لو تذبحين الشعور .. وتذبحين الحماس
العشق ماله حكم ثابت .. وكاتب عدل
تبرد على كلمة لسانك جميع الحواس
لو كان .. ليلة وصالك " جوّها معتدل "
جمال وجه و دماثة خاطر وطيب ساس
مافيه قبلك ولا بعدك .. شبيه وبدل
أنتي جمالك لكل الغيد " وحدة قياس "
حتى جديلك ! مع العالم يثير الجدل
لا على عيني غشاوة ولا وجهي قناع
مقتنع في حجم علمي وفي حجم جهلي
البشر فيهم هوامش ومن سقط المتاع
ما لهم تأثير واضح على مستقبلي
والحياة ، و مجريات التلاقي ، والوداع
خضت لي فيها تجارب وجيت بما يلي
يوم فضّلت أنعزالي .. على كل أجتماع
أسترحت وصارت الراحة ألزم ما علي ..
بتصد صد ورح لا تمتحني
مصيري أبنساك مهما تعلقت
��نت أتضايق منّك لاغبت عني
والحين لو غبت الدهر ما تضايقت
مابي أقول الوقت ماخذك مني
أنت الذي قفيت فجأه مع الوقت
الظروف اللي أبد ما تنتواجه
كنت أروّضها على عز انزعاجي
يوم ليل الوصل يعميني عجاجه
ما لقيت إلا من العين أبتهاجي
أثر في رجلك على دربي عواجه
لو تسّهلك وسيعات الفجاجي
حط في بالك ترا عنق الزجاجه
قد تعّديته يابو برجٍ زجاجي ..