🅕🅐🅗🅓

احترم تحترم

[🅕🅐🅗🅓 @fahdg2012]

@waqietv2 القناة مميزه وفكرة البرنامج جميله ولكن التصفيات الى 48
ماتصلح بالتصويت لان فيه مشاركين شعراء لهم بصمة في شعر المحاورة في الميدان وفيه اسماء مشاركه مالهم في الشعر هذي بتكون سلبيه على البرنامج .
يمكن يتأهل شاعر ماعنده فنون المحاورة وذلك بالتصويت
ويمكن مايتأهل شاعر محاوره حقيقي

[🅕🅐🅗🅓 @fahdg2012]

تطـيب ﺎلرجال وصيتھا فـﺎلعرب مذكور
وتبقى على ﺎلنوماس و ﺎلطـيب ، ماريه

ياكم حي ماله بين جمع ﺎلرجال حـظور
و كـم ميـت بيـن العـرب سـيـرته حـيه

[🅕🅐🅗🅓 @fahdg2012]

لـ المراجل برق و رعود و سنا
في وجيه اهل المكارم والشرف !
،
من خسرها في حياته وش جنا
ومن جهلها في حياته وش عرف
،
ذائقه

[🅕🅐🅗🅓 @fahdg2012]

يعذرب الطيب راسٍ ماهو بـ طيّب
ويحقّر الجوع بطنٍ في نحا شبعه
.
دايم ضعيف الروابع شبحه قريّب
حتى رداه ان تردى في حدا ربعه
.

[🅕🅐🅗🅓 @fahdg2012]

بحري وراك وسيف عشقي أمامك
جبل ،،،،وقلبي،،،،! مابعدهزّته ريح

لا تسأليني كيف طحت بغرامك؟؟
الكون لأجلك طاح،،! وإشلون ماطيح!

[🅕🅐🅗🅓 @fahdg2012]

بعض البشوت اللى بوسط المحافل
اللي علئ صدر المجالس يرزون

من كرسي المعرس لحد المغاسل
هذي حدود ابشوتهم لو يطيرون

[🅕🅐🅗🅓 @fahdg2012]

ياتويتر ماجيتك أشكي من الحال
جيـتك وأنـا شـاعـر وغـامض ومجهول
نـواصلك لـو نـقطع شـهور وليالى
ونضحك مع الصاحي ليا صار مهبول

[🅕🅐🅗🅓 @fahdg2012]

ﻻتمـادى في الخـطا مّره ومــرّه
غلطة العاقل تنقص من وقـارة
ان تـشـّرهـنا لنا حـق انتـشرّه
وان سكـتنا يفـهم الحـر الاشارة

[🅕🅐🅗🅓 @fahdg2012]

عن كل حاجة كنت أبيها تساميت
إن جت تجي وإن راحت ألفين خيرة "

[🅕🅐🅗🅓 @fahdg2012]

يالله بحسن الخواتم ولطفك يامعين
يوم عبدك عاري ٍمامعه غير عمله

لا تواخذني بجرمي وماتجني اليدين
وأستر عيوبي بسترك ورزقي سهله

[🅕🅐🅗🅓 @fahdg2012]

لا تحسبن الصوم ياصاحبي نوم
الصوم طاعه واحتساب وغنايم

يمضي عليك اليوم ما كنه اليوم
وشلون تبغى الفايده وانت نايم

[🅕🅐🅗🅓 @fahdg2012]

غريب بعض الناس ما يذكر الزين
مايذكر الا الشين لا من زعل منك

ينسى جميل ايام وشهور و سنين
غلطه صغيره .. عقبها يبتعد عنك

[🅕🅐🅗🅓 @fahdg2012]

اصبر على آلدنيا ونكبات ، الايام
واتبع طريق الحق جره .. بجرّه
.
عن واقعك لا ياخذك طيش الاحلام
وأعرف ترى حآجتك ، للناس مرّه

[🅕🅐🅗🅓 @fahdg2012]

ناس لها بالقلب حشمه وتقدير
وناسٍ تجي وتروح محدٍ فقدها
وناس لها بالطـيب موقف وتقرير
وناس تردى والـردى فعل يدها

[🅕🅐🅗🅓 @fahdg2012]

أثقل ديـون الطيب 🌱، دين الجماله
وألذ طعم الطيب ، طيب المواقيف

و أزكى دروب الطيب درب العداله
و أبرز صفات الطيب رد المعاريف🌱

مساء الخير

[🅕🅐🅗🅓 @fahdg2012]

ياشينها لا صرت طيّب على طول
وتظهر رضا نفسك وتخفي زعلها

وقلوب بعض الناس تحتاج ديتول
يقتل / جراثيم / الحسَد ويغسلها

[🅕🅐🅗🅓 @fahdg2012]

ماهو بكفو الوقت حبك يمحيه
يالي تخاف صروف الايام تمحاه

ارتاح دام ان المواصل يقويه
انت انت وانا أنا وقلبي هو اياه

[🅕🅐🅗🅓 @fahdg2012]

الجنون عيون ...وعيونك وطن
والوطن من غير عينك وش يكون

لا شوارع ، لا اماني ، لا سكن
لا حياة ، ولا ممات ، ولا طعون

[🅕🅐🅗🅓 @fahdg2012]

تعال سولفُ لي عن احلام دنياك
من ليلة البارح وأنا ودي أسألك
تدريُ وش اكثر ماتمنيت وياك
اقرأ ملامح ضحكتك ۈاتأملك