lala.ash

[lala.ash @Abidalajaj1]

#Lebanon

[@Joyce Abou Zeidan جويس أبو زيدان @joyceabouzeidan]

كنا نموت من الضحك ونقول طَقو خواصري ، كنا نتسابق مين بيوصل على آخر الحَي بالاول ، ومين بيطلع عالشجرة أعلى، ومين بيقدر يحبس نفسو تحت المي أكتر.

صرنا اليوم نتسابق مين شكلو أحلى بالصورة،
مين سفرتو أبعد،
مين بيتو اكبر،
مين جسمو أنحف،
مين حياتو من برا مبينة مرتبة.

تتذكروا بس كانو اهلنا يقلولنا روحو العبو برا،
تيحكو شي ما بدن يانا نسمعو؟ إي اليوم صار كل الحكي تشويه و كذب و تمثيل وفلترة صور، وفلترة كلام، وفلترة حتى للمشاعر.

ما ضل شي حقيقي.
تتذكرو السهرات وقت كنا نقعد بالبيت، الكهربا تقطع، نولع شمعة او اللوكس ، ونحكي حكي بدون عناوين، بدون أجندة، بدون ما حدا يقعد عتلفونو كل الوقت، كنا نلعب ورق، نلعب اونو، نلعب "لعبة القنينة : حقيقة او أمر"، ونضحك تيوجعنا بطننا وما كان في مشكل نرجع نلعب نفس اللعبة كل يوم.

كانت جلسات الضيعة تجمع ولاد الجيران كلهن، ولك على صحن فول، او شي بطيخة، مرات ركوة قهوة للاهل او شاي مع جوزة، و الجارة تطل من الشباك تشوفنا قاعدين وتنزل عالسهرة...

ما كنا نحجز موعد لنقعد سوا، كنا منقعد كل يوم ، وخلص.

وأعياد الميلاد؟ كلها كانت مصنوعة بالبيت.
الغاتو ، واهم شي عالطاولة الكاستارد
وال دجلو
والبوشار
ومرات شيبس
والاهم الصورة اللي كنا ناخدها بالكاميرا
وبعدها بجواريرنا لليوم،
كبايات بلاستيك ملونة،
وبالونات ال ٥٠ ليرة

كنا نلعب وننط متل القرود فرحانين كأنو الدنيا كلها لإلنا.

بس اليوم لازم تكون الحفلة بأفخم مطعم، مع زفة، مصور محترف، كاتو من محل معروف.

والولد بيطلع بآخر النهار، تعبان من كتر الصور، وما عاش لحظة فرح وحدة من قلبو.

اليوم ب السهرات الكل ماسك تلفونو، ضحك مفتعل ع نكتة محدا سامعها ولا بتضحك بس لأنها "تراند"

وبعد ما تخلص السهرة، منسأل حالنا: شو حكينا؟ شو سمعنا؟ شو حسينا؟ والجواب :ولا شي.

كنا نلعب طاولة بالضيعة، الجد يخَسِّر حالو ويعمل حالو زعلان ، وستِّي تضحك عليه، ونحنا نكَيِّف .
هلق صار اللعب اونلاين، مع حدا ما منعرفو ، بدولة ما منعرف وينها.

كنا نسمع أم كلثوم وفيروز ووديع الصافي، وكل واحد يحكي شو ذكرتو الأغنية،هلأ صرنا نسمع أغنية لخمس ثواني ونحطها بالستوري وننساها.

اليوم اذا حكيتي لشخص معتبرتيه صديق، بيقلك "بتحبي الدراما" أو "بتشوفي كل شي اسود ".

يا عمي، في فرق كبير بين الدراما وبين إنك عم تحكي أرض الواقع،
في فرق بين إنك تشتكي، وبين إنك تتعب وتفش خلقك مع حدا فكرت بتقدر تحكيلو كل شي.

بس لأ! لازم تواكب التطور
بيحقللك بس تحكي "الكذبة"، وتشبّح شو صرفت، وين ضهرت والقهر ممنوع تحكي فيه بنصير خارج عن المجتمع....

حتى مفهوم الصداقة اتغير:
صرنا منعتبر ومنقَدر المشهور
وما بقى في محل للصديق الحقيقي...

اوف... كتير كذب، كتير لحد القرف.
ما حدا فاضي لحدا ولا يسمع هم حدا،
كل واحد غارق بحالو، أو متظاهر إنو غارق بانجازاتو، أو ماشي بطريق التراند...

ولك يا عمي صار اللي بيمثل إنو كل شي تمام، هو "ناجح". واللي بيقول الحقيقة، صار "تقيل".

ما عاد حدا يسأل اذا قلبك تعبان، صاروا يسألوك ليش ما عم تنزلي صور.

