ف اللي هو ستوووب يابني! أنا إمتى بقيت الشخص ده! الله يخربيت الألجوريزم اللي بوظ أخلاقي واهتماماتي، أنا كنت زاهد ف الحاجات دي.. منهم لله الألمان فتحوا عليا FOMO إن أجيب مرسيدس مرة ف حياتي.. وأنا والله ما كنت مهتم، بس فتنة بنت اللذينة
العربيات دي فتنة..
عمري ما كنت من مهووسي العربيات، بس بقالي فوق ال6 شهور داخل ف هاسل إن عاوز أجيب عربية، ف مسحول بقى تفا��يل عمري ما فكرت إن ممكن أهتم بيها، وشخصيتي الجديدة بقت حريصة وخوافة إنها ترمي نفسها ف الحاجة وخلاص، لاء لازم أقعد أحسب بقى كتير فشخ وأعمل pros & cons...
مستعمل جشعين، ووكلاء جديد سفاحين.. ف فوسط السحلة دي لقيت نفسي اتحولت لشخص عمري اتخيلت إني أبقاه! بقيت عيني تلمع لما أشوف عربية ألماني، وأنبهر لو شوفت فيديو لمرسيدس ماشية فوق ال٢٠٠ وقد ايه stable ومحافظة ع الbalance وبتsteer smoothly وقد إيه الميكانيكا الألماني شيء مُعجز ومبهر...
شوفت ٣ شهب قد العجل وشهاب نُغة.. بس بغض النظر الجو جامد جدًا والسما صافية ف اللي يعرف يسرق لنفسه وقت ويهرب من بضان الحياة شوية يعمل كدة، عشان الجو حلو فعلا
سبحان الله، ثواني بسيطة مهيبة، حاجة خارجة عن سيطرة أي حد وغير متوقع نتيجتها، حاجة تقبض القلب مجرد التفكير في التبعات.. الحمد لله على نعمة الأمان، والحمد لله على ستره
عدم الإحراج ده سوبر باور يا جدعان أقسم بالله.. يخربيتك ده أنا بطلب الشامبو والبلسم أونلاين وحرفيًا الصيدلية ف وش البيت.. ده أنا بستنى الناس تنام عشان أخرج الساعة ٢ أجيب كيسين إندومي