𝐻

هادئ بطبعي، أُحب الشعر وأميل للتفاصيل الحنونة والبسيطة.

[𝐻 @_H1ap]

وفاة بعد وفاة
جنازه ورا جنازه
اللهم ان كنت انا القادم فأحسن خاتمتي
و سخر لي من يدعوا لي بعد موتي

[قشعان @rv5lll]

لا تتردد في الرجوع إلى الله حتى و إن كثرت معاصيك فالذي سترك و أنت تحت سقف المعصية لن يخذلك و أنت تحت جناح التوبة .

[𝐻 @_H1ap]

والله لو تجلس على .. رمش عيني
ماعاد اشوفك مثل ماكنت ��شوفك

احفظ لك اللي كان، بينك و بيني
و كرامتي ماهـي رهينة ظروفك

[𝐻 @_H1ap]

يالله وانا عب��ك الي طامع في رضاك
واحيان اضيع دروب الحق وادلها

لاجيتك بدعوه فيها شعور ارتباك
افتح لها ابوابك اللي في السماء كلها

[𝐻 @_H1ap]

اتردى ليه وانا مقدر ومحسوب
وليه ادقق في الخطا والصدور مشرعه

كل زله تطمر الدرب اعرضها الهبوب
كني اغض البصر عن هنوف مفرعه

[𝐻 @_H1ap]

أبوي تعبني عسى عمره مديد 
كل ماتجمل عند خلق الله طروه

وإذا طرى ي كثر ماردد وأعيد 
من ماعليكم ز��د لطرو وأمدحوه

من كثر ماني من اسمه مستفيد 
الطيبين ان صار لي لازم قضوه .

[𝐻 @_H1ap]

فوق الرخامه ياكلون القراطيس
بهايم تاكل وترقد وتوعي

وقت يضد القرم ويقدر الهيس
وان عودت كلن بفعله قنوعي

ابراي لله من علوم الدنافيس
مان�� بمرخي للنمايم سموعي

اللحوسه سلم الوجيه المفاليس
ماهي بسلم لي ولاهي طبوعي

وان شفت مايجلب علي الوساويس
سميت بسم الله وهديت روعي

[𝐻 @_H1ap]

لا يغركم صغر سني وعمري الطايش
في راسي شايب يسولف مع احفاده

مريت بدرب الزمن ماهو بس عايش
وشفت الأيام كيف تعيد ميعاده

شفت البشر تضحك وداخلها غايش
وكم واحد بالوجيه الطيب ينصاده

اصبر ولو صدري من الضيق رايش
واكابر الجرح لو روحي على حده

ماكل من صغر سنه يكون طايش
ترا التجارب تكبر من العمر زياده

عندي من الحكمة الي ماهي بنايش
وعندي من الصمت مايشرح ابعاده

[𝐻 @_H1ap]

ياكل الاسرار مايدري بك الا الله
توبي وانا تبت والتوبه هي التوبه

"مشعان البراق"

[𝐻 @_H1ap]

ياقبر ماوصيك باللي بكيناه
ضمه برحمه مثل ضمة يدينه

يارب اجعل جنة الخلد مثواه
وأنزل على روحه أمان وسكينه .

[𝐻 @_H1ap]

الي وطى جمرة ومن حرّها صاح
يضحك عليه اللي ماحس بوجعها

[𝐻 @_H1ap]

ليتك ردي واقول ماهي غريبه
لاكنك أطيب من عرفته بدنياي

[𝐻 @_H1ap]

يالناصح اعذرني ترا ماقد اصغيت
الطبّع ماتقدر عليه النصايح

م اعرف اصد وخاطري فيه ياليت
لاشفت برقٍ للمواجيب لايح

لاباح مالي بعد كفيت وفيت
الرزق عند الله ولا هوب بايح

قد قال ابوي اللي بجاريه وازريت
الخساير دون وجهك ربايح

اذكر زمانه يوم انا فعلا بخيت
قدام اخجّل من رثاه النوايح

اليا سمعت اقلط وانا ف اخر البيت
دورت رقم الي يبيع الذبايح

رجلٍ ليا منّه عزم قال سويت
وقدام تاكل و��جبك منت رايح

[𝐻 @_H1ap]

مايكتمل عيدي واشوف السعاده
لين انتواجه في مجالس اهل الطيب

ربعي هم العيد اسعيد وعتاده
هم مكرمين الضيف وأهل المواجيب

[𝐻 @_H1ap]

يوم عيدي يوم اشوفك تشترين الغالي
من حلالي لو يروح العمر مديونيه

أرثعي في راس مالي دام راسك مالي
لايهمك كم بقى في ارصدتي البنكيّة

مثل ما أنتي تستحقين اسمي واموالي
تستحقين الذهب والماس والعيديّة

[𝐻 @_H1ap]

لو حاول الشايب يكافح ظهور الشيب
تدور الليال وتكشفه عشر ذو الحجه

ولو زاد شيب العود مازاده الا طيب
ماهوب الشباب اللي حياته على الدجه

[𝐻 @_H1ap]

محمود ودي اخذ في مصر جوله
ابي ارجع حلمي اللي تلاشى

في خاطري ضيقه وعندي سيوله
وانا وحزني كل يوم نتماشى

عطني من الفرحه ولو ربع توله
الا خراب الليل كلا و حاشى

الباب خابر مخرجه من دخوله
وأمر واطوف الخطا واتحاشى

حتى لو انك تجهل اللي اقوله
لابد تدرك علومي ياباشا

[𝐻 @_H1ap]

يا محبّين القصيد و يا هله
المعاني تدفن مهما حكيت

من يدقّق فالظواهر مشكله
و البلا منهو يدقّق بيت بيت

إن كتبت عن الحزن و البهذله
لا تحسبوني و انا اكتبها بكيت

فيه ناس تكتب عن المرجله
ثم اسوي نفسي إنّي ما قريت

[𝐻 @_H1ap]

كنت انشد امي وهي بالسلك والمكره
صغير والاسئله تملى شفا صدري

يايمه الشمس لاطاحت على فكره
مطيحها وين ، قالت تكبر وتدري

تبات وسط البحر وتقوم من بكره
كبرت واثر البحر كبدي وانا مدري

[𝐻 @_H1ap]

الصدفه اللي جابتك دون ميعاد
فرصة و أنا من فرحتي مغتنمها

تاريخها عندي مثل عيد ميلاد
تستاهل أحفظ يومها و احترمها

[𝐻 @_H1ap]

لا تلتفت للناس وتقول قالوا
عليك في نفسك ولا تتبع الناس

وان كان هم فى غفلة الوقت مالوا
خلك جبل واثبت على مبدأ وساس .