Ibrahim Mohamed Solih

7th President of the Republic of Maldives

[Ibrahim Mohamed Solih @ibusolih]

ހިޖުރީ އައު އަހަރުގެ ތަހުނިޔާ ހުރިހާ ބޭފުޅުންނަށް އަރިސްކުރަން.

މި ފެށްޓޭ 1448 ވަނަ އަހަރަކީ އަޅުގަނޑުމެން ދިވެހީންނަށް އުފާވެރިކަމާއި ބާއްޖަވެރިކަމުން ފުރިގެންވާ އަހަރެއް ކަމުގައި ލައްވާށި. އާމީން

[Ibrahim Mohamed Solih @ibusolih]

އެމްޑީޕީ ގެ ޗެއަރޕާސަން އިންތިޚާބު ކާމިޔާބު ކުރެއްވި ރައީސް @MohamedNasheed އަށް ވަރަށް ބޮޑަށް މަރުޙަބާ ދަންނަވަން.

ސަރުކާރު ޖަވާބުދާރީ ކުރުވުމަށް @MDPSecretariat އިން ކުރަން ޖެހޭ ސިޔާސީ މަސައްކަތްތައް މިވަގުތު ވަރަށް ގިނަ. އެ މަސައްކަތްތައް ކުރުމުގައި މަނިކުފާނުގެ ތަޖުރިބާ ގެ އަލީގައި ކުރިއަށް ވަޑައިގަންނަވާނެ ކަމާ މެދު ޝައްކެއް ނުކުރަން.

އިންތިޚާބު ގައި ވާދަ ކުރެއްވި @MickailNaseem ކުރެއްވި މަސައްކަތް ވަރަށް ކައިރިން ދުށް މީހެއްގެ ހައިސިއްޔަތުން މަރުޙަބާ ދަންނަވަން. މީކާއީލްގެ ސިޔާސީ މުސްތަޤުބަލު ފެންނަނީ ވަރަށް
އުޖާލާކޮށް.

އަނެއްކާ ވެސް އެމްޑީޕީ އިން ފެނިގެން މިދިޔައީ ޕާޓީ ގެ އެތެރޭގެ ޑިމޮކްރެސީ ފައްކާވެ ފުރިހަމަ ވަމުން އަން��ަތަން.

ޕާޓީ އާއިގެން ކުރިއަށް ދާންވީ އެންމެން އެކީ.

[Ibrahim Mohamed Solih @ibusolih]

Congratulations to Prime Minister @narendramodi on becoming India’s longest-serving Prime Minister.

This is a truly historic milestone that reflects the enduring trust and confidence the people of India have placed in Prime Minister Modi as steward of their aspirations and ambitions. India’s remarkable economic, social, and political progress during his tenure stands as a testament to his leadership.

Closer to home, Maldives–India relations have also flourished and strengthened significantly under Prime Minister Modi’s leadership. It is my sincere hope that the close bonds of friendship between our two countries continue to grow in the years ahead.

[Ibrahim Mohamed Solih @ibusolih]

ތިޔަ ހޯއްދެވި ކާމިޔާބަށް ވަރަށް ބޮޑަށް މަރުޙަބާ އަބްދުﷲ ޞާދިޤް (ސޯބެ) @SobeAbdulla. މަނިކުފާނު މަޖިލީހަށް ތިޔަ ވަޑައިގަންނަވަނީ ވަރަށް މުހިންމު ވަގުތެއްގައި- ތިޔަފަދަ ބޭފުޅުންނަށް މަޖިލިސް ވަރަށް ބޮޑަށް ބޭނުން ޖެހިފައިވާ ވަގުތެއްގައި!

