Kwa Ntare Rushatsi

Ibiro vya Nyenicubahiro Umukuru w'Igihugu c'u #Burundi

[Kwa Ntare Rushatsi @KwaNtare]

Umukuru w'igihugu c'Uburundi Nyenicubahiro Evariste #Ndayishimiye yateye iteka ibirori vyo kwatira abasaserdoti bashasha 20 n'abadiyakoni 18 mu nkuka ya misa irongowe na Musenyeri Mukuru Bonaventure Nahimana ari kumwe na Musenyeri Simoni Ntamwana asanzwe ari mu karuhuko, kuri uyu wa gatandatu 25 Mukakaro 2026 muri diyoseze nkuru ya #Gitega muri paruwase ya Mukobe.
Nyenicubahiro @GeneralNeva yakeje abo bakozi b'Imana bashasha kuri iryo teka batewe no kuri ayo mabanga akomeye muri Ekreziya Gatorika biyemeje, yongera abasaba gukorana umutima wemera kandi uciye bugufi mu guteza imbere imico kama y'igihugu na Ekreziya.
Umukuru w'igihugu aremera imico y'abakristu be n'uruhara ntangere rwa Ekreziya Gatorika mu kunywanisha Abarundi mu mahoro no mw'iterambere ry'igihugu.

[Kwa Ntare Rushatsi @KwaNtare]

Amb. Elisabetta Pietrobon, aserukira ishirahamwe ry'Ubumwe bwa Buraya #UE mu #Burundi, yahawe umubonano ku kirimba ca Ntare Rushatsi na Nyenicubahiro @GeneralNeva, Umukuru w'igihugu c'Uburundi akaba n'Umukuru w'ishirahamwe rya @_AfricanUnion. Uyo mushitsi yaraje kumusezera kuko arangije ikiringo ciwe mu Burundi.
Sebarundi yamushimiye ku bikorwa vyiza yaranguye, yongera aramwipfuriza kuzororanirwa mu mabanga yandi azobandanya.
Baganiriye kuvyerekeye gutsimbataza imigenderanire myiza irangwa hagati y' Uburundi n'ishirahamwe ry'Ubumwe bwa Buraya iriho kuva mu mwaka w' 1968.
Amb. Elisabetta Pietrobon yemeye ko iryo shirahamwe ry'Ubumwe bwa Buraya buzobandanya gushigikira imbonakazoza y'Uburundi 2040-2060.

[Kwa Ntare Rushatsi @KwaNtare]

Muri iyo nama idasanzwe y'Ubumwe bwa Afrika ku ncuro ya 20 yabereye i #Accra, Nyenicubahiro @GeneralNeva Umukuru w'igihugu c'U #Burundi akaba n'Umukuru w'Ishirahamwe rya @_AfricanUnion, yaraganiriye na mugenzi wiwe w'igihugu ca #Benin Nyenicubahiro Romuald Wadagni. Yaramukeje ku ntsinzi yatahukanye mu matora aheruka yamugena kuba Kizigenza w'igihugu ca #Benin, baranaganiriye kuvyerekeye inyungu z'ibihugu vyabo vyompi.
🇧🇮🇧🇯
#Burundi
#Benin

[Kwa Ntare Rushatsi @KwaNtare]

Inyuma y'inama idasanzwe y'Ubumwe bwa Afrika kuvyerekeye amagara y'abantu ku ncuro ya 20, Umukuru w'igihugu c'U #Burundi🇧🇮 akaba n'Umukuru w'Ishirahamwe rya @_AfricanUnion Nyenicubahiro @GeneralNeva, yarakiriwe na mugenzi wiwe wa #Ghana Nyenicubahiro John Dramani Mahama.
Abo ba Nyenicubahiro bompi baraganiriye kuvyerekeye imigenderanire y'ibihugu vyabo be no gukomeza imigambi y'iterambere ku nyungu y'abenegihugu.

