A

ما هّنا الا ذائقه شعريه لا يوجد لها مقصود

[A @_Aeh23]

نطلب الله في رفعة الحظ والرزق الوسيع
والسعه فالصدر والوجه الابيض والغناه .

[A @_Aeh23]

صبراً لقلوب صبرت وتظاهرت بالقوة
وسامحني حين أبكي على قضائك رغم إيماني به وأغفر لي اذا نفذ صبري ، فوالله ان الفقد مؤلم.

[A @_Aeh23]

لدي بعينّك يا بعد عين مغليك
وقولي وش اللي في عيوني لمحتي

أكيد شفتي من الغلا .. ما يكفيك
ويحط كل الناس لا جيت تحتي

تكلمي ردي علامك .. أحاكيك
ياما على سمعي من الضيّق بحتي

تذكري أيامك العام .. وشفيك
أنا " ضمادك " بالزمن لا أنجرحتي :)

[A @_Aeh23]

لا باس يالجوف الكتوم وسلامات
فيك اسرفت كف الجروح الكريمه

‌« واللي يشوف الوجه والابتسامات
ما يدري ان الصدر / مسرح جريمه »

[A @_Aeh23]

استعذت من الدروب اللي نهايتها حسافة
قبل ترميني ملذّات الزمن في جوف غبة

[A @_Aeh23]

عتابنا طيّب — ومشروهنا ذرب
وان وصلت حدود الملام! اختفينا

[A @_Aeh23]

مانيب قاطع وصل مير العزله اشبه بالنجاه
صديت معها صدّة اللي كنّه مسوي .. بلا

[A @_Aeh23]

«تعبان و أنا أدري إني لو تعبت معذور
ما يتعب إلا من يعرف الخطأ و الصواب»

[A @_Aeh23]

والله لوردهـا على . . كيـف مشهـاي
وسفينتي تجري بكيفي ومشهاها

[A @_Aeh23]

- اما الأن
أنا أمشي فقط على مبدأ
-شاعر هذا البيت -

سمح خاطرٍ ماهو على أدناة شيء يعيف
وليّا عاف لا يمكن يعود على "خبرك"

[ِ @ajm1ii_]

صوب الطريق اللي يوّدي للنجاه
حاولت اجيبك صوبه وكلّت يدي

الطيّب اليا زل يقنع في خطاه
" الا الردي ما يقتنع بانه ردي "

[A @_Aeh23]

" قوية بلا عنف ليّنة بلا ضعف "

[A @_Aeh23]

تدور السنين وغيبها ما هو بمكشوف
ومحاريفها مابين ضحكه وتكشيره

وانا عبدك اللي يحتويه الرجا والخوف
يقصر وي��تغفر اليا شاف تقصيره

تحت كف غيثك مارتجي للبشر معروف
لو تنوشه صدوف الزمان ومقاديره.

[A @_Aeh23]

عقلي اللي كان يبغى من الواقع هروب
تالي الايام يبغى … الهروب من الخيال

[A @_Aeh23]

عندما تعجز عن صياغة مشاعرك ستصبح كاتباً
وحين تخذلك الكلمات تغرق في عوالم الكتب
لتجد ما يعبر عنك .

[A @_Aeh23]

فيها مرارة ساعة الفرقا ولحظات الوداع
وفيها عذوبة.. تقدر تنسّيك كل اللي سَبق .

[A @_Aeh23]

كل الأشياء مصيّرها ذكريات جملوها .

[A @_Aeh23]

أمشي على مبدأ بن جدلان :
" المقابل نفتح له دواليب القلوب
والمقفي قلعة الوادرين تودّره "

[A @_Aeh23]

«ما دام إن العمر فاني.. وكل الليالي قصار
تعال أقطف زهر عمري ترى ما حول قلبي سور

تشوف إن الطريق أطول وأشوف إن الأماني كثار
ولا تكفيني الدنيا لو أشرب من هواك بحور

وأشوف إن ضحكتك غيثٍ حيَت عقبه صحاري قفار
مثل ما الأرض ممطورة ثرى صدري غدا ممطور ❣️»