ما عاد يسأل اذا كنتي نايمة الليل، صاروا يسألو شو روتينك الصباحي GYM PILATES...
ولك عم نقيس حالنا بمراية التشويه ،

وصرنا نربي ولادنا ع نفس السباق، ما عاد نعلمهن يضحكو من قلبهن، عم نعلمهن كيف يوقفو قدام الكاميرا ويتصنَعو الضحكة

ما عاد نعلمهن يلعبو بالتراب، عم نعلمهن كيف ما يوسخو تيابهن. ما عاد نعلمهن يخسرو ويرجعو، عم نعلمهن إنو الخسارة عيب. ما عاد نعلمهن يحكو شو حاسين، عم نعلمهن كيف يخبو.

ليالي منسأل حالنا شو فينا ناقص لان المجتمع الكذاب ما عاد يشبهنا .

ومنصير منفتح التلفون
منسكر التلفون،
منرجع نفتحو.
نفس الحركة لنِغفى و نفس الفراغ.

زمان كنا نضحك من قلبنا، هلق منضحك بس للكاميرا.

ايام كان الجمال إنك تكوني صادقة، هلق صار الجمال إنك تكوني مفلترة، محررة، مضبوطة، مقصوصة، معدلة بشكل ما يبين إنو في تعديل.

ايامها كان عنا حدا نحكيلو، هلق عنا متابعين وهميين عالمنصات.

نحنا البشر،. كنا نتسابق بالروح، صرنا نتسابق بالقشرة...
والروح ض��عت بالطريق.
#هيك_الدني
#الله_يرحمنا

[lala.ash @Abidalajaj1]

#البسطة_الفوقا #بيروت

[lala.ash @Abidalajaj1]

#بيروت #البسطة #برج_أبي_حيدر #لبنان
#مجزرة_بيروت

[lala.ash @Abidalajaj1]

لا ترد أبداً عندما تكون (#غاضباً) .
لا تقدم وعداً عندما تكون (#سعيداً) .
لا تتخد اي قرار عندما تكون (#حزيناً) .

[lala.ash @Abidalajaj1]

#stamps #souvenir_from_lebanon ❤️‍🔥🇱🇧

[lala.ash @Abidalajaj1]

هو موقف يحصل بالغلط يوريك كل حاجه صح.❣

[lala.ash @Abidalajaj1]

https://t.co/ZGImI3T7uD

[lala.ash @Abidalajaj1]

@RaneemAlabed0 مي تو .

[lala.ash @Abidalajaj1]

وطلعت #الغاردينيا ❣️و إزدهرت #بيروت p:🌷🌸

[lala.ash @Abidalajaj1]

خفّفو من المجاملات قليلاً، ��تركو الناس السيئة تدرك بأنّها سيئة لا داعي للنفاق ."

[lala.ash @Abidalajaj1]

🪩👀

[lala.ash @Abidalajaj1]

👀

[lala.ash @Abidalajaj1]

الواحد بطل يعرف هو اكتئاب ولا انطفاء ولا نضج ولا انعدام الشغف ولا تخلف ولا حالة نفسية ولا هاي شخصيته.
#صباح_الخير 🎈

[lala.ash @Abidalajaj1]

#Beirut ❤️

[lala.ash @Abidalajaj1]

#حوض_الولاية_بيروت

[lala.ash @Abidalajaj1]

لا تحسد ولا تحقد ولا تظلم ،..إنها فانية،”

[lala.ash @Abidalajaj1]

❤️❤️❤️❤️❤️❤️❤️❤️❤️❤️❤️❤️❤️
❤️❤️❤️❤️❤️❤️❤️❤️❤️❤️❤️❤️❤️
❤️❤️❤️❤️❤️❤️❤️❤️❤️❤️❤️❤️❤️
🤍🤍🤍🤍🤍🤍💚🤍🤍🤍🤍🤍🤍
🤍🤍🤍🤍🤍💚💚💚🤍🤍🤍🤍🤍
🤍🤍🤍🤍💚💚💚💚💚🤍🤍🤍🤍
🤍🤍🤍🤍🤍🤍🤎🤍🤍🤍🤍🤍🤍
❤️❤️❤️❤️❤️❤️❤️❤️❤️❤️❤️❤️❤️
❤️❤️❤️❤️❤️❤️❤️❤️❤️❤️❤️❤️❤️
❤️❤️❤️❤️❤️❤️❤️❤️❤️❤️❤️❤️❤️

[lala.ash @Abidalajaj1]

الإفراط في العطاء يعلم الناس #إستغلالك والإفراط في التسامح يعلم الناس #التهاون في حقك والإفراط في التواضع يعلم الناس #التطاول عليك …