مجرّد رأي

رجالً م يداني نشدة الملقوف ..

[مجرّد رأي @7ll_Vip]

كان باقي لـي محبة .. غيابـك لا يطول
صاحبك لو مسّه الحزن نفسه ماشكت !

[مجرّد رأي @7ll_Vip]

اخاف لا اخسر حبها العف ، وتروح
للي مايسوى خصلةٍ من شعرها ..

[مجرّد رأي @7ll_Vip]

روح يا عامنا الموجع وشد الرحال
يكفي الي خذيت وياكبر ماخذيت

[مجرّد رأي @7ll_Vip]

فاقدك والكون ب��يابك كئيب
لا أحد قبلك ولا ��عدك أحد

عفت خلق الله من بعيد وقريب
وأعتزلت الناس بعدك للأبد

كل واحد صار بعيوني غريب
ما فقدتك كن فاقد لي بلد

كان همي في حياتي لا تغيب
الحياة بدون ضحكاتك نكد

ماني أول شخص فاقد له حبيب
بس بغيابك أنا أكثر من فقد

[مجرّد رأي @7ll_Vip]

بعدك أنا المشهد اللي صعب تصويره
تمرّ الأيام .. و أوضاعي هي أوضاعي

مشتاق لـ الليل و الشرهات و الغيره
ومشتاق لـ اسألتك اللي مالها داعي :)

[مجرّد رأي @7ll_Vip]

عموماً الإنسان يمر بضغوطات نفسيه
مما يؤدي للعزله وضيق الخاطر

وقيل على سياق ذلك :
ضايق وحالي ماش وعلومي علوم
ودي اهج من ضيقتي ومن هدومي

مرهق واعاني هم .. واطيح واقوم
يا ضيقة الخاطر عن الصدر قومي.

[مجرّد رأي @7ll_Vip]

ما بين عودٍ ليان ، و بين طرفٍ كحيل
بـ يعين .. ربي عليها مثل ما عانها

مايجعل الممكنه اصعب من المستحيل
هو نفسه .. اللي موديني لـ عنوانها

شلون .. بـ امرها مرور عابر سبيل
و خلانها تدري .. اني سيد خلانها

[مجرّد رأي @7ll_Vip]

ان ذبحتي سليل أشهر بيوت الشجاعه
قولي انك ذبحتيه بسمار وجديله

لا تقولين مات من الجفا والقطاعه
وتنحسب موتته منك على أهون وسيله

انثري دمع لو مرّه بليلة وداعه
ويكفي إن النهايات الجميلة جميلة

أولوياته اللي عن يقين وقناعه
كانت " الدين وانتي والوطن والقبيله "

[مجرّد رأي @7ll_Vip]

ما ودي أغرق كثر ماني في تفاصيلك غريق
لا حارت الوجهه حبيبي صوب جالك دلّني

أشره عليك من الجفا .. ومعاتبك ما بلّ ريق
مثل ما وليّتك على قلبي .. بقلبك ولّني

شرواي ما يرضى يكون إنّه على مفرق طريق
إمّا تخلّيني على المشراف والّا خلّني

[مجرّد رأي @7ll_Vip]

والله ان ماني فضولي ولا احب الفضول
بس قلبي يوم قفيت عنه .. ماسكت

ودي ادري عينك اللي تخبل بالعقول
هي بكت من بعد فرقاي ولا مابكت؟

[مجرّد رأي @7ll_Vip]

ودي بـ طاريك .. لكن ، يالله المستعان
مع ذكرك تْطيب الانفس والليال تعمر

لا تستضيقين حتى لو يضيق المكان
أيامنا .. ( حافلة ) بـ مناقشة كل أمر

[مجرّد رأي @7ll_Vip]

من الحقيقه ليه . . بس إنفعلتي 
إنتي جميلة وجه بس شينة طبوع

كل ما بغيت أرضيك رحتي زعلتي
بالأرض مالي غير روحتك موضوع

الله عطاك أسبوع وإن ما رجعتي
الله كريم ويعطي أكثر من أسبوع ):

[مجرّد رأي @7ll_Vip]

من كثر ما أتعبني شعور إنّك تروح
ما عاد يسعدني .. شعور إنّك تجي

[مجرّد رأي @7ll_Vip]

«ما بكيتك لأني أعرف البكى عذر التخلِّي
يمكن يطيح الغلا مع دمعتي ذنب وخطيَّة

القصايْد ما تردّ الغايبيْن ولا تسلَّي
ولا لها حيلة على ردّ الرِّضا والمقدريَّة

بس تبقى في ثنايا الذكريات وفي سجلِّي
مثل غصَّات الملوَّح فالديار العامريَّة»

[مجرّد رأي @7ll_Vip]

كلما أذكر إني عن عينك بعيد
يا تغيب الشمس أو تظلم سمايا

إبتدت ذكراك موضوع جديد
وقلبت كل المواجع في حشايا

ليت شمسك ذوبت ذاك الجليد
و أشرقت في المظلمات من الزوايا

جبتلك راسي وأنا راسي عنيد
ليه أحس إني معك ما إنت معايا

ليه أسأل وإنت قلبك من حديد
إنت سامع شي ومصدق وشايا

[مجرّد رأي @7ll_Vip]

«يرهقني الترك والهجران والصدّة
حتى الجمادات ما ودّي .. أخليها»

[مجرّد رأي @7ll_Vip]

استر ما واجهت يا تالي نهار الربوع
طلبت ربي ولا اطلب منك الا الستر

قاومت ست الليالي الماضية فـ الاسبوع
ونجحت ��ي الالف ميل وطحت فـ اخر متر

[مجرّد رأي @7ll_Vip]

يوم اني أبغي وصالك زاد فيك العناد
" محبّتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها

[مجرّد رأي @7ll_Vip]

وشلون ما غيّرت وجهك ظروف الزمان؟
كبرتي وعاد ذيك الساهيه ساهيه

لا زال وجهك على حطّة يدي من زمان
نيّر و ثغره بشوش و طلّته باهيه

[مجرّد رأي @7ll_Vip]

لو نسى وجه الفجر صبحٍ يصبّر ساهرينه
ما نسيتك يا أول أحبّك نطق فيها لساني

[مجرّد رأي @7ll_Vip]

حسبتك لا عطيتك دم قلبي تحفظ المعروف
حميتك بالنّوايا ما هقيتك تنوي إتلافي