تدري ان الليل يجيب ذكراك ؟
وان الفجر فيك يوحشني
كأن الليل يقول الهوا هواك
وكأن الفجر للوقت فيك يرجعني
ودي ارجع مع الشوق واقول ابغاك
لكن اخاف اجيك بالاول وتردني
تذكر ليالينا وسواليفي معاك ؟
بعدك والله ياحبيبي أتعبني
ودعتك الله ما بقى عندي حلول
جار الزمن وظروفي تزيد البلا
فقدتك وقلبي من الفرقا يقول
ماعاد للدنيا عقب فقدك حلا
يا ليتها شده مع الوقت وتزول
و أقول هم فالمحاني وانجلا
لكنها صارت بذاكرتي تجول
والبال من كثر الطواري ما سلا
فقدت صوتك والرحابة و القبول
والأبتسامه والرضا والمسهلا