🇸🇦

لك مني ما أراه منك ، انا ذو ودٍ لمن دام وده .

[🇸🇦 @Muataz]

ماهي نهاية قصتك لو يرحلون
هذي نهاية دورهم في قصتك

[🇸🇦 @Muataz]

مروعني الوقت لو ياخذ طموحاتي
وتروعني الناس في صدمة مباديها

بارد …. ولاشي يلفت انتباهي
تمرني أشياء ماتمشي وأمشيها

��سكر أذني ومقلل علاقاتي
تتساقط الناس من عيني واخليها

[🇸🇦 @Muataz]

اثر كثر العطاء ما يورث إلا الحسايف

[🇸🇦 @Muataz]

لا سولت للنفس خطوات الطريق
تنتابني وجهه حراويها .. ارق

على شفا المجهول يالصدر الطليق
وعلى امل غيمه وبارق .. مابرق

جاني من ابواب المسافه باب ضيق
محتوم مابيني وبينه .. مفترق

من البحر دايم ينجون الغريق
المشكله باللي على الارض وغرق.

[🇸🇦 @Muataz]

تمنّيتُ لو انَّ الزمانَ يُعيدُني
إلى لحظةٍ ضاعت بغير قرارِ

افيقُ على ندمٍ يُلاحقُ خاطري
كظلٍ ثقيلٍ في دروبِ نهارِ

وما أقسى الندمَ حينَ يطرقُ بابَنا
إذا فات نفعُ العذرِ والاعتذارِ

[🇸🇦 @Muataz]

يا ثقلها ثقلاه

[🇸🇦 @Muataz]

من غاب ماعاد يبقى له ببالي مكان
تكبح جنون اشتياقي نفسي العاقله

كم من عزيز طوى ذكراه كف الزمان
أنساه ، لو كان ودي اني اشتاق له

[🇸🇦 @Muataz]

أتعبتني وأنا من سنين اراضيك
واشغلتني واشغلت حتى المعاني

اقوم من نومي واصحى اناديك
وخليتني شاعر وعاشق واعاني

وصوتٍ تقطع له سنين يدعيك
عشره عمر بعتها في ثواني !

ومات الشعور ومات معه طاريك
تدري ؟ مع السلامه والعمر فاني

[Abdulrahman @dhoom_755]

يبردُ المرء من فرط ما أحترق من جراحه

[🇸🇦 @Muataz]

مانيب قايل وش غيرك وش جاك
ماجاك غير ابشر وسمعٍ وطاعه

غرك غلاك وكثر لبيه خلاك
تحسب قلوب الناس عندك بضاعه

تذكرني ؟ أتذكرك ، تنساني ؟ انساك
للوصل وصل وللقطاعه قطاعه

[🇸🇦 @Muataz]

البارحه بالدور واحد وخمسين
شبيت من راس الفتيل الزقاره

وكنيتها لين امتلن الشرايين
لعلها تطفي لهيب الحراره

ونفذتها والدمع في محجر العين
ماسال لكنه رهين الاشاره

[🇸🇦 @Muataz]

يكفي اني مالحقتك بنقصان
وحتى الخطا منك قبلته وعذرته

وعلى كثر ماصابني منك خذلان
إلا ان قلبك بالجفى ماكسرته

حاولت اداري خاطرك قدر الإمكان
ويا للأسف طيبي جحدته ونكرته

روّح و الدروب وساع و الطيب معان
ولا تلتفت في قلبي اللي دمرته

[🇸🇦 @Muataz]

يا اوفى واحب من بادر ومن واصل
واعز من شيمتي وأطيب من ضنوني

وجودك يداوي جروحي ويستاصل
الضيقه اللي تحجب النور من دوني

احاول انه مايفصل بيننا فاصل
حتى لو ان ينفصل راسي عن متوني

اشر على ماتبي واللي تبي حاصل
حتى ولو تطلب عيوني من عيوني

[🇸🇦 @Muataz]

ياليت ربي خالق الصدر شفاف
واقول طالع خافقي وانت تدري

والله لو ان اللي بالأعماق ينشاف
ماتلمح إلا صورتك وسط صدري

[🇸🇦 @Muataz]

ماعاد له داعي تجيني ولا اجيك
مدامك رحت وخاطرك طاب مني

ياحبيبي ترى قلبي اليوم ناسيك
خاب الرجى منك وخيبت ضني

غدرت قلب كان بالحيل يغليك
غرك كلامي العذب مع صغر سني

كنت احسبك سيفي ليا ضقت اناديك
و اثر البلا سيفي هو اللي طعنّي .

[🇸🇦 @Muataz]

ان شفتني ضايق و اهوجس و اسَبّه
اخاف غدر الوقت والوقت دورات

لا تحسب ان دمعي نزل دون سبه
ابكي من الفرقا وهي ما بعد جات

[🇸🇦 @Muataz]

عليك الغلا مردود يالغايب الموجود
سوالفك غابت مير طرياك ما غابت

غيابك حضور ً له بصدر البيوت شهود
وش اللي يغيب ضحكتك والغلا ثابت؟

احنّك مثل ماحن وجهي من المنقود
و أعدك ليا عدت الايام وش جابت

[🇸🇦 @Muataz]

افطمتني عن سواها وخلتني قنوع
ما بعد حبيت لي نفس من حبيتها

[🇸🇦 @Muataz]

فتحت لك قلبي اللي قفلته عن الغير
وغدا مكانك يسار صدري غالي

عطيتك كل ما املك محبه وتقدير
ولك بقلبي حب ٍ ماله اول ولا تالي

مابي غيرك لو البشر علي طوابير
مكتفي بك وبنيت يمك آمالي

[🇸🇦 @Muataz]

لاجاك بعض الكلام ولا لقيت ارتياح
استوضح ! ولا تخلي القدر ��اله غطا

احيان سوء الفهم يمشي عكس الرياح
ولا يترك بين الناس (اخذ و عطا)

قال انت شسمك قال : مالك صلاح
هذا يقول اسمه .. وهذا فهمها خطا .

[🇸🇦 @Muataz]

فزيت من نومي انادي لك