# راشّـد

" قِراءة مُمتعة لـ الجميع "

[# راشّـد @7iuat]

باب الغلا لأجلك محصّن ومقفول
حتى ولو غيرك .. طرقه وتسوّل

يحاولون بيدخلونه وأنا أقول
مافيه أمل والوضع هذا مطوّل

حبّك يحكم القَلب ويصول ويجول
فارض على العشّاق حظر التجوّل

أنا معك عن باقي الناس مشغول
وأحنّ لك وأحتاجك أكثر من أوّل .

[# راشّـد @7iuat]

لاتماري بزينك وانت كل الجمال
لوعلى الارض كوكب قالو انت القمر

دانةٍ من غلاها ماتقدر بمال
صانها من تكفل في نفوس البشر

[# راشّـد @7iuat]

من يلوم اللي خذيتيه من دنيا الضياع
لين صار ف قربك يْعيش و اختارك قِدر

و من يضيق بْه الصدر و انتي عيونك وساع
ياخذ مْن عيونك الواسعه وسعة صدر

و الشجاع اللي يقولون فـ الهيّه شجاع
قدم رمشك يرفع ايديه و سلاحّه حدر

و البدر لا طل في حضرتك زاد الشعاع
فوقنا بدرٍ يشعشع و في وجهك بدر

[# راشّـد @7iuat]

مضارب رموشك في خفوقي مضارب رمح
عليك الله ارفق فـ الخفوق و معاليقه

عمر الوهيطي

كلّ ما طالعت فيها، طلعت بشطر بيت
كنّ صف رموشها السود صف محاورة

عبدالله السراهيد

الهزيمه في عيونك بطعم الإنتصار
من يقاوم سحر عينك ورمشك لا خدر؟

سعود بن مبارك

مضارب رموشها اللي حدها حد سيف
مكانها الصدر واللي غيرها فالطرف

جابر النشيرا

[# راشّـد @7iuat]

«تمرّين و يصير السماء خيرها صبّاب
و تزين الأراضي كل ما أنتي تزينتي

فداك الشعر و الناس و الحلم و الأحباب
و أنا والسنين المقبله وين ما كنتي»

[# راشّـد @7iuat]

طهارة وجهك الراضي كنّه منخلق من لين
سحابٍ يروي أحساسي طهر و يلملم شتاتي

ذخرتك لـ الشقى صدرٍ يكفيني عن الباقين
و ذخرتك لـ المدى هقوه تشتت كل ضيقاتي

أنا يا ضحكة سنين الزمان وكل علمٍ زين
تركت الناس متعمّد و عليك أسوق هقواتي

[# راشّـد @7iuat]

احبّك جعل حبٍ يجي من بعدك يْعاف
وانا حالفٍ حبّك مع الوقت .. ما اخونه

ليا شفت وجهك والله ان ماعلّي اخلاف
فلا تنشد اللي شاف غايتّه .. وش لونه !

[# راشّـد @7iuat]

@ii55_q مضارب رموشها اللي حدها حد سيف
مكانها الصدر واللي غيرها فالطرف

جابر النشيرا

[# راشّـد @7iuat]

تغانموا ما يوصّلكم لخضر الجنان
ليالي العمر ما تمشي على مهلها

-عبدالله السراهيد

[# راشّـد @7iuat]

من باب الإعجاب لا تسأل عن إعجابي
إسألنّي تحب ؟ وبجاوبك حبيتك

اي والله إني عشقتك يا آخر أحبابي
وصديت عن مجمل الناس من جيتك

في وجه غيرك مسكر عيني وبابي
غالي و زاد الغلا يوم إني أغليّـتك

شفني ليا مر طيفك فزة أهدابي
وشلون لا منّك ندهت إسمي و لبيتك .

