Capital T @Truekapo - Twitter Profile

14 days ago

“Wine & Stories of Berat” ishte koncerti im i vetëm për këtë vit. Kjo pauzë nga skena ishte diçka që më duhej më shumë sesa e kisha mendu. Pas kaq shumë vitesh me koncerte, udhëtime, net pa gjumë, skena, festivale, qytete, shtete dhe mijëra njerëz përballë meje, këtë vit mora një vendim të vetëdijshëm: të mos bëja performanca. Një pjesë e këtij vendimi erdhi duke parë situatat nëpër të cilat po kalojmë si popull. Ka momente kur muzika dhe festa nuk mund të ekzistojnë krejtësisht të shkëputura nga realiteti që na rrethon. Ndonjëherë duhet të ndalesh, të shikosh përreth dhe të kuptosh se çfarë po ndodh jashtë botës tënde. Por kjo pauzë kishte edhe një arsye tjetër shumë personale. Doja kohë. Kohë larg zhurmës, larg presionit të vazhdueshëm për të qenë gjithmonë prezent, larg ritmit këngë –> koncert –> këngë –>koncert”. Doja ta ktheja gjithë atë energji përsëri në studio dhe në muzikë, Duke punu për një album të ri. Një album që për mua nuk është thjesht vazhdimi i asaj që kam bërë deri sot. Dua të flas për gjëra të tjera. Të prek tema që ndoshta nuk i kam prek më parë. Të tregoj perspektivën e njeriut që jam sot, pas gjithë këtyre viteve, jo vetëm artistin që publiku e njeh deri tani. Dhe pikërisht këtë vit më ka ndodh të mendoj shumë edhe për rrugëtimin. 20 YEARS LIVE. Tamam “time capsule” Kur kthehem dhe shoh 20 vite muzikë, skena, ide, rrezik, eksperimente dhe momente që në atë kohë ndoshta nuk kuptoheshin plotësisht, e kuptoj sa shumë ka ndryshu industria jonë. Mbaj mend kohën kur investimi në koncerte, produksion, skenografi, performancë dhe eksperiencë live nuk ishte standard. Kur ideja ishte të krijonim diçka më të madhe se thjesht të dilnim në skenë në klubet e natës dhe të këndonim disa këngë. Gjithmonë kam dasht me i shty kufijtë. Të krijoj trende, jo vetëm t’i ndjek ato. Dhe sot, kur shoh pothuajse të gjithë industrinë duke u kthyer drejt koncerteve të mëdha, produksioneve serioze dhe performancave live, nuk e shoh si konkurrencë. Përkundrazi. It makes my heart warm. Sepse do të thotë që kultura është rrit. Standardi është ngrit. Artistët po ëndërrojnë më shumë dhe publiku po kërkon më shumë. Dhe në një mënyrë të çuditshme, duke parë gjithë këtë energji pikërisht gjatë vitit kur unë vendosa të largohem pak nga skena, më është kthy edhe më shumë dëshira për të performu. Wine & Stories of Berat ma kujtoi këtë. Ishte vetëm një natë, por pas gjithë kësaj pauze e shijova ndryshe. Çdo këngë. Çdo moment. Çdo fytyrë në publik. Atë lidhjen mes artistit dhe njerëzve që asnjë streaming number, chart apo social media nuk mund ta zëvendësojë, gjenerata të reja të cilët skan egzistu kur jan kriju e publiku ato kangë të cilat po i këndonin fjalë për fjalë bashk me mu. Ndoshta kjo pauzë u dasht me ndodh pikërisht për këtë arsye: që ta kujtoja sa shumë e dua skenën. 20 vite më vonë, në vend që të ndihem sikur kam bërë mjaftueshëm, ndihem sikur po më lind një ide edhe më e madhe. Një turne World Wide. All Hip Hop. me special surprise guests, Një turne që na bashkon në çdo cep të botës si kundër përgjigje ndaj atyre që dojn me na përqa dhe duke reprezentu potencialin dhe identitetin tonë përmes artit e kulturës shqipe. 2027 🌎 STAY TUNNED.

0

4

0

304

Capital T

@TrueKapo

Who to follow

Last Seen Users on Sotwe

Trends for you

Most Popular Users