A k

[A k @_3xtt]

اللهّم اصلحني قبل الوفاة ، وأحسن خاتمتي ، وتوفني وانت راضٍ عني ، وسخر لي من يدعو لي بعد وفاتي

[A k @_3xtt]

طويت صفحة غرامك وانتهى المشوار
وصحيت من حلمٍ اعمى كنت اداريه

غديت مثل الذي طال الرجاء ب اسوار
لين استوعب ان السراب ما يرويه

ما عاد لي في رجا وصلك ولا تكرار
قلبٍ عطيته وفا ما تستحق تشريه

رح بمان الكريم ولا تسوق الاعذار
الطيب فيك ضاع والوقت يمحيه

[A k @_3xtt]

عمومًا الله يهني كل رخيص برخيصه

[A k @_3xtt]

ما اشره عليك ان كان خيبت ظني
اشره على قلبٍ فتح للهوى باب

[A k @_3xtt]

تلاشت رغبتي صوبك سهل الله دروبك

[A k @_3xtt]

جيت وكملت جروحك بجرحٍ ثقيل
وانا الجروح القديمه ما تخطيتها

طحت من عيوني الثنتين في ظرف ليل
والله يا طيحتك هذي ما تمنيتها

[A k @_3xtt]

مدري من الرابح ومن فينا خسر
أنا من الكذب بكلامك مكتفي

صدقتك بكل احتمالات الصبر
حتى عجزت اشرح لنفسي موقفي

وضويت شمعة حب وأحلام وعمر
ماكنت أظن يهب جرح وتنطفي

وشلون قلبك طاوعك على الغدر
وانا على هقواتك أصحى و اغفي؟

[A k @_3xtt]

فمان اللّٰه والعبره تراها عدّت الخاطر

[A k @_3xtt]

بكره يدور الزمن وتشوفني بعينك
راضي بفرقاك يوم انك تجافيني

خذ ما بقى من غلاك وباقي سنينك
دامك نويت الفراق وناوي تخليني

ماعاد ابسأل عليك وأقول وينك
راحت ليالي غلانا يوم تخليني

الحين عفتك مابي زينك وشينك
بانت عليك الخيانه وطحت من عيني

[A k @_3xtt]

انا مغادر ونتلاقى على خير
وان كان ما به خير فوداعة الله

يا ليتها زله وغلطه وتقصير
كان الغلا ثابت وباقي محله

لكنها من فوق حدّ المعاذير
وانا عزيز ما ارضى بالمذله

جيتك معي شيّمه وحشمه وتقدير
واقفيت خاسر كل ما جبت كله

[A k @_3xtt]

انت الذي جيت في رجليك ماجيتك
واليوم تبخل علي بالصوت وتعيي

بس لايهمك على فرقاي لبيتك
وابيك تسمع كلامي يابعد حيي

لو مابه الا انت والله ماترجيتك
ولا انت بلاقي حبيبٍ يقدرك زيي

[A k @_3xtt]

انا الغلطان والشرهه على ايديني
مديت لك قلب ما طاله أحد غيرك

[A k @_3xtt]

ان جا نحطه بين طيّات الأهداب
وان صدّ ما عشنا العمر في انتظاره

[A k @_3xtt]

لا تتصل ماني على الصوت شفقان
مرواح جدي جعلك أتلى همومي

ياما فقدنا من حبايب وخلان
بدري على الفرقا ترخي عزومي

ابشرك طيب و رايق و طربان
شفني بعد فرقاك زانت علومي

من باعنا بعناه بأردى الأثمان
يانفس صدي عن هواهم وشومي

[A k @_3xtt]

يا اللي تنادي قد محى القلب ذكراك وانا ليا صديت لا تنادي

[A k @_3xtt]

قلبٍ مليته بالعتب وين اوديه

[A k @_3xtt]

لو تطول الليالي مايغير مكانه وصل ولا رحيل

[A k @_3xtt]

لا شفت مني الجفا تذكر افعالك

[A k @_3xtt]

وين راحت مرحباك القديمه والهلا
وش يردك لا تسلم وتتطمن علي؟

ماسمح قلبي من الشوق ياكود اولى
يوم جيتك واثر منت بحبيبي الاولي

[A k @_3xtt]

بتصد؟ صد و روح لا تمتحني
مصيري بنساك مهما تعلقت

كنت اتضايق منك لاغبت عني
واليوم لو غبت الدهر ما تضايقت

مابي اقول الوقت ماخذك مني
انت الذي اقفيت فجأه مع الوقت

[A k @_3xtt]

عز الله اني للمخاليق عياف
الا انت ياللي هيمت بي طيوفه