[Kwa Ntare Rushatsi @KwaNtare]

Inama idasanzwe ku ncuro ya
20 y'Ubumwe bwa Afrika yahariwe ivyerekeye amagara y'abantu muri Afrika yabereye i Accra irongowe n'Umukuru w'igihugu c'U #Burundi akaba n'Umukuru w'ishirahamwe rya @_AfricanUnion, Nyenicubahiro  Evariste #Ndayishimiye, yarangiye habaye amasezerano yemejwe n'abakuru b'ibihugu n'amareta, gushira imbere ubutungane, ukungana, n'uguharanira amagara meza muri rusangi: kurwanya ubutakigaruka umugera wa Sida, n'igituntu, guteza imbere amagara y'abakenyezi no kurwanya ingwara zitandukira, n'izindi ngwara zo mu turere twa Afrika turangwa mwo ubushuhe bwinsi.
Mw'ijambo ryo gusozera iyo nama ryashikirijwe na Nyenicubahiro Evariste Ndayishimiye, yamenyesheje yuko iyo nama yapfunditse ivyihutirwa bitatu bazokwisungako mu misi iza: Guteza imbere amahinguriro yo muri Afrika akora imiti, gutororokanya uburyo bwa ma Reta, n'ubuhinga bushasha bwo guterera hamwe n'ugukomeza intwaro ibereye muri poritike; ivyo vyose bikazotuma haboneka inyishu nziza ku neza y'abanyafrika.
Nyenicubahiro @GeneralNeva yasavye abanyafrika kugendera umuco wo gufashanya muvy'amagara y'abantu kugira Afrika yishire kandi yizane ata kuzera inze.
Muri iyo nama igira 20, Umukuru w'Ishirahamwe ry'Ubumwe bwa Afrika, yashimiye abiyemeje bose kuzoterera. Izo ntererano akaba azibona mwo ikimenyetso kitabesha co gushira mu ngiro ivyapfunditswe bikava mu majambo bikaja mu ngiro.
Nyenicubahiro Evariste #Ndayishimiye yemeje ko muri iki gihe Afrika ifise inzego zikomeye n'ububasha bwa poritike bukwiye bwo kwifatira mu minwe kazoza kayo mu vyerekeye amagara meza, be no gukurikiranira hafi ivyapfunditswe i #Accra .

[Kwa Ntare Rushatsi @KwaNtare]

@GeneralNeva Abarundi n'Abarundikazi baba mu gihugu ca #Ghana mu kanyamuneza ntangere kwakira Sebarundi Nyenicubahiro @GeneralNeva

[Kwa Ntare Rushatsi @KwaNtare]

Igihe yashika ku kibuga c'indege ca #Accra , Umukuru w'igihugu c'U #Burundi Nyenicubahiro @GeneralNeva yasanganiwe kandi n'Abarundi baba muri ico gihugu ca #Ghana baje bamunezererewe. Muri ico gikorwa bashatse kugaragaza urukundo bafitiye igihugu cabibarutse, be no gushigikira Sebarundi mu bikorwa vyo kurongora ishirahamwe ry'Ubumwe bwa Afrika @_AfricanUnion.

[Kwa Ntare Rushatsi @KwaNtare]

Umukuru w'igihugu c'U #Burundi akaba n'Umukuru w'ishirahamwe rya @_AfricanUnion Nyenicubahiro @GeneralNeva yashitse mu gihugu ca #Ghana kuri uyu wa kabiri 21 Mukakaro 2026, yakiriwe n'umushikiranganji w'imigenderanire w'igihugu ca #Ghana M. Samuel Okudzeto Ablakwa. Akaba azorongora inama idasanzwe y'Ubumwe bwa Afrika izoba ibaye ku ncuro ya 20. iyo nama izokwihweza ivyashizwe imbere ku vyerekeye amagara y'abantu mu bihugu vya Afrika.

[Kwa Ntare Rushatsi @KwaNtare]

@_AfricanUnion @GeneralNeva Nyenicubahiro @GeneralNeva Ku kibuga c'indege Melchior #Ndadaye agana i Accra mu gihugu ca #Ghana
🇧🇮🇬🇭

[Kwa Ntare Rushatsi @KwaNtare]

Umukuru w'igihugu c'U #Burundi akaba n'Umukuru w'ishirahamwe rya @_AfricanUnion, Nyenicubahiro @GeneralNeva, yafashe indege imushikana mu gisagara ca #Accra mu gihugu ca #Ghana aho agiye kurongora inama idasanzwe y'Ubumwe bwa Afrika igira 20 ku vyerekeye Amagara y' abantu.

[Kwa Ntare Rushatsi @KwaNtare]

Umukuru w'igihugu c'U #Burundi Nyenicubahiro @GeneralNeva, aherekejwe n'umutambukanyi wiwe Nyenicubahiro @Burundi1stLady yuguruye ibiro vyi' ibanki #CRDB mu #Kibimba, ibanki iteza imbere abarimyi n'aborozi, ikaba imaze gufasha ama koperative ashika 4 600 mu #Burundi .
Iyo banki ifise amamuko yo muri Tanzaniya ikaba ifise umugambi wo gushigikira imbonakazoza y'igihugu.

