خطيت فيـك اشعار ماقالهـا انسان
وكتبـت فيـك ابيـات ماحــد كتبها
ورسمت لك لوحــه بها كل الالوان
من قبلـــي الشُعار ماحــد رسمها
ياحـب قلبــي فيك ذايب وولهان
والروح ياروحــــــي غرامـك نهبها
وعشقك تملك داخلي كل شريان
حتى العظام الي بجسمي سكنها
ويــن الذي غايــب عن العـين يا ناس
اتفرمت احساسي معه في غيابه
بُعده هدم بالعقل فكري والإحساس
والقلب يشكي يا رفاقـي عذابه
أمنتـك الله لو معــك قلــب حساس
إرفق بعا��ق ذاب ماحد درابه
أمسـي أفكر فيـــك واحـس باليأس
واتخيلك في وهم قاسي سرابه
خليـك متواضـــــع ولا تجـــــرح الناس
جــرح البشــر ماله دواء في المشافي
راعي شعورالناس من طيب واحساس
وعامل جميع الناس من قلب صافي
واسمع كلامــي وابعد الحقـد والياس
ولا تنزعـــــج مـــن كل انسـان هافي
وان جاك من يــد البشـر جرح لاباس
اصبــــر وعند الله جميـــع العوافي
يا هاجســـــي بالله تعطينــي ابيات
في هــذه الساعــــه وسجــل بياني
وارجوك زخرفهــا بأجمـل عبارات
واطيب مشاعر صادقـه من كياني
��دي اوزعهـــا على شكـــل باقات
لكل من له قــدر عنــــدي وشاني
وفوقها اطيب سلامـي من الذات
واجمل تحيةمن صميم المحاني
أنثـر شعـــوري لك قصايــد بالاوراق
وارسم لك احساسي بريشة مدادي
واهديك يامـن تسكني بين الاعماق
أبيـات عاشــــــق نابعـه من فؤادي
دونتها من قلـــب غــارق بالاشواق
وخفــوق فيها شــوق غير اعتيادي
واحساس واله يرتجي ضمة إعناق
وشعور ذايب في الجفاء والبعادي
تدري احبك حـب زايـــد على الناس
واحبك اكثــــر من محبـة حياتي
ربي زرع حُبــك بقلبي من احساس
وزرع غرامـــك في كياني وذاتي
فطره من الله مابها سحر طلماس
ولاهو مجرد هــرج قاله شفاتي
حُبك وربي في الحشا ماله اقياس
ولااستطيع احكيه في مفرداتي
ليش انت غيــر الناس في كل الاطباع
وغير البشــر فـي كل ميـــزه وخصله
راقي وطبعك حلووو في كل الاوضاع
ووصفــك اخــذ زيــن الاوادم وشله
اروع بشر شفته على وجــه الإجماع
واطيب بشر شفته بهـا الكـــون كله
واجمل بشر حبه سكن بين الاضلاع
واحـلا بشر حـــل الحشــا واستحله