އިންތިޚާބަކަށް ފަހު އިންތިޚާބެއްގައި ރައްޔިތުން އެދަނީ މި ސަރުކާރަށް ނޫނެކޭ ބުނަމުން. މިއީ ރައްޔިތުންގެ ޙައްޤުގައި ރައްޔިތުންގެ މަޖިލީހުގައި ގިނަ މަސައްކަތްތަކެއް ކުރަން ޖެހިފައިވާ ވަގުތެއް. ސޯބެ މަޖިލީހާ ގުޅުންވެގެން ދާނީ @MDPSecretariat (MDP) ގެ ޕާލިމެންޓްރީ ގްރޫޕަށް ލިބިގެންދާނެ އިތުރު ބާރަކަށް.

މަޖިލީހުގައި ކާމިޔާބު ދުވަސްތަކަކަށް އެދެން.

[Ibrahim Mohamed Solih @ibusolih]

އިބްރާހީމް ޙަލީމް (ދޮންނަ) ނިޔާވުމުގެ ހިތާމައިގައި ބައިވެރިވެ އާއިލާއަށް ތައުޒިޔާ ދަންނަވަަމެވެ.

ޙަލީމް ދައުލަތަށް ޚިދުމަތް ކުރެއްވި 50 އަހަރު ތެރެއިން، 40 އަހަރަށް ވުރެ ގިނަދުވަހު، ދެމި ހުންނެވީ 2 ވަނަ ޖުމްހޫރިއްޔާގެ ފުރަތަމަ 6 ރައީސުންނަށް ޚިދުމަތް ކުރެއްވުމުގައި މުލީއާގޭގައެވެ. މައިގަނޑު ގޮތެއްގައި ކުރެއްވި ކަމަކީ ސުފުރާމަތި ބެލެހެއްޓެވުމެވެ. އަޅުގަނޑު މުލީއާގޭގައި އުޅުނު އިރުވެސް އެ ޚިދުމަތުގައި ދެމި ހުންނެވިއެވެ. ކޮންމެ ދުވަހަކު ހެން އަޅުގަނޑާ ބައްދަލުވެއެވެ. 6 ރައީސުންގެ ދުވަހުގެ ޒާތީ އެތައް ކަމެއް ފެނިލައްވާފައި ހުންނާނެއެވެ.

ޙަލީމްއަކީ ވަރަށް ތެދުވެރިކަމާ، އަމާނާތްތެރިކަމާއެކު ޚިދުމަތް ކުރެއްވި ބޭފުޅެކެވެ. ސާފުތާހިރުކަމަށް ލޯބިކުރެއްވި ސަކަ މި��ާޖެއްގެ ބޭފުޅެކެވެ.

މަރުޙޫމްގެ ފުރާނައަށް ސުވަރުގޭގެ ދާއިމީ ނިއުމަތް މިންވަރު ކުރައްވާ، އާއިލާއަށް ކެތްތެރިކަން ﷲ މިންވަރު ކުރައްވާށިއެވެ. އާމީން.

[Ibrahim Mohamed Solih @ibusolih]

އުފާވެރި އަޟްޙާ ޢީދުގެ ތަހުނިޔާއާއި ހެޔޮއެދުންތައް، އެންމެހައި ދިވެހީންނަށާއި މުސްލިމުންނަށް އަރިސްކުރަން. މިއީ އެކުވެރިކަމާއި އެއްބައިވަންތަކަމުގެ އުފާވެރި ޢީދެއް ކަމުގައި ލައްވާށި. އެންމެހައި ބޭފުޅުންނަށް ބަރަކާތްތެރި ޢީދަކަށް އެދެން.

[Ibrahim Mohamed Solih @ibusolih]

ހިތަދޫ އުތުރު ދާއިރާގެ ބައި-އިލެކްޝަންގައި ވާދަކުރައްވާ @mdpsecretariat ގެ ކެންޑިޑޭޓް ޢަބްދުﷲ ޞާދިޤު (@SobeAbdulla) ގެ ކެންޕެއިން މާލެ ޖަލްސާ މިރޭ 8:30ގައި އެމްޑީޕީ ހަރުގޭގައި

#VoteSobe
#VoteThilafathah

[Ibrahim Mohamed Solih @ibusolih]

