سرور السّرور

[سرور السّرور @aboHamed511z]

ماني على خبرك على قول المثل خبرك عتيق
عقب الصخب والطيش حبيت الحياة الهاديه

صديت و النيه مطيه والعمر رحلة طريق
يا رب رحله ممتعه من فوق صفراً عاديه

زهابي الايمان وسلاحي على الوصف الدقيق :
عقليّة المثقف وفراسة ابن الباديه

كان منعتني خونة الصاحب وخذلان الرفيق
فـ انا كفو لايّات هجمه من جهات معاديه

تبجحي يا نظرة المستقبل بماضي عريق
على الظنون المظلمه شمس الحقيقه باديه

وتثاقلي يا خطوة المتجوّد بعهدٍ وثيق
حتى ولو ��تناقضات الميديا .. متماديه

احياناً من اصغر شراره تقبس الدنيا حريق
واحيان تنبش اعمق جروحك حمامه شاديه

كم من محبه صادقه تبدّلت كرهٍ عميق
باسباب مزحٍ ما هو بوقته وكلمه غاديه

- محمد جارالله

[سرور السّرور @aboHamed511z]

ياربي آلك الحمد و الشكر الكثير
جعلت قسمي فالقصيد اعلى السنام

وماني ب ذاخر بيت لأخوي الكبير
عادل و عادل ما يوفّيه الكلام

يكسر عظام القوم ثم يجبر كسير
يمناه ما تشبه سوا بيض الغمام

ماني سرور إن ما مدحته فالأثير
من هو نصا عادل بعيد انه يضام