[Kwa Ntare Rushatsi @KwaNtare]

Ku kirimba c'igitega, Umukuru w'igihugu akongera akaba Umukuru w'ishirahamwe @_AfricanUnion Nyenicubahiro @GeneralNeva yarakiriye kw'igenekerezo rya 15 Mukakaro 2026, Floribert Anzuluni Isiloketshi, Umushikiranganji wa #RDC ajejwe iyinjira ry'igihugi ca Kongo mu karere, akaba yaje ari Intumwa ya Nyenicubahiro Félix Antoine #Tshisekedi, Umukuru w'igihugu ca #RDC. Baganiriye kuvyerekeye akarusho mu mugambi w'amahoro mu buseruko bwa #RDCongo be no gutsimbataza imigenderanire hagati y'ibihugu vyompi.

[Kwa Ntare Rushatsi @KwaNtare]

Inama nshikiranganji yakoranye kuri uno wa 17 Mukakaro 2026 Ku kirimba c'igitega, ihagarikiwe n'Umukuru w'igihugu c'Uburundi Nyenicubahiro @GeneralNeva.
Muri iyo nama bihweje imigambi y'amategeko ibiri:
1. Integuro y'itegeko ryo mu biro kwa Nyenicubahiro ryerekana abajejwe igisata c'ubutunzi bwa Reta.
2. Itegeko ry'Umukuru w'igihugu rihindura itegeko: n°100/117 ryo ku wa 21 Ndamukiza 2021 rihinyanyura ikigo FONIC.

[Kwa Ntare Rushatsi @KwaNtare]

Umukuru w'igihugu akaba n' Umajama w'urwaruka Nyenicubahiro @GeneralNeva, ntayaga amasigaracicaro, yagabiye inka abahinga m'utugenegene, #Kigingi na Juste #Gael yari yarazibemereye igihe bariko bararemesha igiteramo citiriwe "Umutwenzi festival". Ako gashirukabute abahaye kagaragaza ingene Nyenicubahiro @GeneralNeva yitwararika ineza y'urwaruka, akanabashigikira mw'iterambera, ari naho bamutaziriye "Umujama w'aba jeunes."

[Kwa Ntare Rushatsi @KwaNtare]

Nyenicubahiro @Burundi1stLady, yakiriwe n'Umukuru w'igihugu c'Uburundi Nyenicubahiro @GeneralNeva, aje kumwereka udushimwe tw'iteka avanye i New-York "Prix des Nations Unies pour la population" akandi kitiriwe "Global Health Award" avanye mu nama shingamateka y'Ubwongereza ku bw'umwitwarariko wiwe udasanzwe w'amagara meza ku bakenyezi, abana n'inyigosho zabo, eka n'abafise amikoro make.
Umukuru w'igihugu akongera akaba n'Umukuru w'ishirahamwe ry'Ubumwe bwa Afrika yakeje Umutambukanyi wiwe kw'iteka ridasanzwe atera na ntaryo Abarundi, Uburundi be nawe nyene ubwiwe.
Nyenicubahiro @GeneralNeva yongeye arakeza Fondation @action_bonne ku bikorwa vyiza bama bakorera abenegihugu cane cane abafise amikoro make, akanabasaba kubandanya ivyo bikorwa bitera iteka igihugu.

[Kwa Ntare Rushatsi @KwaNtare]

Umutambukanyi w'Umukuru w'igihugu c'Uburundi Nyenicubahiro Angeline Ndayishimiye yatahutse i #Bujumbura, aje azanye udushimwe tubiri mpuzamakungu yahawe i New York muri Amerika akandi i Londres m'Ubwongereza.
Ku kibuga mpuzamakungu citiriwe Melchior Ndadaye, Nyenicubahiro @Burundi1stLady yakiriwe n'abakenyezi bahurikiye mu nzego zitandukanye hamwe n'isinzi ry'abenegihugu bari baje kumukeza, cane cane abahurikiye mw'ishirahamwe Fondation Umugiraneza.
Agashimwe ka mbere yaronse i New-York ku cicaro c'ishirahamwe mpuzamakungu #ONU yakakiriye kw'izina ry'ishirahamwe arongoye @Action_bonne ku bikorwa vyiza iryo shirahamwe rikora ku nyungu z'abenegihugu.
Agashimwe ka kabiri kitiriwe Global Health Award, yakaronkejwe mu nama shingamateka y'Ubwongereza, bamugomwe ukungene yitwararika amagara meza y'abenegihugu be no kubaho neza.

