللي عثى فيني
تحايلت التناسي علني انساه
يمر البال والذكرى تعنيني
قويت أبعد عن دروبٍ تضم خطاه
ولكني بديت أجهل عناويني
وصلت لمبتغى الهجر وقدرت اجفاه
ولكن مانزعته من شراييني
وليف البعد ياربي شلون أنساه ؟
إذا حتى مرور اسمه يبكيني . .
قد طلبت الله وانا بين زمزم والحطيم
شوفتك يا أغلى ثنيـّـه ليا صرت رباع
العيون تجوع لك جوع والله العظيم
والعشا فعيونك السود وعيوني جياع
إن عطيت ! مايرد الكريم إلا اللئيم
وان بخلت قلت تكفى والدنيا متاع
اقرب مثل التباشير في وجه الكريم
وابعد مثل التعازي على موت الشجاع . .