ابراهيم العواجي

شاعر متذوق ومتابع للشعر والشعراء وأفتخر بـ #رؤية_السعودية_2030 🇸🇦 ✍️ القصيم

[ابراهيم العواجي @AboRokn]

#محمد_بن_سلمان 🇸🇦💚🇸🇦
#قمة_طويق
يامحمدمن يشوفك زاد قدروقيمه
من معزّي تاخذ أوصافك دهاء وسياسه
صيرميٍ جلْستك سلطان وسط الخيمه
المعالي مع سموك لايقه بقياسه
همّتك ياطويق ترقى للسماءوالغيمه
شاربٍ من صافي الماء مجلسٍ ودراسه
جدّك مؤسس ولد سلمان راع الشيمه
السياسه تعرف آل سعود حكم وساسه

[ابراهيم العواجي @AboRokn]

من قديمي القريب 🌸☺️🌸
البارحه سهران مانام طرفي
اجيب مما طاب عذب الفوايد
بدايعٍ من صدق بوحي وحَرفي
حومي عليهامثل صيدالطرايد
مجاورٍللسيف وامشي بعِرفي
ألاعب الأمواج واكتب قصايد
مع الجزروالمدّسويت حلفي
أطلق خيالي طامعٍ بالفرايد
خاويت لقرومٍ نشاماوعِرفي
ذربين مالي بعد عنهم وكايد
يتبع

[ابراهيم العواجي @AboRokn]

الشاعر: #ابراهيم_العواجي 👌🔥
#وصف
جلست بالمشراق واسمع لابن عون
قبل ارتفاع الشمس ماامْلزت منها
واسمع لابن جدلان أمثال وفنون
الكلّ منهم بالمعـاني ضمنها
حكام يعطون الآوامر وينهون
ونوادر اهل الشعر من يختزنها
🤍🔥🤍🔥🤍🔥🤍🔥🤍

[ابراهيم العواجي @AboRokn]

يموت الغلا من قلة الوصل والتقدير
مثل موتة المعروف لاصار به منّه
ولاعاد ينفع كثرة الشرح والتبرير
فلا شوفتك واجب ولاضحتك سنه
تموت المشاعر تكره البوح والتعبير
الاخلاق خربة والأحاسيس منجنه
ولافيه داعي للتفاهم وللتفسير
وكلآ يغني له طروقٍ على فنه
#ابوراكان

[ابراهيم العواجي @AboRokn]

مجاراة👇
ياللي تنشّدعن ظروف المعاناة
هي علّةً ياصاحبي داخليّه
حبٍّ قديمٍ داخلي واحْسبه مات
الجرح مدمي والجوارح شقيّه
ومهما أناحاولت أخفي علامات
الظرف بيّن والمدامع نديّه
لاتفتح الموضوع والوقت قدفات
وتطْعنّي الأوجاع مثل السريّه
خل الزمن ياخذدروب المسافات
أرجي أنا وآخاف ربّ البريّه

[ابراهيم العواجي @AboRokn]

#الشتاء
جاناالشتاءوالوقت بانت مواريه
أيام ويركّب هبوب البرادي
سهيل قرّب حيّ ذكره وطاريه
يفرح به اللي عاشقٍ للبوادي
والوسم للمشتاق زانت مساريه لاطاب ذكر السّيل في كلّ وادي
من فوق جيبٍ توّه اليوم شاريه
وسط النفودوفي ظهورالحمادي
وخوةرفيقٍ مايعرف المشاريه
هي منوة الصقاروقت الهدادي

[ابراهيم العواجي @AboRokn]

@hamood2947 ياما قضى عمره بقطع الفيافي الماء قراح وعنده الشرب مضمون

واليوم مـركونٍ وغاطيه سافي
مدفون ومصدّي وراعيه مدفون
#ابوراكان

[ابراهيم العواجي @AboRokn]

@REDHAHLES "مابين سطرين" رحله ويتسلطن رضا
عذب الشعر والمشاعر تختصرها الحروف
لاحان كشف المعاني يستحق الرضا
يثري مسانا جمال وشعر بين الألوف
أبوراكان
#أمسية_أدبية