ސިޓީ ކައުންސިލްތަކާއި ރަށު ކައުންސިލްތައް ހިންގެވުމާ މިއަދު ހަވާލުވެވަޑައިގަންނަވާ މޭޔަރުންނަށާއި، ކައުންސިލް ތަކުގެ ރައީސުންނަށާއި ކައުންސިލަރުންނަށާއި، އަ��ްހެނުންގެ ތަރައްގީއަށް މަސައްކަތްކުރާ ކޮމެޓީތަކުގެ ރައީސުންނާއި މެންބަރުންނަށް ވަރަށް ބޮޑަށް މަރުހަބާ ދަންނަވަން.

ލާމަރުކަޒީ ނިޒާމުން ރާއްޖޭގެ ރަށްތައް ހިންގުމުގައި ތިޔަބޭފުޅުންގެ ދައުރު ނުހަނު ބޮޑު. ރައްޔިތުންނާ އެންމެ ގާތުން މަސައްކަތްކުރައްވަން ތިއްބެވީ ތިޔަބޭފުޅުން. މިވަގުތު ކުރިމަތީގައި ހުރި ހުރަސްތަކާއި ގޮންޖެހުންތައް ވަރަށް ގިނަ. ސަރުކާރުން މިއަދު މިވަނީ ކައުންސިލްތަކުގެ ބާރުތައް ކަނޑުވާލައި، މައި ސަރުކާރަށް ބާރުތައް ޖަމާކުރުމުގެ މަސައްކަތް ފަށާފަ. ހިތްވަރާއެކު އެ ގޮންޖެހުންތަކާއި ހުރަސްތައް ގިރާކުރައްވައި ކުރިއަށް ވަޑައިގަންނަވާ! اللّٰهގެ ރަހުމަތާއެކު ތިޔަބޭފުޅުންނަށް ކާމިޔާބީ ލިބިވަޑައިގަން��ަވާނެ!

[Ibrahim Mohamed Solih @ibusolih]

ވ. އަތޮޅުގައި ގެއްލުނު ޑައިވަރުން ހޯދުމުގެ ނުރައްކާތެރި އޮޕަރޭޝަނުގައި ނިޔާވި
އެމްއެންޑީއެފްގެ ސްޓާފް ސާޖަންޓް މުޙައްމަދު މަހުދީގެ ޢާއިލާއަށާއި އެންމެހައި ސިފައިންނަށް އިޚްލާސްތެރި ތަޢުޒިޔާ ދަންނަވަމެވެ.

ޤައުމީ ޚިދުމަތުގައި ސްޓާފް ސާޖަންޓް މަހުދީ އެ ވެވަޑައިގަތީ އެންމެ މަތިވެރި ޤުރުބާނީއެވެ. އެ އަގުހުރި ޚިދުމަތަށްޓަކައި ދިވެހި ޤައުމު އަބަދުވެސް ފަޚުރުވެރިވާނެއެވެ.

މާތްﷲ މަރްޙޫމްގެ ފުރާނައަށް ސުވަރުގޭގެ ދާއިމީ ނިޢުމަތް މިންވަރުކުރައްވައި، ޢާއިލާއަށް ކެތްތެރިކަން ދެއްވާށިއެވެ. އާމީން!

[Ibrahim Mohamed Solih @ibusolih]

The jailing of journalists @MrLeevaaan and @MohamedShahzan both journalists for @AdhadhuMV marks another shameful chapter in the government’s attempt to intimidate the press and silence public dissent.

It is also a clear indication of government interference in the judicial process.

These attacks on press freedom and free expression will not succeed. We will never waver in defending the hard-won rights and freedoms guaranteed to every citizen under the Constitution.

[Ibrahim Mohamed Solih @ibusolih]

Wishing children across the Maldives a joyful Children’s Day. As the future of our nation, we must do everything within our power to ensure that every child is safe, valued, and given the opportunity to realise their fullest potential.

[Ibrahim Mohamed Solih @ibusolih]

On #WorldPressFreedomDay, I salute Maldivian journalists who report with integrity and resolve. A free press is vital to our young democracy.

