Aحmd

يرحل من يرحل فالله باقً معي

[Aحmd @__Al3oG]

سنرحل يوماً دون وداع
فيارب نسألك حسن الخاتمه

[Aحmd @__Al3oG]

عرفت ان اللقا أرض ومدارات الفراق افلاك
تدور ايامنا حول التجارب ، والقدر .. أجدا

وعرفت ان الزهر مغري ولكن به كثير اشواك
يبي له من يعرف انه مع اوقات الفجر يندى

وعرفت ان العمر مهما يطوّل ما ينول رضاك
عجول الوقت لا انهى رحلة سنينه قبل تبدا

وعرفت ان دمعة الغيمه تصب الروح في دنياك
كذا طبع العتب صاخب واذا ملّ ال��خب يهدا

وعرفت انّ الطموح دروع لا صار المدى فتّاك
اذا استسلمت لـ العثره ترا المقبل عليك اردا

وبعد عثرات ودروس وسنين و تجربه وادراك
عرفت ان اكبر كنوز الحياة الفانيه .. " مبدا "

[Aحmd @__Al3oG]

هي عزه النفس عندي اول وتالي
والنفس ياصاحبي بالگ تحاقرها

هذي نصيحه وهذا هرجي التالي
كانگ تبي القدر عند الناس قدرها

[Aحmd @__Al3oG]

يارب وجهني طريق الصالحين
بدايته ونهايته ، سترة نجاه

رفعت نفسي عن دروب التافهين
اللي ولا دربٍ يشد الانتباه

اما حياة الطيبين الغانمين
ولا حياةٍ ماوراها من غناه

اللي حسبته من قروم الطيبين
الوقت ماقصر وبين لي خ��اه

يزين طبع الناس ، ولا مايزين
كلٍ على حسب العمل يلقى جزاه

[Aحmd @__Al3oG]

عَفى الله عن كلامٍ في حنايا الصدر ماينقال
تركته للزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[Aحmd @__Al3oG]

انا تغربت . . والمكسب مـن الغربـه
حذفت بعض الفشق من عدة حزامي

وش حاجتي . . في رصاص ما يثور به
الا بدت حاجته يبلش به الرامي

الرفقـه اللي سـوات الحـظ لـه ضربـه
ما احرص عليها ولا هي فرض والزامي

أرافـق . . . اللي بني عمـه تبـاشر بـه
عقلي دليلي ودرب العز قدامي

[Aحmd @__Al3oG]

ماقدرت اعيش لذات الحياه المستمرّه
لا بغيت أواكب الحاضر رجعت لـ ذكرياتي

يوم جيتك جيّت اللي يدري إن الموت مره
تاركٍ من خلفي الدنيا و أهلها و أمنياتي

ايه و اللي نفسي بـ يده و رزقي و المجرّه
انك إللي تستحق أفضلك عن مغرياتي

[Aحmd @__Al3oG]

نعيش الحياة بطيب نيه وصدق شعور
ونحفظ مقام الكفو ونقدر الخوه

اذا خربت الدعوى مع عيال تسع شهور
ماكلٍ نجي له بالسوالف على جوه

(ما نعرف نداهن ونتسلق ونلعب دور
على حاجةٍ في نفس يعقوب مرجوّه)

واذا الوقت عاند وانحنى حنية الباكور
نقول استرح ياوقت واللي تبي سّوه ..

[Aحmd @__Al3oG]

عش العمر شامخ لا تعيش الحياة إذلال
ترى الحر ما يلطم . . عيونه بـ مخلابه

نفوس تضحي بـ الكرامة . . عشان ريال !
ونفوس تعيش . . بـ عزّها لين ترثى به

اخذ عفة الزاهد . . وخذ همّة . . الوبّال
وخذ من طهر من طاحت دموعه بـ محرابه

واللي ما يثمن كلمته . . عدّه الفنجال
واللي ما يثمن . . قيمتك لا تعزوا به

[Aحmd @__Al3oG]

