هـــداج

والله اني من بعيدين الهقاوي

[هـــداج @70ttl]

اجر لي ولوالديني ولكم 🤎…

[هـــداج @70ttl]

انا جبل وانتي عيونك من ثمود
تقدر على نحت الجبال الراسية

لاتاكل الغيره من اطراف الكبود
انتي لحالك والبشر سواسية

[هـــداج @70ttl]

من تعلق فالحياه وفي ترفها واهم
الحياه الفانيه ياهون ماعكرها

علم اللي مافهم لا ينشد الا فاهم
ذاق من مر الحياه وذاق من سكرها

ذكريات الراحلين اشد من فرقاهم
من فتح له خانةً فالقلب ماسكرها

[هـــداج @70ttl]

" الشوق من فوق حده يا حبيبي زما "

[هـــداج @70ttl]

لا تصدق من يقول السّيف عزه من نصابه
علقه ولا احذفه فالقاع .، ويعوّد حديده

من جعل حق البعيد أهم من حق القرابة
كنه اللي يجعل العادات أهم من العقيدة

تجبره الأيام لادارت على حضرت جنابه
لين يرضى بالأمور اللي بعضها ما تفيّده".

[هـــداج @70ttl]

شعور الحنين اللي يجي كل ليلة عيد
يلخبط شعور الفرحه اللي نصايدها

اللي فاقد ٍ له بنت اكابر وشيخة غيد
و قبل ما يعايد نص ربعه يعايدها

يصوّت ضميري فـ الحشا كنه بن مهيد
على الطلّه اللي فـ اول العيد فاقدها

حلالاه ياذاك المعنّق و ذاك الجيد
اليا علّقت فستانها و نقشت يدها :)

[هـــداج @70ttl]

لا جيتني يا سالفة عصرك
دقات قلبي تسبق انفاسي

تمر وايدينك على خصرك
وتروح وايديني على راسي

[هـــداج @70ttl]

راس الخميني سقط ياراس تنوره
يفداك، راسه وتاريخه و كرسيّه

وانتي سقط دون حدك شرخ ماصوره
حديدةً من مصد الجيش عاديه

تبجحي في ذرى سلمان اخو نوره .
وولي عهده ( وقوات السعوديه )

#السعودية_العظمى

[هـــداج @70ttl]

اثر صدق الغلا يجبر حطام الخاطر المكسور
و انا مهما منحتك من غلاي اشعر بتقصيري

[هـــداج @70ttl]

إِنَّ اللَّهَ يَجْزِي الْمُتَصَدِّقِينَ

[هـــداج @70ttl]

﴿أَيَّامٍ مَّعْدُودَات﴾
فأحسنوا استقبالها، وصيامها، وقيامها
اللهم اجعلها مُثقلة بالأجور، مُجابة بها الدعوات

[هـــداج @70ttl]

مبارك عليكم شهر الخير ، أعاننا الله وإياكم على صيامه وقيامه إيماناً واحتساباً ..

[هـــداج @70ttl]

- لو رجع عمري برجع وابتديك

[هـــداج @70ttl]

بين الحنايا تثنّى في مرابعها
كنها تقول آتحدى من يطلّعني

[هـــداج @70ttl]

اللهم صلِّ على محمد وعلى آل محمد كما صليت على إبراهيم وعلى آل إبراهيم إنك حميد مجيد ، اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد .

[هـــداج @70ttl]

في مجريات الحياة العقل دربه دليل
اسرافك الزايد بطيبك بلا فايده

حاول تجي معتدل ويصير مالك مثيل
ما ينكب الطيّب الا الطيبه الزايده

[هـــداج @70ttl]

من يلوم القلب لا ضاعت علومه
والنحر منتوق والشال كشميري :)

[هـــداج @70ttl]

احب خيره , ولاني , متقي شره
وش خانة الحب لو ما اضيق واعاني

ما عاد له في دروب مواصلي جره
يالله عسى خير وش خلاه ينساني

اثر الليالي بليا , شوفته مره
ما ذقت طعم المراره لين خلاني

[هـــداج @70ttl]

إستعذت من الدروب اللي نهايتها حسافه
قبل ترميني ملذات الزمن ..في جوف غبّه

شيمة الأنسان ميزان اعتداله وانحرافه
تنذره لا شافت الاوضاع ماهي مستتبه

إن عجزت إنك ترد النفس عن شي ٍ تعافه
ماقدرت تحط نفسك فالمكان اللي تحبه

[هـــداج @70ttl]

ما امشي ورا المقفي ولو كان غالي
بس هذي لو تقفّي وراها وراها

خلها تعتبرها كبر ولا تعالي
أنا محظوظ حتى لو عطتني قفاها (:

[هـــداج @70ttl]

اشعر بعزم من واجه .. وتفكير شايب
كل مالد عيني .. فـ الظروف المحيطه

الذكي يعتبر من فعل مخطي و صايب
و يتمعن بـ شكله قبل شكل الخريطه

الليالي ما شالت هم حاضر .. و غايب
يـ القلوب الرهيفه و القلوب السليطه

ليه اعبد الوجيه و ليه اخاف المصايب
كل حاجه على وجه البسيطه .. بسيطه