الشاعر عايض حامد العنزي

[الشاعر عايض حامد العنزي @_Aleanzii1]

صح بدنك

[الشاعر عايض حامد العنزي @_Aleanzii1]

اليا سرت مع درب النصاح وتسترت
ايثق ترى رب المقادير يسترك

وليا اعلنت خافي غايتك عقب ما اسررت
وقّم بمفعولك على قد ظاهرك

وليا زام بحرٍ عن عبوره تقصرت
جنّب على يمناك خيره عن ايسرك

عايض الحامد

[الشاعر عايض حامد العنزي @_Aleanzii1]

المرحله للمجد عشر وسبعه
مسيرةٍ فيها اعتدال وزلّه

ومن بعدها الرجال يطلع طبعه
ان كان طال العمر في عون الله

اما كما هداج عذبٍ نبعه
ولا غثى رسٍّ يجيب العله

عايض الحامد

[الشاعر عايض حامد العنزي @_Aleanzii1]

لو كل ما اسمع من كلام اعترضته
سببت بغضى وامتلى ضامري غيض

ولو كل زله من رفيقي حفضته
خليت غالين الرفاقه مباغيض

لكن طموحي للم��الي نهضته
من شان نبقى احباب وقلوبنا بيض

فتل الصداقه بيننا مانقضته
حتى ربيع البال مايلحقه قيض

حبل المواصل بالجفى مانفضته
اخاف يفرح من يدُور الملاحيض

[الشاعر عايض حامد العنزي @_Aleanzii1]

@eidgrand3 صح بدنك

[الشاعر عايض حامد العنزي @_Aleanzii1]

لاتخاوي واحدٍ صاحب مزاج
ولاتزرهف حيل مع راعي هوا

خوة الاول تسبب لك ازعاج
علةٍ محدً لها يلقا دوا

وخوة الثاني ضنون بلا نتاج
اخر المشوار ماجيتو سوا

عايض الحامد

[الشاعر عايض حامد العنزي @_Aleanzii1]

ادري ان الليل معتم بديجور الضلام
مار ماهو مثل ضلم النفوس الضالمه

في ضلام الليل سترن وللبعد اغتنام
مار ظلم النفس ماهي من اثمه سالمه

عايض الحامد

[الشاعر عايض حامد العنزي @_Aleanzii1]

لو كل ماصار السبب للمشاكل
حذفت للغتره وهديت بسلاح

دِعت الرفاقه وسط نارٍ تواكل
واضحيت بلشانٍ من نطاح بنطاح

عايض الحامد

[الشاعر عايض حامد العنزي @_Aleanzii1]

ماجمل زمانك ياحمدي البساطا
صاحبك لشداد القناعه تمَطا

مافيه قل ولا رصيد احتياطا
مرتاح مابين النبا والموطا

لو كان فيك سنيّوات القحاطا
قبل تفرّش بالغناه وتغطا

يامجملك لو كان زادك صماطا
ولو ان جيلك للكدِاد ايتوطا

قلوب بيضٍ للمحبه تعاطا
ماهي قلوب اللي بها الحقد لطّا

عايض الحامد

[الشاعر عايض حامد العنزي @_Aleanzii1]

المملكه شعبه للامجاد وارث
بالعذر من دون الوطن مانتعلّث
شعبٍ على العدوان ضيم وكوارث
مثل الرعد سبّة ذهاب المغلّث
من الشمال الى جنوب الحوارث
مانحتري كز المراسيل واللّث

[الشاعر عايض حامد العنزي @_Aleanzii1]

@Ra201913 الله ي��يض وجه راع النصاحه
راضي مسامح سمعته كنها المسك
بالمرجله متفوقً في نجاحه
الطيب وزمام الوفى ماسكه مسك
وجّه نصايح واضحات بصراحه
تعيش ياراضي عسى الستر حارسك

الشاعر عايض الحامد العنزي

[الشاعر عايض حامد العنزي @_Aleanzii1]

اصبر على عوجا رفيقي وامضّي
سلمٍ لنا مبطي لعوجه نسوي

نرفى خماله ولضميره نفضي
الى زان جوه بالسعد زان جوي

وان كان في عوجاه ماطاب حضي
يالله طلبتك لا تفرح عدوي

ا��لي على بحثة خفايه يحضي
بس يتحدث بالكلام المغوي

يضحك بنابٍ في بياضه يلضي
والقلب فحمٍ طافيٍ عقب ضوي

عايض الحامد

[الشاعر عايض حامد العنزي @_Aleanzii1]

@alnader_100 صح بدنك

[الشاعر عايض حامد العنزي @_Aleanzii1]

اسعل الفهيم عن تسع وثمان
وعن ثنين وعن ثنين وعن ثنين
اربعه من جملة السته بمان
وبه ثنينن للخطر متعرضين
ون بغيت التسع من ماض الزمان
هولوني بالعمل متخالفين
بعضهم شغله تفاريق وضمان
وبعضهم في عون ربي طيبين
ومابقا مافتيك عن شرح البيان
ذكرهم بكتاب رب العالمين

الشاعر عايض الحامد

[الشاعر عايض حامد العنزي @_Aleanzii1]

@eidgrand3 صح بدنك
اصحاب الكهف مالك لوا