R

عفوا الحياه قصيره فلا وقت لدي لكراهية احد 😌

[R @7eQtr]

أنا ادري إنِّك سحابٍ ما تبل القلوب
مير البلا قلبي اللي من بروقك خضر

[R @7eQtr]

كل مامريت في بالي أرحب بك وأهلي
لين صارت أغلب طواريك تجي مِثل المنبه

لا تحسب أن الغلا والشوق نوع من التسلي
وأنت قربك يشرح الخاطر وطاريك أحبه

[R @7eQtr]

ان كان لي حيله صبرت و تحملت
وان قلّت الحيلات حيل الله أقوى .

[R @7eQtr]

اقنّع النفس العزيزه وتقنع
في عزّها النفس العزيزه قنوعه

رح وان بغيت الله يحييك ترجع
ماهي بنفسي للمقفي دنوعه

من اولٍ ما صدق الهرج واسمع
واليوم صدقت الحكي من وقوعه

راعي الهوى عينه من الحب تدمع
وتشهد على حبه وصدقه دموعه

اكبر مصيبه من توده ويقطع
ارخص حياتك كان نفسك جزوعه

[R @7eQtr]

اقنع النفس العزيزه وتقنع
في عزها النفس العزيزه قنوعه
رح وان بغيت الله يحييك ترجع
ماهي بنفسي للمقفي دنوعه

[R @7eQtr]

ليت الثواني في شوفتك تصبح سنين
ليت ��لعمر كله لـقاك وشوفـة عيونك

[R @7eQtr]

ولا يغرك لو ان الناس دايم .. قبالي
دام ما غيرك اللي في عيوني مقرّه

لو يمرون حوولي .. ما يمرّوون بالي
والله ان ما لأحد غيرك على البال جرّه

[R @7eQtr]

صبّه الله في حشايش دار قلبي صب غيمه
مطرّت عقب البطا فديار بدوانً عطاشى

[R @7eQtr]

جعل درب مرته خطوة غزالي
ما يجف من المطر سبعين ليلة

[R @7eQtr]

جعل يسقي دارهم رايحٍ برقه شبوب
ما فصل رعَّاد ليله؛ وبرَّاقه سرى

[R @7eQtr]

يامن سكن فــي باطن الياش..
حبك وسط شريانـي ايطيش..

معطــي حياة امحبّك انعاش..
لو تقطعه ماظنـــــــي ايعيش..

[R @7eQtr]

صناديق قلبي وسطها واهجً وقاد
ولا احدً درا ويش ال��ناديق محتويه

ولاطاب لي ممشى ولا طاب لي مقعاد 
مسيري ومقعادي طريقين مستويه

ترى اللي جعلني طول وقتي حزين افواد
مسير القدم والنفس ماهيب مهتويه

الا واهني اللي مشت له على ماراد 
وأنا لازمي من دونه الطرق ملتويه

[R @7eQtr]

ضاق المكان اللي من أوّل أحبّه وأجيه
مدري هو الدرب وإلا الصدر مابه سعه

كم مرّت وجيه في عمري وعدّت وجيه
ومافيهم اللي بقى لي أو خذاني معه

ياعابرين الحياه أحتاج -قلبٍ نزيه-
عفويتي .. قابلتها قلوب متصنّعه

القلب مافيه أحد يستاهل يعيش فيه
رفعتهم فوق لكن طاحت الأقنعه

[R @7eQtr]

أثر لذّات الهوى ضوح برقٍ في غدير
رميةٍ تقْصر عن الصيد و تعوّد علي

ياوليفي صار حبك رحاةٍ تستدير
والنفوس من المشقه مزاهبها ملي

لاتجرب قسوة النفس مع قلبٍ كسير
خلها عشبة ربيعٍ على جرة ولي

المحبه طبّ الأرواح الأول والأخير
والعلاج اللّي مانلقاه عند الصيدلي .

[R @7eQtr]

ياغاية القلب هاك القلب دون الوصاه
جميلك ف جيتك وايامنا فانيه

يوم استوت عندي وراح الامل فالحياه
جيتي وشفت الحياه بنظرةٍ ثانيه

[R @7eQtr]

أشوف فيك الجاي لي من تباشير
و أشوف فيك اللي تمنيت كله

قلبي كريم ضلوع غاوي مسايير
لكنّك أول من قوى و أستحلّه

كان العطش ذابح يباس المقادير
كنت أتمنى من ندى الغيث قِلّه

الخيرة أحياناً تجي أحلا من الخير
حتى الغرق بك كان رحمه من الله

[R @7eQtr]

يوم خيّرني الزمن فالناس سهّلت إختياري
كنت أشوفك كل هالدنيا بـ عيني كل حزه

ما عشقتك نزوه و عذبتك بـ طول إنتظاري
جيتك أسرع من جناح الطير لا عجَّل مفزه

لا توقفني على حفة شموخي و إنكساري
ولا تساومني على العزه مدام إن لي معزه

[R @7eQtr]

أستباح الشوق نسناس الهوى واحتله
والجروح اللي بقت بعدك من يداويها 

و الغياب اللي خذا زولك وخلى ظله
ليه يحرمني من عيونك ونفسي فيها

[R @7eQtr]

عز الله إني ظلمت اسمي وميقافي
أخطيت في حق نفسي والخطا وارد

هقيت فيك الهقاوي وأنت ياكافي
ما ��برد من اعذارك إلا وجهك البارد

[R @7eQtr]

لا توصيني ولا احتاج في حبك وصاه
لو ظروف الوقت من دون وصلك حايله

الغلا لك والمحبه على كل اتجاه
لا يهمك دام حبك ب قلبي شايله

لو تباعدنا وشانت مقادير الحياه
ما سكن غيرك في قلبي ولا احد طايله . .

[R @7eQtr]

ماعندي اي استعداد أخليه وأنساه
فأيسر ضلوعي حل وأمسى وقيّل

ياكبر حزنني لا تخيلت فرقاه
هذا وانا ماغير .. بس اتخيل