‏؏.أبوثنيـن

[‏؏.أبوثنيـن @_Aliya2]

لا تعلّم غافي القلب عن خضر الطعون
هاتها والله كفيل بمرار إحساسها

فدوتك قلبٍ على كل عرقٍ به تمون
والطعون اللي من ايديك يسلم راسها

فيك ماطعت السوالف وصدّقت الظنون
سيرتك يحرم على خاطري دنّاسها

من عرفتك والقصايد تحت فيّ الغصون
جعل مايزعل مطرها .. على نسناسها

- عبدالعزيز العبلان

[‏؏.أبوثنيـن @_Aliya2]

صباح الخير و أسمى مفردات الحب و التقدير
على اللي تأخذ من الغيم طلتها و عفتها

فتونٍ من حلاها كل ما قالت: صباح الخير
حسدت الكلمتين اللي تمثنت جمر شفتها

[‏؏.أبوثنيـن @_Aliya2]

في ربيع الوجه هذا لـ الشّعر وطروقه
ما يغدّي خطّر الشعّار ويعشيها

ودّي أسمّيك لو بمفرده مسروقه
لكن اللمحات هذي مقدر أسمّيها

غيمةٍ عن باقي غيوم السما مفهوقه
ما يخف السيل فـ أولها وفي تاليها

وجهك اللي ما عطا شوف اللهوف حقوقه
ياخذ مْن الناس دهشتها وما يعطيها

وليلك الحنّاوي ان قام يتطايح فوقه
لحظةٍ حتى النسانيس إتهادى فيها

كل لمحه منك فكره ماهي بـ مطروقه
القصايد فيك عاش أحساسها راعيها

- بدر بندر

[‏؏.أبوثنيـن @_Aliya2]

«أجيه وأحزاني تقل قشّ بدوان
وأروح والخاطر سواة البراحة»

[‏؏.أبوثنيـن @_Aliya2]

عليك الغلا والشوق ينساق لك بإهدار
أساس المشاعر انت يا سيّد اشواقي

فدا طلّتك قدامي الدار واهل الدار
ابيع العمر كلّه فدا حْضورك ال��اقي

أنا كلّما شفتك نبت فـ ضلوع ازهار
دخيل العيون الناعسه ترخي وثاقي

وش الحب لولا طلةٍ تخطف الانظار
من المبسم الآسر مغيبي ومشراقي

أملّ الاماكن والبشر واكره التكرار
ومعاك اعشق صغار التفاصيل باعماقي

سريتك عمر ماقلت يا طول هالمشوار
على جرتك سقت الخطى وانكسر ساقي

[‏؏.أبوثنيـن @_Aliya2]

وين رحت بعيد يا منتهى احلامي
لو تباهى الشعر بك شوق.. من قدّه

ادري أن وصفك مثل موقفك سامي
كان شعري ما وصل غايتك ردّه

كيف ما ابدع وانت الابداع قدامي
والله ان ما هزك الشعر ما أمدّه

لو رويتك خافقي دايمٍ ظامي
العمر قبل التقى فيك ما اعدّه

ما املّك لو يطولن الايامي
كود مل البحر الاحمر حضن جدّه

في غيابك ينجرح جرحي الدامي
وفي حضورك جتك الأشواق ممتدّه

وفي غيابك كل الأفكار حيّامي
وفي حضورك انت أبو الشعر.. لا.. جدّه

قلبي الدفتر وحبي لك اقلامي
يكتبك في غرّة الشعر.. لـ خده

لين شعري يشبه لبصمة ابهامي
بعدها تكسر عنا الصمت والمدّه

- عبيد الأزمع أبوثنيـن

[‏؏.أبوثنيـن @_Aliya2]

لـيت القـدر لاجـمع الناس بـالناس
يجمـع قلـوب الناس كـٍل وطبعـه

مايستـوي الالمـاس ف�� جنبـه نحاس
ولا يـروي الصـافي سـوى عـذب نبعه

[‏؏.أبوثنيـن @_Aliya2]

قبل الأيام تسرق وجهي الهادي
بعيش من الليالي عمري الأجمل

وقبل تقبل سنة وأحلامي تنادي
وقبل أطفي الشموع وهالسنة ترحل

ابتمنى يارب .. في يوم ميلادي
بأن الحظ يضحك لي ولا يبخل

˖ ݁𖥔 ݁˖ 2 June ˖ ݁𖥔 ݁˖

[‏؏.أبوثنيـن @_Aliya2]

اي والله إنك ياملاذ القلب والدرع الحصين
أغلى من أغليت واصخيت له المشاعر كلها

[‏؏.أبوثنيـن @_Aliya2]

الصباح المعتّق ما يجي من فراغ
كل صبحٍ جميل .. أنت طير سعده

[‏؏.أبوثنيـن @_Aliya2]

عاد عيد اللي وجوده لذة العيد السعيد
" جعل زوله ما يغيب وكل عام اعايده "

