أشواق الودعاني

كاتبة وقارئة | Tourism Guiding | سفيرة جودة، عضو في الجمعية السعودية للسياحة، مهتمة بالتعليق الصوتي.

[أشواق الودعاني @A5sh1]

ليه حكيك بعد صمتي مايجي إلا بعد مُدّة؟
ليه عادي الحزن يبطي وانجرح منك وأعاني؟
كن حكيي في عيونك: مختلط مزحه بجدّه
مافرق لو عنك أرحل ومافرق بعدي مكاني

ليه تجبر قلب من حبّك على الرمضا وتحدّه
والله إني لو فقدتك.. فاقدٍ روحي وأماني
لا تمشينا بطريقٍ منت قدّه وماني قدّه
الطريق اللي مشيته مابغيته ولا بغاني

ماهو (عمر) اللي عرفتك، من عرفتك صرت أعدّه
وال��كان اللي سكنته ما يحل لشخص ثاني
يوم ربي كاتب ودّك على قلب تودّه
لا تلوم اللي غدا بمحبتك "جدًا أناني"

[أشواق الودعاني @A5sh1]

ليست بالمبادئ، وإنما بقلب إن أحب لا يؤذي، وإن فُقد لا يعوّض.

[أشواق الودعاني @A5sh1]

"الحقيقة" لا يناسبها المسرح وتقمّص دور الآخرين.

[أشواق الودعاني @A5sh1]

تدري بقدرك.. وتدري ما اقدر أزعل
غير لحظة، وأرضى وأنا أسأل كيف؟

إن غبت عنك جابني الشوق وأشعل
نارٍ تشب ضلوع صدري المراهيف

ما فات لا يُذكر والجاي أكيد أجمل
- ماهمّني سود الليالي العواصيف

ناقصة حروفي، ومافي القلب أشمل
زاد فوق الحب (محبة) بدون تزييف

[أشواق الودعاني @A5sh1]

غمّضي عيونك وقولي إنك قوية!
الكلام أحيان من بعـده تعافي

لا تعـدّين الليالي وهي شقيّة
باكر عيونك تشوف الجرح شافي

كل ما حزنك طرق بابك عشيّة
اعرفي إن الفرح بعد الصبر لافي

ما خذل ربّي من أحسن فيه نيّة
ينجلي همّك بعد ذيك العجافي

[أشواق الودعاني @A5sh1]

فيني عتب ما تفهمه
خايف أقوله وتسأمه

قلبي تعب من هالظما
هل هو يفوز أو بهزمه؟

[أشواق الودعاني @A5sh1]

ينطفي من الليل قمـره
لا انطفى من الضيق نورك

أشعر إن البُعد جمـرة
لو تباطيت بحضورك ..

قول لي: يرضيك عُمـره؟
من رضى بـ عدلك وجورك

لو تبي من النجم زهرة
منتظر أمرك وشـورك

قلبي في سرّه وجهره:
ما يبيك إلا بسرورك

[أشواق الودعاني @A5sh1]

ما تكون بدوني، وما تليق إلا معاي
لا يمرّك خوف غير اللي قبل مَـرّك

أنت مـو لحظة، أعدّك عمر جـاي
لك وافر الحب آمر، وجاك ما سَرّك

متقاسمين الدرب يا ظماي ومـاي
قد قلتها لك: أبيك بـ خيرك وشرّك

حتى الغياب اللي يرافق ممشاي
بينتهي ويزول .. "حتى ولو غـرّك"

قلبٍ يودّك، مايبيك إلا بـ سماي
كل ما أرخيت حبلك حن وجَـرّك.

[أشواق الودعاني @A5sh1]

عدّني لا ظلّم الليل نورك
وضلوع صدري مواريف وذرى.

[أشواق الودعاني @A5sh1]

حبني.. في حبّك الوافي العفيف
ما أبي الصدّة، ولو كانت نُبل

[فيحان الصواغ @fai7aan]

هـدّة جبل … / الشاعرة : أشواق الودعاني https://t.co/bjx5JiZVY7

[أشواق الودعاني @A5sh1]

كل مرة كنت تقرَب.. أسمع الخ��وة بعيدة
وألقى باقي أمنياتي صارت جروحي الجديدة

وش يفهّم هالقصايد إنه ناقصني وجودك؟
ليه تبخل في وصالك وتبخل بلحظة سعيدة؟

كيف أجاوب (كل فكرة) حطّمت أحلام قلبي
حتى حزني صار يضحك ويشتكي لي: يا وحيدة

أنت تعرفني بوضوحي، من ملَك مفتاح قلبك؟
"يا أكون الكل وإلا.. ما أكون بهالقصيدة"

[أشواق الودعاني @A5sh1]

اختلاق القصص خطيئة لا تسيء إلا لصاحبها.

[أشواق الودعاني @A5sh1]

يانور عيني، والهناء.. وكل الوصوف
لو ما خذيت الحب كله: وش بقى؟

القلب قبلك ماعرف غير العزوف
له غيمةٍ تمطر، ولغيرك ما سقى

مستوصيٍ بـ محبّتك خير ويحوف
"ماقد نزل بالحب خطوة بس رقى"

ثابت مكانك، لو على أرقاب وسيوف
ومن ماعجبه اللي أقوله؟ بـ شقى

[أشواق الودعاني @A5sh1]

صحى تـوّه..
وزان من الصفا جوّه
تأمّل باقي أحلامـه
وأشعل بالأمل ضوّه

نسيت اللي مزعّلني
على كلمة.. على خُوّة
مدام اللي أخـذ قلبي
أصيل وكامـل مروّه

أحبه، وأشعر إني بـه
أواجه حاضري بقوّة
أنا قلبي هـدا جنبـه
ومحى أمسـه مع لَوّه

[أشواق الودعاني @A5sh1]

بين أزقة المشفى ��ي الغربة.. ما الذي حدث؟

قصتي القصيرة في مجلة الفيصل @AlfaisalMag

https://t.co/JENvF0oPcF

[أشواق الودعاني @A5sh1]

أبد ماكان من يفهم شعور المنكسر عكسه
ترى مرات من يعطي: هو اللي جرّب ظروفه.

[أشواق الودعاني @A5sh1]

عن شعور البارحة جيتك أبسـأل ..
عن حنيني وشوق قلبي وارتجافه

ماوصلك إني بدونك بس أذبـل؟
هذا حال القلب دونك واعت��افه

أنت ياللي غيبتك لحظة: تغربـِل
حس بالعاشق إذا ما اروى جفافه

آتأمل صورتك.. وأسهى وأسبـِل
دمع عينٍ تحضنك حب ومخافه

إيه أحبك يابعد من راح وأقبـل
حب مايلحقْه شك ولا حسافة

[أشواق الودعاني @A5sh1]

تنهيدة البكاء وإن كانت بلا دموع: مؤلمة.

[أشواق الودعاني @A5sh1]

كون لي أقرب، هذا اللي أبيه ..
كون لي (كل شي) ألقى نفسي فيه

واكتب بصفحة كتابك "انتهى"
كل ليل من العنا

انتهى خوفك أخيرًا ..
انتهى ذاك الشقا

لا مزيد من المسافة، موقعك كل يوم جنبي
هاك قلبي وانكشافه (دربك الحين دربي)