سعد

ضايق من زود هجره وتاخيره

[سعد @_S3d76]

يارب اخشى ان أموت فجأة دون ان ارتب توبة في صدري فيارب أغفرلي إذا مت وسخرلي من يدعو لي دون ملل واجعل مايبقى مني اثر طيب يترك ابتسامة.

[سهم @1SMi_]

🚨🚨🚨🚨 عـاااااااااااااااااااااااااااااااااااااااااااااااااجل!!!!!!

لحظة إطلاق صافرة النهاية وإعلان عودة نادي #الفيصلي رسميًا لدوري روشن السعودي الموسم الـقادم 🇸🇦

عنابي سدير في مكانه الطبيعي بين الكبار مجددًا

😱😱😱😱😱😱😱😱🤎🤎🤎🤎🤎🤎🤎🤎

[سعد @_S3d76]

ياملح القصيد اللي هويته ولا الله راد
خذاك الكبر ولا المقادير صارحني

انا اعيش ف بلادي وكني غريب ابلاد
اشوف ��لجفا يطغى والاشواق تجرحني

تمادى السكوت وكل ذكرى معك تنعاد
تجدد بقايا ذكرياتك وتذبحني

[سعد @_S3d76]

عليك الروح يشعفها مسيلٍ من سرابك سال
و يوقف دونها خوفي و مشروهي على قدري

تدانى لك معَ باب الولع و الشوق قلب و بال
و حنّت لك مواريف الشجر و الغصن و الكدري

لا تستسهل مطيحي لا تثنى عودك ولا مال
و أنا رجال ما فوقي حدٍ غيري ولا حدري

[سعد @_S3d76]

@abbmohad ويحفظك يابو محمد

[سعد @_S3d76]

قال اللذي لاضاق صدره بعض نوب
على الورق شلال فكره تدفق

يقطعك يادنيا بها الوضع مقلوب
جارت وصارت بالعوارف تصفق

دنيا بها اصبح طالب الحق مطلوب
ومع هضم حقه للخلاص يتشفق

ماعاد راعي العرف هالوقت مرغوب
ومحدٍ عليه اليوم حن وترفق

خايب رجا تنصك في وجهه البوب
وراعي الجهل في قدرة الله توفق

[سعد @_S3d76]

@abbmohad الله يرحمه بس هاذي لعبدالرزاق هذيل

[سعد @_S3d76]

ليته خطا واعذرك لو ما أنت معذور
من قبل تفرح بالجفا هرّاجته

كان أبشع أنواع التطرّف فالشعور
شعور إني شي ما أنت بحاجته

[سعد @_S3d76]

وانا اللي كل ماشيّدت للنسيان دونك سور
جرى في خافقي سيل الحنين الجارف وهدّه

عساك الحِّل ياحلم الوصال وموعدٍ مهجور
تلاشى كنّه أصحاب الرخا في حزّة الشِدّة

[سعد @_S3d76]

ياما على نفسي بالأحلام كذبت
وياما صبرت وصبرنا مانفعنا

وياما وياما من وداعه تعذبت
وياما نحاول نفترق ما استطعنا

كم مرةٍ ودع وكم مرةٍ غبت
وكم مرةٍ عقب الوداع اجتمعنا

ويا كم توادعنا وشرق وغربت
ويوم إلتفتنا في بعضنا رجعنا

[سعد @_S3d76]

@ms33ud سقط جسر تويتر💔

[سعد @_S3d76]

طالت عليك الليالي يالقوي الشديد
اللي جروحك عتاق وذكرياتك شقا

لو كان قسمي من افراح الليالي زهيد
مسامح اللي يروح وقابل اللي بقا

الله عطاني نزارة صيرميٍ عديد
منين ماتل سبقه للكواكب رقا

اجابه اقسى الظروف اللي توطا العنيد
من عادها في دبور و مقفيه محقا

[سعد @_S3d76]

انتصف ليلٍ تسريه الطواري
في سماه احلام وغيوم وقمر

غربت شمسه وانا ضايع قراري
واخر الضيعه ترا ضيعة عمر

ذاتي الليله مثل ذات الصواري
وصدري الليله احر من الجمر

زمليني يا تباريح المساري
شرهة الاغصان ماتجني ثمر

[سعد @_S3d76]

مراح نفلح وهاذي النماذج الإعلاميه

[فهد الروقي @fahdalruqi]

باختصار

كلما زاد لاعبو الهلال في المنتخب بات قادرا على الفوز على بطل كأس العالم
كلما نقص عدد لاعبو الهلال في المنتخب بإمكان منتخب بنغلاديش هزيمته

[سعد @_S3d76]

ماورا ذنب المشاريف لاذبيت خير
ماتجيب الا الغرابيل وتزيد الوهم

هيه ياضلعٍ رقيته وحثيت المسير
اتخيل كل ليلٍ سريته والتهم

يوم امره طلعة الشمس وامره عصير
كن في رجلي جبيره وفي صدري سهم

الهموم أفواج طلاب والقلب المدير
كل مافارقت لي هم اصبح لي بهم

[سعد @_S3d76]

ياذيب ياللي رزقتك صيد نابك
مدري عشاك شياه ولابعارين

ياعناد عاند ضيقتك وإكتائبك
واكسب رضا الزيتون لو يزعل التي��

واثبت هذا مهوب وقت إنسحابك
طرقٍ على خشم العواكيس بتزين

[سعد @_S3d76]

ذيورٍ غيورٍ كل يومٍ تسل حراب
تشم المغازي والنشاما غنايمها

تغنّج تغنجّ خفرةٍ سحرها جذاب
تجمل وتضحك للعرب لين توهمها

وتطوى تطوي حيةٍ سمها بالناب
على عضت الغافل تلحس براطمها

[سعد @_S3d76]

تجيبك في ربوع الذاكرة ياصفوة الخطّار
مقاديرٍ رمت بك في طريقي وأنت ماتدري

[سعد @_S3d76]

انا وياك ما اخترنا نهاية دربنا المهجور
خذلنا الحظ؟ لاوالله خذلنا الشك والريبه

[سعد @_S3d76]

صديقي الاعتراف الصادق من الضمير
تراه مثل اللقى اللي بعد طول البطا

مدري وش اقول لكن اسمع من الاخير
ان كنت مقفي زعل جعله مراح القطا

وان كان عينك تشوف الدرب منت بضرير
تراي اجيد النقاش وعندي اخذ وعطا

لكن ليا خربت اخلاقي مااحب استشير
امشي على اللي براسي صح ولا خطا

[سعد @_S3d76]

ماهوب دايم كل جرحٍ اتداويه
دواك من بعض الجروح اسفهانه

والجرح هذا يا اوله ويش تاليه
وقفت له واليوم أبجلس وزانه

يشره علي اللي يحب المشاريه
ولا ترى الطيب وسيعٍ بطانه

اللي يراعيني بعينه و اراعيه
اليوم كل دموع عيني عشانه

[سعد @_S3d76]

دامك تحسّين فيني ليه ما قلتي
ياما تمنّيت ليلة مثل هالليله

إن كانها بالغلا كنتي وما زلتي
أول ورود الهوى وآخر محاصيله