ناصر بن يحيى

[ناصر بن يحيى @bn_yahya1]

@al_shlwani مرحبا بالمبدع سلمت ودمت يابو علي 🙏🏻

[ناصر بن يحيى @bn_yahya1]

لا تتعب ورا طرد المقفي يا عود الراك
انا انسان - ادور راحتي في .. مساعيي

قبل كنت اعدل ميلة احساسك الشكاك
و اوقف عل�� حزني و ايمم على غيي

يوم ان الليالي موحشه و الحزن فتّاك
قبل لا اعرف انك كنت وحشة لياليي

حبيبي قبل . خل الخطايا و سوق خطاك
على غيبتك جعلك فدى .. ميتي و حيي

اسوق البشاير في غيابك و في فرقاك
لو انك قبل وجهة رضاي و مشاهيي

كرهتك و كثّرت الحبايب عشان انساك
و زادت مسراتي — و زانت مساريي

[ناصر بن يحيى @bn_yahya1]

@u42i_ مرحبا يابو ابداح 🙏🏻

[عبدالله الشلواني @al_shlwani]

ليه ينشد عن علومي وهي ماتسرّه
هو الأدرى بمضمون الحكي قبل اقوله

لو يعس الوطا ما بين بحره وبرّه
مالقى غير مدهاله و جرة ذلوله

ماشعفني من لْيال العمر شي مرّه
غير ليلٍ تناثر فوق كتفه سدوله

تسلب الناس ضحكاته و تلبس ْصورّه
كل ما ألد فـوجيه البشر شفت زوله

[عبيد فهيد @alml3be]

إن ما فهمتي صمتي المشروح
بتفهمك خطوات رجليني

معاد في صدري بقايا بوح
عن ما حصل من بينك وبيني

كرهت دور الجارح المجروح
واخترت لي دربٍ يوديني

على المكان اللي ظلامه ضوح
حتى لو ان ماهوب مرضيني

أحسن لي أحفظ ما بقى وأروح
ولا أطيح من عينك ومن عيني

هذي ظنون الخاطر المسموح
وأنتِ ، عليك الله يعزيني

إما تعالي لي بقلب وروح
وإلا بقلب وروح خليني

[حامد زيد @hamedzaidq8]

مشاركتي في اليوم الوطني السعودي في القصيم :

بإسم الكويت اللي غلاكم عند اهلها مايبيد
لأهل البلاد اللي يظل المسلمين ظلالها
..
ماهوب مدح مجاملات إلا علي الله شهيد
إنا نعشق المملكة من جــالها لي جالــها

#اليوم_الوطني_٩٦
#اليوم_الوطني_السعودي_٩٦

[ناصر بن يحيى @bn_yahya1]

@_hl2ly ماعليك زود يا الهلالي و تقولها من طيب راسك 🙏🏻🙏🏻

[ناصر بن يحيى @bn_yahya1]

@k_tflan الله الله الله يابو محمد صح الله لسانك

[خالد بن طفلان @k_tflan]

عسى هنوفً عليها ال��اس ملتمّه
فدا ( ستيرة عرب ) محدً درى عنها

[فالح بن غشام @Faleh_002]

ياناصح الشاعر ماودك تستريح
نصحك بلا معنى ومنطوقك هزل

كثحتنا ويفوح من هرجتك ريح
انصّحك عن جو النصايح تعتزل

اقرب شبيه لـ فمّك اكزوز الجميح
دخّان متناش�� ونارً تختزل

كلامك اللي قلت لي ماهو صحيح
كنّه ثلاث أرباع شعري في الغزل

[الهلالي @_hl2ly]

أجر لي طاروق و أومي لي بـ راس
عسا تباريح الشعر —- ( تكفيرتي )

خلوني أدرى صدر ضاق وقلب حاس
أنا بديت أفتك من —— جريرتي
@bn_yahya1

[فارس عمر @Fares_Otaibi_]

ياما بذلنا لـ المواجيب الاسباب
وياما بذلنا .. كل ما في يدينا

وجيهنا وحدة مع أقراب وأصحاب
حتى لو تدور ( الليالي ) علينا

امجادنا اللي دايماً موضع إعجاب
تمشي مع الركبان لو ما مشينا

ندرى عليها من مشاريه الاجناب
ويحوسها مسكين .. منا وفينا

[عبدالعزيز العبلان @azizalablan]