[# راشّـد @7iuat]

لا يلحقك يا نظر عيني من الوقت خوف
أنا معك ما لحقني خوف طول العمر

بين اتفاق المشاعر واختلاف الشفوف
نحاول إن المحبه فـ القلوب تعمر

انتي حبيبة شجاعٍ ما ألتفت لـ الضعوف
وانتي مليكة من يشوف أمنياتك أمر

لك وسط عيني مكان ووسط قلبي رفوف
ولك بين حدب الضلوع العوج درب وممر

[# راشّـد @7iuat]

-

اومن برب العيون الناعسات الوساع
سلهامها ياخذ العشاق لـ ابعد مدا

سهوم نظرتك ما يقدم عليها شجاع
حتى لو انه من اللي ينطحون العدا

لعيونك معرضٍ عمري لدرب الضياع
و اللي بقى منه واللي راح جعله فدا

[# راشّـد @7iuat]

«يطول الدرب أو يقصر معك لين آخر المشوار
عيونك قبلة أحلامي ووجهك فـ الطريق النّور»

[# راشّـد @7iuat]

سالبة عقلي , كثر ما ضعت ما أدور دليله
الدروب الي تودينيّ لك , اسعى لين اجيها

باقي من الليل ، ساعاتٍ دقايقها ثقيله
كل لحظه تفرح العشّاق فالليل أخطفيها

لو تقيّدنا الظروف الممكنه و المستحيله
مستعدين نتحمل ضيمها و نعيش فيها

أذبحيني بـ أي شكل يجوز لك و أيّة وسيله
و أعتقيني من دموعٍ لا أبتدت كيف أنتهيها ؟

قبل تِحزن وجهك المملوح يا مملوح شيله
أنتي دموعك قبل تنزل على الأرض , افتديها

القصيد الي يلامس خاطرك , ما فيه حيله
و الحروف الي تمادت فيك , يا بخت أبجديها

ضايعٍ من ضحكة المبسم ليا نفح الجديله
ضيعة الي كل ما أنجز له مهمه , يبتديها

قولي أحبك , ترا أحبك مثل وجهك جميله
حتى لو ما قد نطقتيها بساعدْك , انطقيها

من كثر ما أنتي حديثٍ لـ الليالي , كل ليله
الليال الي تسولف فيك , ما شاء الله عليها

—حمود بن فارس

[# راشّـد @7iuat]

البلا ما هو مصيبه .. توردك الهلاك
والله ان عيونك السود هي ساس البلا

اسال ضلوعي و اجاوب غلاك و يا غلاك
ما يشابه له من الارض ، و اهلها غلا

قول احبك شوفني كيف ارددها معاك
و ارجع احبك بـ قلبي تراحيب ، و هلا

حطني بـ وجهك و خل البشر هذي وراك
ويش ابي بـ الناس هذي ، و نظراتك ملا

[# راشّـد @7iuat]

كل عام و كل صبح و كل يوم
ينحسب لي عيد مادامك معي :)

#عيد_الحب

[# راشّـد @7iuat]

تمر السنين وتجتوّل والقلوب تهاب
وتبقين فالعمر المحدد مثل ما أنتي

عزيزة نسب وأطهر من الديّن التواب
رفيعة مقامٍ هان عمري ولا هنتي

تمرين ويصير السماء خيرها صبّاب
وتزين الأراضي كل ما أنتي تزينتي

فداك الشعر والناس والحلم والأحباب
وأنا والسنين المقبله وين ما كنتي

[# راشّـد @7iuat]

قبل أشوفك كان مالي طموح ولا هدف
ويوم شفتك قلت وين أنت يا مستقبليّ

أشهد أن عيونك السود ملعونة جدَف
ضعت فيها بين عقلي وطيشي وجهلي

[# راشّـد @7iuat]

لا زال الشعور يفزّ لك ما يبي ينساك
طبيعي يحنون الحبايب لـ أماكنهم

أبي ما يهدي روع قلبي بعد فرقاك
جميع البشر في حاجة اللي يطمنهم

مع انك هنا وشلون اشوفك هنا و هناك
متى صرت كل الناس يا واحدٍ منهم

[# راشّـد @7iuat]

@ma5200A الله