[Kwa Ntare Rushatsi @KwaNtare]

Inyuma yaho aronkejwe agashimwe i New-York muri Reta zunze ubumwe za Amerika, Umutambukanyi w'Umukuru w'igihugu c'U #Burundi Nyenicubahiro @Burundi1stLady yaronkejwe kuri uyu wa 9 Mukakaro 2026 akandi gashimwe kitiriwe Global Health Award mu gisagara ca Londres mu nama nshingamateka y'Ubwongereza.
Mw'ijambo yashikirije Nyenicubahiro @Burundi1stLady yavuze yuko iryo teka arikesha Abarundi, ibikorwa vya Reta y'Uburundi irongowe na Nyenicubahiro Evariste #Ndayishimiye Umukuru w'igihugu c'U #Burundi hamwe n'abakozi bitanze batiziganya mu gisata c'amagara y'abantu.
Yarangije asaba yuko Ako gashimwe kobaha ingoga zo gukora batiziganya kugira abenegihugu bagire amagara meza, iteka n'itekane.

[Kwa Ntare Rushatsi @KwaNtare]

Umukuru w'igihugu c'U #Burundi Nyenicubahiro Evariste #Ndayishimiye, yakiriye kuri uyu wa 10 Mukakaro 2026 ku kirimba kwa NTARE RUSHATSI Umushikiranganji w'imigenderanire n'ayandi makungu wo mu gihugu c'Uburusiya, Nyakubahwa Sergueï Viktorovitch Lavrov, ari kumwe n'abamuherekeje benshi.
Baganiriye kuvyerekeye gutsimbataza imigenderanire hagati y'Uburundi n'Uburusiya no guteza imbere ubutunzi cane cane m'uburimyi, amasoko ntanganguvu, amagara y'abantu, inyigisho, inyubako, guhanahana ibidandazwa, gutwara ibintu n'abantu, n'ubuhinga bwa none.
Umukuru w'ishirahamwe rya @_AfricanUnion Nyenicubahiro
@GeneralNeva yasavye yuko ibihugu vya Afrika vyoserukirwa bikwiye muri ya nama mpuzamakungu y'umutekano.
Barabiye hamwe kandi ibibangamiye Afrika, cane cane umutekano muke urangwa m'ubuseruko bw'igihugu ca #RDC no muri Sahel, be no kurwanya ca kiza ruhonyanganda Ebola.
Uyo mushitsi yaboneyeho n'akaryo ko gutumira Umukuru w'igihugu c'U #Burundi Nyenicubahiro @GeneralNeva mu nama igira 3 y'Uburusiya na Afrika izoba mu gisagara ca Moscou kw'igenekerezo rya 28-29 Gitugutu 2026, Nyenicubahiro @GeneralNeva akaba yemeye kuzokwitaba ubwo butumwa nk'Umukuru w'ishirahamwe ry'Ubumwe bwa Afrika @_AfricanUnion

[Kwa Ntare Rushatsi @KwaNtare]

Icegera c'Umukuru w'igihugu c'Uburundi Nyakubahwa Prosper BAZOMBANZA, yuguruye inama y'akarere igizwe n'umurwi w'ibikorwa vy'igendereza n'umutekano w'Abanyafrika "(CISSA) – Afrique Centrale" Ku civugo kivuga giti:
« Sécurité Régionale dans un contexte mondial lié au multilatéralisme : enjeux et implications pour la région de l'Afrique Centrale face à l'insécurité causée par les groupes rebelles et les groupes armés négatifs ».
Mw'ijambo yashikirije ryo kwugurura iyo nama, Nyakubahwa Bazombanza yavuze yuko Afrika yo hagati igeramiwe n'umutekano muke ubandanya wibonekeza bitewe n'imirwi yitwaje ibirwanisho, n'iterabwoba n'ayandi mabi.
Akaba yasavye mukubirwanya, bisaba yuko ibihugu bigize ako karere vyosenyera k'umugozi umwe muguhanahana inkuru no mu gukorera hamwe.
Yongeye aragabisha abatera umutekano muke bitumwe n'inambu y'ubutunzi kama dusanga muri kano karere, agahamagarira ibihugu bigize uyo muryango kurikanura kugira bihashe iryo terabwoba.