[ابراهيم العواجي @AboRokn]

@fawaz1379s بين ��عب القدوم ومغريات الذهاب
أبعدتني ظروفي وأنت قلبك خلي

حارة الرجل بين موادعك والإيـاب
إرحم الخاطـر المكسـور والممتلي
أبوراكان

[ابراهيم العواجي @AboRokn]

@fawaz1379s وين من يبدع قوافيه وعلومه تزِين
خيزرانه في يمِينه وما يثنُونها

لاقلط بالملعبه حرّ والقاسي يلين
شاعرٍ بيطار يتقن جميع فنونها

المعاني في بيوته تبي عقلٍ رزين
الفتل والنقض بيده وهم من دونها
أبوراكان

[ابراهيم العواجي @AboRokn]

@fawaz1379s تحيا وتدوم
وصح بدنك
وبيتك ملياااان
وحاولنا مجاراتك
لاع��مناااااك 🌹

[ابراهيم العواجي @AboRokn]

@fawaz1379s [القلب محتار والمحتار قلبه حزين
يختارصمته وعُمر الصّمت ماحَاسَبه]

القلب يختار والمختار عقله رزين
ينهـاه عن جملة الـزلات ويحاسبه

الصبر طيّب ولو طوّل أمورك تزين
والصمت حكمه وتلقى فرصه مناسبه
#أبوراكان

[ابراهيم العواجي @AboRokn]

@Columbuos #قائد_الشرق_الأوسط
#محمد_بن_سلمان 🇸🇦💚🇸🇦

صولات بالفروه وجولات بالبشت
ياواثق الخطـوه ورايك سديدي

ياقايدٍ بالشرق الأوسط وله عشت
عــزّ وذرى' للـدّار عُـمـرٍ مديدي

هذا الربيع اليعربي روحه أنعشت
ما هـو ربـيـع مخـادعيٍ مريـدي
#أبوراكان

[ابراهيم العواجي @AboRokn]

@SaAlenzy نوح الحمـامـه بعشرتهـم يذكّـرنا
وجرّ الربابه بقوس العازف الضاري

عسى مقابيلنـا تجبـر خواطـرنا
تطربنا الأيام ويرجع عزف الأوتاري
#أبوراكان

[ابراهيم العواجي @AboRokn]

@SaAlenzy صح بدنك ومبدااك وابداااعك
ولاعليك زود ياسعود

[ابراهيم العواجي @AboRokn]

@fawaz1379s وادعو في ليلة السبت والليلة ربوع
ماقدرت أنسى وزوله على بالي طرى

جعل ربي يجمع الشمل وتزين الطبوع
وآعذاب القلب وإن غاب جرحه مابرى
#أبوراكان

[ابراهيم العواجي @AboRokn]

@fawaz1379s مادامنا نكسب التقدير والإحـترام
نكتم ونحشم وبعض علومنا غاديه

اللي يجاريك بدروب الهوى والغرام
يحتاج صبرك عليه ورفقةٍ هاديه
#أبوراكان

[ابراهيم العواجي @AboRokn]

عزّي لقلبٍ من همومٍ يزيدنّه جراح
بظروفه اللي ما توقعها ولا يختارها

ودّه بفزّة حـرّ لكنّ مكسور الجناح
لاحامت طيور السماء واتْجملت باحرارها

نفسه على شوف الفياض الخضر صايبها شفاح
خطرٍ عليها من توجّدها تبوح أسرارها
#أبوراكان
#ربيع_2024_2025
تصوير وإخراج #وبل_الحيا

[ابراهيم العواجي @AboRokn]

عسى القصيداللي يترجم شعوري
بوحه يجملني مع الناس ويذيع
واذابغيت القاف يطرب ضروري
أرقى على رجمٍ أو بطعسٍ أو ريع
أبعد عن العالم وزحمة مروري
وأخايل السّحب الثقال المطاليع
البيت خلف البيت يرضي غروري
يبْردعلى صدري من الهمّ تلويع
همٍ سبب غروٍ لعوبٍ جسوري
حبّه يخج أقصى الحشا له ترابيع