Under our administration, Maldives climbed from 120th to 72nd place in the global press freedom index, proof that commitment delivers results.

Today, as newsrooms are raided, editors barred from travel, and draconian laws weaponized against the truth, journalists must stand firm with courage and conviction. We must not allow intimidation to win.

[Ibrahim Mohamed Solih @ibusolih]

މޭ ޑޭގެ ތަހުނިޔާ ހުރިހާ ދިވެހި މަސައްކަތްތެރިންނަށް އަރިސްކުރަން.

މަސައްކަތްތެރިންގެ ހައްޤުތައް ހިމާޔަތްކޮށް ގަދަރުވެރި ދިރިއުޅުމެއް ހޯދައިދިނުމަކީ އަބަދުވެސް @MDPSecretariatގެ އިސް އަމާޒެކެވެ. މިގޮތުން ރާއްޖޭގައި ފުރަތަމަ ފަހަރަށް އެންމެ ކުޑަ އުޖޫރަ ކަނޑައަޅައި، 6 މަހުގެ މެޓާނިޓީ ލީވް ތައާރަފްކޮށް، ޓޫރިޒަމް ދާއިރ��ގެ މަސައްކަތްތެރިންނަށް ސަރވިސް ޗާޖު ކަށަވަރުކޮށްދެވުނީ އެމް.ޑީ.ޕީގެ ސިޔާސަތުތަކުގެ ސަބަބުންނެވެ.

މަސައްކަތުގެ މާހައުލަކީ ނަފްސާނީ ގޮތުން ދުޅަހެޔޮ، ރައްކާތެރި ތަނަކަށް ހެދުމަށާއި މަސައްކަތްތެރިންގެ ހައްޤުގައި ކުރާ މި މަސައްކަތުގައި އަބަދުވެސް އަޅުގަނޑުމެން ދެމިތިބޭނެކަމުގެ ޔަގީންކަން އަރުވަމެވެ.

[Ibrahim Mohamed Solih @ibusolih]

މިނިވަން ނޫސްވެރިކަމަށް ހުރަސްއެޅޭ ގޮތަށް @AdhadhuMV ނޫހުގެ އޮފީހަށް ފުލުހުން ވަދެ ހިންގި ރެއިޑާމެދު ނުހަނު ކަންބޮޑުވުން ފާޅުކުރަމެވެ.

ފުލުހުންގެ މުއައްސަސާއަކީ ސިޔާސީ ނުފޫޒުން އެއްކިބާވެ، މިނިވަންކަމާއެކު މަސައްކަތްކުރާ ތަނަކަށް ވާންޖެހެއެވެ. ނަމަވެސް މިއަދު ފެންނަމުންދާ މަންޒަރުތަކުން އެކަން އެގޮތަށް ކުރިއަށްދާ ކަމަކަށް ނުބެލެވެއެވެ.

މިއީ ޑިމޮކްރަސީގެ އަސާސްތަކާ ޚިލާފު، ކަންބޮޑުވާންޖެހޭ ކަމެކެވެ.

[Ibrahim Mohamed Solih @ibusolih]

މަޑަވެލިން އެމް.ޑީ.ޕީ އާ އަލަށް ގުޅިވަޑައިގެންނެވި ހުރިހާ ބޭފުޅުންނަށް މަރުހަބާ ދަންނަވަން. ރަށުގެ ކުރިއެރުމާއި ތަރައްގީއަށް ތިޔަބޭފުޅުން ތި ކުރައްވާ އުންމީދުތައް ހަގީގަތަކަށް ހެދުމަށް އެމް.ޑީ.ޕީ ގެ ފުރިހަމަ އެއްބާރުލުމާއި އެހީތެރިކަން ލިބޭނެ ކަމާމެދު ޔަގީންކަން ބާއްވަވާ.

