Abdullah،💥

آستغفرك ربي عدد مآسهوت عن ذكرك

[Abdullah،💥 @Ah__94]

لله در النفوس القانعة والنظاف
مهما يشح الزمن بأرزاقها راضية .

[Abdullah،💥 @Ah__94]

النفوس الكبيره تعرف اللي تبيه
ماتدوّر رضى العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

البس اللي يعجبك واكل ماتشتهيه
دامك فـ طاعة الرحمن عيش الحياه

لا تروح لمكان الا وراحتك فيه
ولا تجي من مكان الابسيره وجاه .

[Abdullah،💥 @Ah__94]

علامة المتـهم . . كـثر التصاريح
وعلامة المكتفي قل اهتمامه

وعلامة إني ضعفت ويمكن أطيح
علامة من علامات يوم القيامه

[Abdullah،💥 @Ah__94]

العيد ليس لمن يملك الجديد…

العيد لمن يملك قلبًا لا يؤذي أحدًا مهما أثقلته الحياة.

[Abdullah،💥 @Ah__94]

من مراحل الحياة
مرحلة تسمى " الصد عن الرغبات "
تصل بها إلى أن تتنازل عن كل ما في صدرك ثم تمضي

وقيل في ذلك/
" على كل حاجة كنت ابيها ولا اللهُ اراد
سلامي عليها من ضميرٍ سمح منها "

[Abdullah،💥 @Ah__94]

تنتهي كل النقاشات يالفكر العقيم
بابتسامة عفو ماهي نفاق ولاريا

والله ان القلب باقي على العهد القديم
من وفاه يحسب كل المخاليق أوفيا

قد خذيت من الليالي جروح فالصميم
كثر ما اخذت من يديني حبايب واخويا

آتغافل بعض الاحيان عن هرج الغشيم
وأستحي لو أكثر الناس مافيها حيا

[Abdullah،💥 @Ah__94]

شفت التواصل بين الاحباب واشتقت
لـ اوفاء بشر ، وأبخل بشر فالمواعيد

علّقت ثوب العيد الاول وعلّقت
" بقية احلامي على ثاني العيد "

- رفعان العرجاني

[Abdullah،💥 @Ah__94]

عيد الله عليكم مبارك وكل عام وأنتم بخير
وجعلكم من عواد العيد وتقبل الله طاعاتكم 🤍.

[Abdullah،💥 @Ah__94]

"ضعوا نقطة لإنهاء كل ما يؤذيكم
انتهى زمن الفواصل"
ـ ديستويفسكي.

"قال قد الفراق وقلت قد الفراق
يحسبني ما أسويها ـــ وسويتها"
ـ خالد بن طفلان.

[Abdullah،💥 @Ah__94]

بعض الناس… وجودهم مؤلم وغيابهم راحة"

[Abdullah،💥 @Ah__94]

ما بعد عسر الزمان أﻻّ تياسيره
لو سود الايام تفجعنا حقايقها
بنسوقها في رجاء اللي مالنا غيره
خلاّق الأنفس ، وكافلها ، ورازقها

[Abdullah،💥 @Ah__94]

بشرّوا من يلزم الصبر ويردّه حياه
بالغنايم دام ربي معين الصابرين

[Abdullah،💥 @Ah__94]

لو كل كلمه ليا جــتنا طردناها
بعنا الثمينه بســعرٍ مايخارجها

__عبدالله بن زويبن

[Abdullah،💥 @Ah__94]

من عامل الناس في سابق خطاياها
يقعد بدارٍ خلا ما داج دايجها

في كنةً تشوي الجربوع رمضاها
تابس غصون الشجر من حر واهجها

والناس بالحق حكم الشيخ ما أرضاها
ما ترضي الناس لو إنك تحججها

ياللي تبي الطيبه خذها وعطناها
وخل الطريفه طريه لا تثلجها .

[Abdullah،💥 @Ah__94]

العين ميدان السهر و الصدر ميدان النزاع
واحلامنا هوج الرياح العاتيات تهبها

وش ذا الحياة اللي لياليها صراعن في صراع
وش ذا الزمان اللي صواديفه ما يطحن حبها

حالي مثل حال المعيف اللي طرد حلمه وضاع
وأغضى عيونه عن ملذات الليال وكبها

[Abdullah،💥 @Ah__94]

هكذا هي الحياة تحملُ في طياتها الكثير من الأقدار .. حلمٌ يتحقق ، وحلمٌ يتعثر ، لقاء بلا موعد ، وفراق بلا سبب .. لا البدايات التي تتوقعها ، ولا النهايات التي نريدها ، وتستمر الحياة..! "

[Abdullah،💥 @Ah__94]

كَبـرو وهللو واحمَدو الله كثيراً
فنحن في أحب الأيام واعظمُها

[Abdullah،💥 @Ah__94]

#اغتنم_العشر_المباركه

اللهم ارحم من كانوا يفرحون ببلوغ عشر ذي الحجة وصيام يوم عرفة وصبّ عليهم الأجور صبًّا ، اللهم بعدد تكبيرات خلقك ارحم مَوتانا واغفر لهم .. اللهم اجعل كل عمل صالح نقوم به من بعدهم في ميزان حسناتهم🤍

[Abdullah،💥 @Ah__94]

ماكلن يدارى خاطره بالكلام الزين
لو الناس يكسب ودّها اللي يجاملها

لاتسكت وتذخر كلمةٍ توجع المخطين
إليا قرقعت في الصدر لاتستحي قلها

[Abdullah،💥 @Ah__94]

نا ما عاد أطرب مع الطير وغْناه
ودي لو إن الطير .. ينفذ ب ريشه
تدخل من الباب الكبير المعاناه
والابتسامة .. تطلع مُع الدريشة
لكن .. لا زلت بخير، والحمد لله
حتى لو إن الدار بعدك ! وحيشة
يحزنّي إن الماضي .. اللي بنيناه
ماهوب مثل الواقع اللي نعيشه