٢

مايسهر الليل .. خالي بال

[٢ @coov_]

طاحت دموع الغيم والحظ ماقام
والهم غافي فوق كتفي وصدري
اكتب قصيدي اوصف شعور واوهام
كم صارلي مده اعاتب واهذري
حظي كسر ظهري وعايش بالاحلام
حتى خيالي صار واقع لعمري
اضحك وانا في داخلي عشر الام
واصبر واقول الله على عزوم صبري

[٢ @coov_]

يفلان بسولف لك عن القلب وشفيه
وابيك تسمع في قصيدي خفاياه
عن واحدٍ قفى ولاني بناسيه
راحت به الدنيا ولا غاب ذكراه
لامن طرالي تالي الليل طاريه
من شافني في ضيقتي قال عزاه
تدري شسوي لا تذكرت ماضيه
اروح المكان اللي من العام جيناه

[٢ @coov_]

كانك على ذبح الوفا فيه قاوي
فاذبح خفوق اللي يحبك ولا تاب
واللي بقى من وقتنا مايساوي
لحظه نعانيها من البعد اغراب
لا يانجوم الليل مانيب هاوي
فرقاه مناة الروح ولو طالت الاسباب
ياناصحين القلب ماله مداوي
غير الحبيب اللي له القلب طلاب

[٢ @coov_]

ان حل بي طاريك وقفت بسكات
وان زارني طيفك عطيتك تحيه
من زود حبك ماحسبت المسافات
ومن زود شوقي ماتهم المنيه
مدري علام القلب يهواك بالذات
وعروق شوقه بارض حبك نديه

[٢ @coov_]

مابين صدري والمقابر علاقات
بالاسم والمعنى ودفن الضحيه
الفرق بن المقبره تحضن الاموات
وانا دفنت اشياء بالصدر حيه
دفنت حبك عن هروج السخافات
ودفنت شوقي عن عيون البريه
ودفنت في صدري غرابيل واهات
واسرار نفس من زمنها شقيه
امنتك الله يابعد راس الابيات
ياملهم قافي صبح وعشيه

[٢ @coov_]

مضت الاقدار والاقدار تجري
ومن له في ردع الاقدار حيله
انا صابر وصبري شق صدري
وخلي قد لقى غيري بديله

[٢ @coov_]

وين انت ياغايب عن القلب وين انت
غيبتك طالت والجفا له مواري
خايف خذاك الوقت عني وهونت
ولا طرالك في غيابك طواري
شفني انا من فعل الايام ماشنت
اغيب لكنك على البال طاري

[٢ @coov_]

ولا القصايد جعلها من فداياك
لبستها مبطي ثياب الحدادِ
باكر على المخطي يدورون الافلاك
ونشوف من يصعب عليه البعادِ

[٢ @coov_]

كن الليالي ودها تكسب رضاك
وانا يطول مع الليالي جهادي
في ذمتي ماهي غريبه خطاياك
مبطي وقلبك لو تنبهت غادي
سهله علي من كان مثلك وشرواك
مثل الثياب يغيرون المبادي
علمني اكره ذكرياتك وطرياك
وانسى من الليله صدوق الودادِ
ولاني بقايل عقبها وين ابلقاك
راضي ولو ان جروح قلبي جدادِ

[٢ @coov_]

اقول احبك وادري الحب قتال
الله على كثر المحبه يعينك
ولا انت ناسيني على كل الاحوال
لو مت من فرقاك ماقلت وينك

[٢ @coov_]

عزفت في روحي من الوجد موال
روحٍ تلاعبها بانامل يدينك
احيي خيالك في خيالي وتغتال
حلمٍ يجمعنا خايف انه يدينك
دايم تعذبني ودايم على البال
الحب غلا فيك زينك وشينك
يزول عمري والامل فيك مازال
الشوق خلف لي بقايا حنينك
يبقى غلاك وصال لو مابه وصال
وكل العذاب يهون من شان عينك

[ِ @2rh6_]

مثل اللي يقول ماعليه
وكل العالم عليّه

[٢ @coov_]

رحلت عن دارك وانا خاطري فيك
رحيل حاكم دولته مستحله
حاولت اكابر وانسى ماضي لياليك
جتني طيوفك زادت الطين بله
سالت دموعي فوق خدي تناديك
عقبك ترا دنياي صارت ممله
شف حالتي وشلون لا حل طاريك
شفني على طاريك دمعي اهله
اببعد عنك وانا خاطري فيك
ابسوق رجلي واتوكل على الله

[٢ @coov_]

لاتزيد طعوني اوجعت الخناجر
مابقى عرقٍ بقلبي ماثنيته
لو عيوني غيم وأهدابك محاجر
ماظمى رمشك تحت دمعٍ بكيته

[٢ @coov_]

ياحبيبي والبكا هم المحاجر
بالدموع أبرد مناديلي كويته
آه من صوتٍ ترك كل الحناجر
وإنتثر في دفتري شعر وقريته
كل هذا وأنت قاسي قلب هاجر
ماهداك الله وأخذت اللي عطيته
صاحبك لين حشا والحسن فاجر
من لمحته قلت جاك اللي بغيته
من غرامك في غلاك أرحل وأهاجر
وإن ضواني ليل من يمك سريته

[٢ @coov_]

والله لو من فوق عنقي تشهر السيف الصقيل
ان رجعتك تحرم علي مثل تحريم الخمر !

[٢ @coov_]

من يزرع الصبار غير الشوك مايجني ثمر
هذا انت ما والله تغير تحسب الواجد قليل
قنوع الا في عطى كفوفي لو اعطيك العمر
عاهدتني في حب غيري ماتحيد ولا تميل
واثرك مخاشر قلبي وقلبه لياليك الحمر
خذ اسفك ماعاد لي بال على كذبك طويل
ان كان بعدك مر قربك ياشقى قلبي امر

[٢ @coov_]

لو تعتذر ودموع عينك من محاجرها تسيل
بستان حبك ياقديمي صارت وروده سمر
وشلون تبكي فوق نعشي وانت مرديني قتيل
وتقرأ علي سبع المثاني وانت دامرني دمر
والله لو ابدع لك من اشعار الغزل شعر جزيل
واقطف لك النجمه واغلف من كواكبها قمر
مانيب مستغرب لو انك رحت مااوفيت الجميل

[٢ @coov_]

ماني عقب فرقاك عايش بلا أحباب
ولاني عقب فرقاك عايش حزيني

لا ساهرٍ لأجلك ولا الدمع سكّاب
من انت؟ حتى تبكي اليوم عيني

أصبحت في عيني مثل باقي الأغراب
إن رحت ولا جيت منت بضنيني

وش حاجتي لا صرت بالحب لعاب
حرام أضيع معك باقي سنيني

[٢ @coov_]

الليل طال وضاق صدر المواعيد
ياللي مواعدني بليل التعاليل
خليتني محتار يبن الاجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لاخره حيل
لملم ظلامه والبقايا تناهيد
واقفى وخلاني مع الهم والويل