عبدالله حماد الشاطري

(بكالوريوس ادارة اعمال ) ،

[محمد السنافي 🇸🇦 @rr5856r]

من جاء على وضح النقا مرحبابه
يلقا سعة صدر ومعزه ومقدار
ومن راح عنا ماحسبنا حسابه
لايملك الجنه ولا يملك النار🤍

[محمد السنافي 🇸🇦 @rr5856r]

من يمدح الأجناب ويسب ربعه
سدو فمه يا أهل المعاريف بتراب
بهيمة ترقب ورى الناس شبعه
لا نافع نفسه ولا نافع أجناب

لشاعرها

[عبدالله حماد الشاطري @Abdullah1ha]

@d7eem_53 ونعم

[عبدالله حماد الشاطري @Abdullah1ha]

@hza11_ صح لسان الشاعر وصح نقلك

[سعود عايد العلوي @saudayedalharr1]

كم واحدن وده يضرك ويحْسَدك

لاشاف قدرك مع هل الطيب راجح

ولايهَمّكْ دام فعلك يمَجَدَكْ

أرفع مقامك فوق مادمت ناجح

#سعود_عايد_العلوي_الحربي

[نايف اباالعون @naif_abalaon]

اللي يغار من الرجال الطيبين
عيّا يطيب وطيب غيره يزعجه

يضيق صدره من نجاح الآخرين
تقل رقو مع سلّمه والا درجه

ندري عن افعاله ولكن ساكتين
ماودنا نقسى عليه ونحرجه

ندمح له الزلات مرة .. مرتين
واسمه مع اصحاب السوابق ندرجه

لكن مدام انا اخوان ومسلمين
لازم ندله للطريق المتجه

نبيه يقرأ في رياض الصالحين
يمكن بعد مده يغير منهجه

نمشي معه على دروب الغانمين
واذا اتجه صوب الردى مانتجه

إن طاب والا بالحلول مخيرين
اما نحدّه حدّ ،، والا نسهجه

هو يدري إنا للمواقف حاضرين
الروس تقدح والاصايل مسرجه

حنا نعرف ابو وجه وابو ثنين
لو كان ربي ماعطاه الا وجه

#نايف_اباالعون

[عبدالله حماد الشاطري @Abdullah1ha]

@HRHMBNSALMAAN وعليكم السلام ورحمه الله وبركاته
واطال الله في عمرك وأنسال الله لك التوفيق
في كل عمل تقوم به

[مطلق بن درعان بن ربان أبوثنين 🇸🇦 @m888890]

البخل بصمة عار في وجه راعيه
والجود يبقى صاحبه رافع الراس

مات البخيل وضاع مالٍ تعب فيه
ومات الكريم وعاش ذكره مع الناس .

[سعود عايد العلوي @saudayedalharr1]

ياطيب رجلٍ ماتغير بطبعه
سمح النبا للناس طلقٍ حجاجه

طول الدهر ماشان في وجه ربعه
ولاوحيت له بين الرفاقه لجاجه

مثل القراح اللي من الجٓمْ نبعه
يفرح ليا جيته تبي منه ،، حاجه

هذا هو اللي له مقامٍ ،، وسمعه
لو شان وقته ،، ماتغيًر ْ مزاجه

#سعود_عايد_العلوي_الحربي

[سعود عايد العلوي @saudayedalharr1]

ياباذل المعروف لابد تلقاه
أجرن عظيم وفيه تكسب جمايل

واللي فعل معروف مولاه يجزاه
ولاخاب من حصّل كثير الفضايل

الرجل يرفع قيمته فعل يمناه
لاصار له فعلٍ يجي به دلايل

ولا الردي لو جيت يمّه وتنخاه
مامن ورى راع الرديه صمايل

#سعود_عايد_العلوي_الحربي

[سعود عايد العلوي @saudayedalharr1]

أحذر من التسويف بكره وبعدين

مادام عندك فرصةٍ لا تساهل

عجّل على التًوبه من الذنب هالحين

ومن لا يحب الخير مخطي و جاهل

وان طعت للشيطان حدّك على الشين

هذا عدوك واحذره لا تجاهل

وان كان تبغالك مع الوقت تمكين

لازم يجي لك بالمعزه مداهل

#سعود_عايد_العلوي_الحربي

[سعود عايد العلوي @saudayedalharr1]

ترى التسامح من صفات الرجوله

والعفوا عند المقدره طيب واحسان

والصبر كنز و فيه عز وبطوله

يرفع مقام الشخص في كل ميدان

واللي مشابه فاز في كل طوله

والصبر وقت الضيق من قوا الايمان

والطيب لولا الجد صعبٍ وصوله

وياللي تبي بالهون طولات غلطان

#سعود_عايد_العلوي_الحربي

[سعود عايد العلوي @saudayedalharr1]

التّباعد عن هل النّمه سلامه

والتّقارب من هل الطوله غنيمه

وش تبي بهل التّشّمت والملامه

مالهم في صفحة الامجاد قيمه

وامدح اللي سمعته ترفع مقامه

طيّبْ الافعال والنيّه سليمه

وكل شخص ٍ محترم يلقى أحترامه

ومن فعل يمناه يبشر بالحشيمه

#سعود_عايد_العلوي_الحربي

[مهند الروقي @mon_alro]

ابا اغض طرفي كن ما شفت و الا أوحيت
و لامن نشدني من نشد قلت له : مدري

و ابسلى و لا منه بدا هاجسي غنيت
و اكب الهزيل لصاحبه و اكسب الندري

[الغلاالعتيبي @a22ot88]

من النصايح الجميله
لشاعرنا المبدع @hajer_albarazi
صح لسانك

[عبدالله بن شلاّح @ben_shallah]

لولا اللوازم ما عرفنا الرياجيل
ولولا اختلاف السوق تبور البضاعه

ولولا الشجاعه ما قنى الفارس الخيل
ولولا الصبر ما كان شفنا القناعه !

#إشراقة_شاعر

[عبدالواحد سعود الزهراني @WdBdalwahd]

اذا ما وضعت لطيبتك و لوقارك حد
يجيك الخطأ من مصدر ما توقعته

الأنذال لا تترك لهم فرصة أخذ ورد
و تندم على اللي كان بايدك و ضيعته

و من لا يقدرك إبن بينك و بينه سد
وعده مقام اللى توفى و شيّعته

أنا لا انكشف لي كل خافي وجدّ الجد
من أغلاني أغليته و من باعني بعته

#تدل_دربها