انتهت ولا ابتدت معك مرحلة الحنين
الأكيد : إن لوعة الفقد ماجربتها

كثر ما فـ ادراج الأيام .. غيرك غايبين
ماذكرت إلا أنت من سبتها لـ سبتها

يوم أشوفك بين حد الشكوك من اليقين
فيك لا صدقت عيني ، ولا كذبتها

بس مدري من كلامك وش اخر كلمتين
عدتها مليون مره .. ولا استوعبتها

[ناصر بن يحيى @bn_yahya1]

@starman709 ماشاء الله مبروك مبروك يابو بندر والله يوفقه التوفيق المبارك

[خالد بن طفلان @k_tflan]

يا صاحبي خابرك مالك نطيح
مع صدوف الليالي .. منسجم

صامل ، ومتواضع ، وهبّاب ريح
تاكل من التمـر واتطش العجم

من خلقتك (تستعد وتستريح)
على ظروفك ( تدافع واتهجم )

خلك على الكلمة الجزله ، فصي��
امّا على اعراض الاجواد اعجم

ان كان حسيت في قرب المطيح !
لا تقبل اتكون حيدً من رجم

المع مثل نجم فالكون الفسيح
منَـه الدليله .. يدل المنجّم

واجزع من الهون يالوجه الفليح
حتى ليا طحت لـ الطيحه حجم

اتموت الافراح مع موتة مديح
واتطيح ظلعان من طيحة نجم

[احمد الجدعان @qer_21]

رفيق المساري ودي اغيب عنك وكفّ
مشاريهك اللي ما سفى فوقها السافي

بقفي عن اسفاف المواقف وعني قفّ
ولا عاد اتحرى رجعتي عقب منكافي

انا صاحبك عند النوايب ملاذ وضفّ
وعند الرخى سلم على وجهي وكافي

مع اني لقيتك راسٍ اصوك ووجهٍ عفّ
وصدرٍ يضم اسراري ويحفظ اعرافي

ولاكن عجزت اللقاك غايه واشوفك شفّ
واحطك على يمناي وارقى لـ مشرافي

ادفّ الدقايق كل ما جيتني وادفّ
ملامي على صبري ووزني على قافي

[الهلالي @_hl2ly]

تعرف الحب ولا ما تعرفه يا نحيل العود
قبل لا اجر صوتي و اتغنى بك و اغني لك

مشاويري بدون حدود و احساسي بدون حدود
وقلبي روضةٍ طايل شجرها م�� هماليلك

تهادى تنبت القيعان ورد و ينطق الجلمود
تمادى ينهمر غيث الغرام و يندرج سيلك

انا المهموم و المجروح و المكسور و المفقود
سجينٍ ما لقى حريّته غير بـ مظاليلك

على سبع الاراضي تايهٍ - حروة ثلاث عقود
ضميت ولا ارتويت من الضما الا من شهاليلك

تخير فـ الدروب البيض ولا فـ الدروب السود
وسولف ودي ابحر في حلاك و في تفاصيلك

ورا ذاك القوام اللي يسري قلبي المضهود
انا وشلون بـ انوي صدتي و اسفه مراسيلك

لا ملت من الدلع كنك تمايل ميلة العنقود
واصفق لك والاعب غرتك و اسمر تعاليلك

فروعٍ فيك تفصيل الشعر يقصر عن الموجود
اذا غنيت في شمسك و اذا غنيت في ليلك

تلذذتك طرب لو كنت اشوفك ذنبي المشهود
تجرعتك غلا لين اشبعت شوفي - محاصيلك

ابعد عنك و اروح اتغنّى .. مع هبوب النود
و اعوّد لك ولا اسمع غير ترحيبك و تهليلك

يازينك يوم تنشدني عن الشعر و عن المقصود
ياشيني يوم — اغير فكرتك و اخلف تحاليلك

تخاف اروح ؟ وانا اللي اخافه يومك الموعود
هو اليوم الوحيد - ��للي يخوّف من مقابيلك

[ناصر بن يحيى @bn_yahya1]

@_kuw صح الله ابدنك يابو يحيى 🙏🏻

[ناصر بن يحيى @bn_yahya1]

@MbarkAlhjaj و عليك يابو هادي 🙏🏻

[ناصر بن يحيى @bn_yahya1]

@qer_21 وعليك يابو ماطر 🙏🏻