[‏؏.أبوثنيـن @_Aliya2]

«خلابة العيد يا دهشة عيون الحضور
تشابه ال��سن وأنتِ حسنك اللي فرق

يصيب رمشك قلوب مشاهدينك سرور
ويمطر على جباه حسادك سحايب عرق

يا فتنة العيد شمسي والضحى والبكور
غابو عن الصبح .. لاكن وجهك اللي شرق

عيدك مبارك وأنا عيدي غرام وشعور
مايوصفه شعري اللي لباب قلبك طرق»

[‏؏.أبوثنيـن @_Aliya2]

﴿ وَوَصَّيْنَا الْإِنْسَانَ بِوَالِدَيْهِ حُسْنًا ﴾

اللهم إنهما خليلا فؤادي وعيناي التي أرى بِها الحياة
اللهم لا تحنِ لهما ظهرًا، ولا تعظّم عليهما أمرًا

[‏؏.أبوثنيـن @_Aliya2]

ما شبهتك امك على قايد الغيد
الا ان مالك فالمخاليق شروى

ماسمتك صدفه على جافل الصيد
شافت ظبي ف عيونك وشافت اروى

ترعى فياض الواسع��ت المساويد
وبالورافات من الرموش واتذروى

[‏؏.أبوثنيـن @_Aliya2]

على كـثـر الـنـجـوم الـسـاريات اللي تـجـي وتـروح
أنـا أعـرف الـنـجـوم اللي تـشـوّقـني مطالـعـهـا

[‏؏.أبوثنيـن @_Aliya2]

مكتفيه فيه عن الناس والكون
كنه لي الدنيا إذا ضاق الصدر

ما أخون وعدٍ بيني وبينه انبنى
ولا ابيع قلبٍ عطاني من ذهب در

هو العهد وهو الروح وهو الأمان
وغيره في ناظري ماله مكان

[‏؏.أبوثنيـن @_Aliya2]

مانجحد الطيب ويملكنا جميل الطيبين
قلوبنا منجم وفاء وفـ وجيهنا منبع حياء

[‏؏.أبوثنيـن @_Aliya2]

أنا المخطي وأنا المذنب وأنا الأسف وأنا الغلطان
وأنا النادم على فعلي وعلى نفسي أنا الجاني

وأنا التايه وأنا الضايع وأنا في دنيتي خسران
تعبت وشانت أخلاقي وصرت إنسان وحداني

أنا بلحظة غضب اعميت عيني وغرني الشيطان
الا ياليتني ميت قبل لا أطيع .. شيطاني

ترى كل الكلام الي تلفظته وآنا زعلان
ذبحني قبل لا يجرح شموخ أعز خلاني

آنا مقدر على بعدك ولا أقدر على النسيان
أبيع العُمر وأنفاسي عشان رضاك مجاني

[‏؏.أبوثنيـن @_Aliya2]

أعجم أبيات القصايد لا حوت اسمك : فصيحة
والغرام شعوره المفرط على مثلك : ذخاير

من عنى ليل الفراق اللي أبى يصبح صبيحه
جارت أحزانك على منهو عليه الوقت جاير

من يخفّف وطأة شعور الغرام ويستبيحه
من يريح خاطري لا بات متكدّر وحاير ؟

ليت عيني من سهر ليلي بدونك مستريحة
"كل فجرٍ ما يشعشع به سناك الغضّ باير"

و كلّ ليلٍ ما يجيبك يدفن بقلب الجريحة
شوق حار ودمعتين وضيق صدر وحزن غائر

ياحبيبي والاماني لا غدت عقبك طريحة
لو تمدّلها كفوفك عمّرت لـ جلك عماير

ولو تدوّر لـ الغرام العفّ بـ عيوني مديحة
كان تلقى انّ ما لغيرك وسطها خلّ وخشاير

أدري إنّ الدمع .. شافي لو يجرّحني مطيحة
وادري إنّ البوح .. يتْعب حين تكتمه الضماير

وتدري انّي في شعوري واضحة حيل وصريحة
ما أعرف اكتم شعور الشوق في صدري واساير

حطّني في جوف صدرك اعتق الوصل وابيحه
دام قلبك ماقوى لـ الهجر يوم الهجر ساير

والله أنّ الأرض عقبك ضيّقه لو هي فسيحة ؟
ولو اعد العمر دونك راحت أيّامه خساير !

عارفه إنّ الليالي بـ اللقا دايم شحيحة
وانّك تقدّس غرامي مثل تقديس الشعائر

وعارفه إنّك معوّد وإنّ هقْواتي صحيحة
وإنْك بـ تبصّر بي عيون الفرح لو هي ضرائر

مرحبا عدّ القلوب اللي من الفرقى كسيحة
وعدّ ما هلّت هماليل المزن : يا اعزّ زاير

جيتني جيّه عظيمة تشبه لـ جيّة نصيحة
ردّت المذنب عن النار وعن ذنوبٍ كبائر

- نوران