*

بين التمام وبين خلّها على الله

[* @9inll]

﴿ وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ ﴾

[* @9inll]

رجعت من الغياب اللي تركني في غيابة جبّ
على شان الحضور اللي يجي بإدراك وعنايه

أبثّ الروح وتصير البيوت من المهار القبّ
ويظهر نجم .. وتدندن رعود .. وترتكز رايـه

" لا يرفعني مديح ولا ينزّل من مقامي سب
��نا مدرك ولي عقل استشيره وآخذ بـ رايّه "

[* @9inll]

تشع الشمس من مشرق سناها والحياة تدب
عسى في نورها .. غفران ذنب وعفو وهدايه

هني اللي لقا فـ آية كتاب اللّٰه علاج وطبّ
ماهو باللي يحسب الذكر دعوه والحديث آيه

رحاة الوقت تطحن والليالي ما تخلّي حَبّ
ولا استغرب .. لو آشوف الدليلة ينشد التايه

[* @9inll]

نجدد عهد /:

[قاف @Qaf_96]

بقى لك طاري وذكرى وطيفٍ مستحلّ الموق
جموعٍ ما تجيني لا ادلهمّ الليل منفرده

- محمد بن هرشان

[* @9inll]

أنزه " محبتك الشريفه " من التشويه
وأنا العاشق اللي رغبة النفس مرهقته

ما طلت العنب لكن والله ما أعذرب فيه
أشوفه وأعرف إنه حلو ما بعد ذقته :)
- علي آل صبيح

[* @9inll]

مع إن كل فرضٍ لا أذن المذن أصلّيه
معي ضيقة اللي مايصليه في وقته

من أول أضحك واحدٍ عند قبر اخيه
وذا الحين لا واجهني الطرب ضايقته

لا شفت الجماد اسمع وش يقول وأحاكيه
والإنسان ما أفهم وش كلامه لا ناطقته

أعيش الحزن مع كل من يفتقد غاليه
لو أشوف غصنٍ جف ساقيه عانقته

[* @9inll]

شعوري ورا حلمي وأنا أصايده وأخطيه
أخاف إنه أحلى من شعوري لا حققته

حبيبي يا ليت العمر منا إلين أنهيه
مثل ضحكتك لا قلت شيءٍ ما صدقته

ما تقدر تقول إن فاقد الشيء ما يعطيه
وأنا أعطيك ضحكٍ لي سنة يوم فارقته

لقاك أسرع من الحلم مع فارق التشبيه
لو تسابقه الأحلام ماهيب سابقته

[* @9inll]

والحبيب اللي كلام عيونه اكثـر من كلامه
ودي امسك كل لحظه في وصاله واتجود

قال وشلونك .. وقلت بخير يامال السلامه
قال اكيد قلت اكيد اني من الصعب اتعود

في غيابك جالس ادور على نص … ابتسامه
قال خايف؟ قلت اخاف انك تروح وما تعود

[* @9inll]

ترى بعض الكلام رصاص لا صار اللّسان زناد
ياليت الأدمي . . ما يهرج إليا ضاقت أخلاقه
- فواز السعيدي

[* @9inll]

« للحين صوتك .. يا حبيبي حبيبي
حتى لو إنك مو حبيبي لـ ��الحين »

[* @9inll]

تخطي على خاطري ويشيلها جوفي
" وانا على شانك الزعلان والدامح "

ماخفت من ليلة وداعك كثر خوفي
تقفي وانا ابيك وتعوّد وانا سامح !

[* @9inll]

أن�� أقدر أقول اني أحبّك وأقصر المشوار
لكن العذاب اللي مع شرواااك . . يحلالي

[* @9inll]

مستحيل ترجّع الدنيا مكانة شخص غالي
ساعة انه طاح من عيني مثل ساعة وفاته :)

[* @9inll]

أشعر بنارٍ تلتهب داخل الجوف
ما يقـدر الماء لـو شربته يجيها

- خالد بن مبارك

[* @9inll]

عسى البارق اللي ماطره يبهج العساس
⠀يحوّل على ديرتك . . ويعاود الكره

[* @9inll]

ليلةٍ ما جابت الحاجه لصوتك ما تراعي
راوغت وأنا صباحاتي من أرزاقي عقيمه

كنها مرت على عمري كذا من دون داعي
زايده على الحياة وفطرة النفس السليمه

والدروب اللي تودي عنك ملوية مساعي
والدروب اللي ترجعني لقربك مستقـيمه

[* @9inll]

على طاري الغلا إللي ما يبي له نشده وتبرير
يا كيف يسـج منـك واحدٍ ما غبت عن باله؟

[* @9inll]

لا تزعلني . . وتحكـم علي إني زعـول
وأنت تدري مستحيل أزعل الا من بلا

والعذر في بعض الأحيان ما يلقى قبول
في وسع صدرٍ . . تحمل زعل لين إمتلا

مشكلة غلطتك ما تقبل انصاف الحلول
" والمصيبه لك معـزه .. وتقديـر وغلا "

قلت سامحني وأنا الصدق مدري وش أقول
خايف أسامحك مره .. وتاخذها حلا :)