[Ibrahim Mohamed Solih @ibusolih]

ރޭ މާލޭގައި އެމްޑީޕީން ބޭއްވި ސުލްޙަވެރި ހިނގާލުމުގެ ތެރެއިން މާލޭ ސިޓީގެ މޭޔަރު @adamazim އަށް ދިން ހަމަލާ އެންމެ ހަރުކަށި އިބާރާތުން ކުށްވެރިކުރަމެވެ.

މި ހަމަލާ އަވަސް ގޮތެއްގައި ތަޙުޤީޤު ކުރުމަށާއި، މާލޭގެ މޭޔަރަށް ބޭނުންވާ ފުރިހަމަ ރައްކާތެރިކަން ފޯރުކޮށްދިނުމަށް ފުލުހުންނަށާއި ކަމާބެހޭ ފަރާތްތަކަށް ގޮވާލަމެވެ.

އެއްވެ އުޅުމާއި، ޚިޔާލ��ފާޅުކުރުމާއި ސިޔާސީ ހަރަކާތްތައް ހިންގުމަކީ ޤާނޫނުަސާސީން އެންމެނަށް ކަށަވަރުކޮށްދީފައިވާ ހައްޤުތަކެވެ. އަދި ސުލްހަވެރި ސިޔާސީ ހަރަކާތްތައް ހިންގުމަށް އަމާން މާހައުލެއް ގާއިމުކޮށްދިނުމަކީ ކަމާބެހޭ އިދާރާ ތަކުގެ މަސްއޫލިޔަތެކެވެ.

[Ibrahim Mohamed Solih @ibusolih]

ސޯބެއަކީ (@SobeAbdulla) ޑިމޮކްރަސީ އާއި އިޞްލާޙީ މަސައްކަތުގައި އެމްޑީޕީގެ އިސް ސަފުގައި ޒަމާނުއްސުރެ މަސައްކަތް ކުރައްވަމުން އަންނަ ބޭފުޅެއް. ހިތަދޫއަށް ގިނަ ޚިދުމަތްތަކެެއް ކޮށްދެއްވި އައްޑޫގެ އަގުހުރި ދަރިއެއް. މި އިންތިޚާބުގައި ސޯބެ އަށް އަޅުގަނޑުގެ ފުރިހަމަ ތާއީދު އެބައޮތް.

[Ibrahim Mohamed Solih @ibusolih]

މަރުހަބާ އެމްޑީޕީގެ (@MDPSecretariat) އިންތިޚާބީ މޭޔަރުން، ކައުންސިލު ރައީސުންް، ޑަބްލިއު ޑީސީ ގެ ރައީސުން އަދި އިންތިޚާބު ކާމިޔާބު ކުރެއްވި ހުރިހާ ކެންޑިޑޭޓުން. ވަރަށް ބޮޑަށް ޝުކުރިއްޔާ އެމްޑީޕީގެ ކެންޑިޑޭޓުންނަށް ވޯޓު ދެއްވި ހުރިހާ ރައްޔިތުންނަށް.

ރައްޔިތުން މިއަދު މިވަނީ ސަރުކާރުގެ ސިޔާސަތުތަކަށް ނޫނެކޭ ބުނެފަ. ރައްޔިތުން މި އަދު އެބުނީ ސަރުކާރު ކުރިއަށްދާ މިސްރާބު ބަދަލުކުރަން ޖެހިއްޖެ ވާހަކަ. ސަރުކާރުން ލަސްނުކޮށް ކުރަންވީ ކަމަކީ ރައްޔިތުންގެ އަޑު އަހައި ރައްޔިތުން އެދޭގޮތަށް ސިޔާސަތުތަކަށް ބަދަލު ގެނައުން.

އިންތިޚާބު ކާމިޔާބު ކުރުމަށް މަސައްކަތް ކުރެއްވި އެމްޑީގެ ހުރިހާ މެންބަރުންނާއި އެމްޑީޕީއަށް ހެޔޮއެދޭ ހުރިހާ ބޭފުޅުންނަށް ވަރަށް ބޮޑަށް ޝުކުރިއްޔާ.