تزاحمت حول الظنون المعاذيّر
وفضلت عن كثر الكلام إنعزالي

ماعاد أصدق سالفة سرك فبيّر
قطعت عن بير السوالف حبالي

أسجّ من تفكير وأرجع لتفكيّر
وأبرك رحالي وأشدد رحالي

إن زانت الأخلاق تنبت نواويّر
وإن شانت الأخلاق زعلت غالي

[Aحmd @__Al3oG]

الغموض اللي يشوب الهوى ما منه فود
��أخذك فيه التردد إلى ابعد مستوى

انت قصة عشق حاولت احط لها حدود
والمحبة والتقاليد ما تاتي سوا

[Aحmd @__Al3oG]

فمان الله والعوج الحنايا بابها مفتوح
ما يرجى الخير من زود الغلا اللي يتقى شره

عتيق ومن عتقاء الحب الطويل ورح وأنا بروح
تراني ما بقى في خاطري ما يازن الذره

قدرنا نستمر وما قدرنا نعرف المصلوح
أحد يشكي من الحيره وأحد يشكي من الحره

كما المجروح لا جاه الدواء من واحدً مجروح
ما والله يستفيد من الدواء اللي جاه بالمره

صحيح اني عشقتك لين مثنيتك خفوق وروح
تقاسمنا المحبة والجفى والدمعة المره ..

[Aحmd @__Al3oG]

قولة نعم تنقال للمستحقين
ماهيب لضعوف الرياجيل طَرَفه

ياما تردى واحدٍ تعرفه زين
��قضى لزومك واحدٍ ما تعرفه

[Aحmd @__Al3oG]

01/01/2026

��مرّ السنين وكل حاجة على المعتاد
هذا دربك أدلّه .. وذا بيتك أدلّه

توّقف ملذات العمر مابين شرب و زاد
ولا الذّ من صوتك إلا جا على حلّه

جعل كل يومٍ مضى لي معاك .. يعاد
أنا ما يكفّيني معك ما مضى كلّه

[Aحmd @__Al3oG]

اضحك ترا الدنيا لها ايام وتروح
لاتشيل هم الوقت من فوق راسك

ومن زعلك قل له تراك انت مسموح
سَامح مادام ان العفو من صفاتك .

[Aحmd @__Al3oG]

وجهي من الطيّب مغير يتواكل
وشلون اجازي صاحبي فالمواقيف

ارمي على كتفه كبار المشاكل
ويرمي على كتفي كبار المعاريف .

[Aحmd @__Al3oG]

ما زلت أفصّل من جلود المصايب حلول
وأن وقفّت حيلتي حليتها بـ الصلاه

ومنين ماقفّلت في وجهي أفرح وأقول
" الله ليا حب عبده فـ الحياة آبتلاه "

[Aحmd @__Al3oG]

بغينا عليك نمون حتى علينا تمون
فتحنا معك باب الميانه وسكرته

ورحنا وطبقنا المثل طيب المضمون
تلق الخلا وابعد عن الداب وشجرته

[Aحmd @__Al3oG]

هلا باللي يشاركني دعائي فالفروض الخمس
وهلا باللي ملكني بالرضا في راحة يدينه

لك بْنفسي مواقيفٍ عظيمه ما يمسها طمس
ولك بقلبي مكانٍ ما قوت الاشعار تَدوينه

[Aحmd @__Al3oG]

بلع الخطأ مثل الدواء عند اللزوم
حتى لو إن النفس ماهي تقبله

لا تحسب إنها فالعوايد والسلوم
إن كل من يزعلك لازم تزعله

وتدقيقنا الواجد على بعض العلوم
مامن وراه إلا القلق والبهذله

لو مانصد من المشاكل كل يوم
كان المشاكل كل يومن مقبله

[Aحmd @__Al3oG]

تدخل الزلات من باب الميانه
لانفتح باب الميانه بالسهوله

من عرف قدره حفظ قدره وصانه
مستحيل انّه يدور الشكّ حوله

النبي يوسف تعادو له خوانه
ودارت الدنيا عليهم واسجدو له

الضعوف ضعوف مافيهم تكانه
ليت حتى في عداوتهم رجوله

الردي بالذات مامثل اسفهانه
يبتعد منّا وراه الله يزوله

واحدٍ لاشافنا يبلع لسانه
فـ القفا خلّه يقول اللي يقوله