سعود احمد سعود الهدية

[احمد الجدعان @qer_21]

يا رفيقي بعد دجنا وساع الدروب
ولا شكينا مساريها ولا حرّها

صاحبك لاهو منافق ولاهو كذوب
مير بقعى تفره يوم .. ويفرّها

تدري انه عن اكبار المواقف ينوب
وتدري انه يسر الناس ويضرّها

عايشٍ فـ الحياه وغارقٍ فـ الذنوب
اللي اتشب فيني نار .. واتكرّها

صرت ادور عن الواقع وسيلة هروب
ودي ان كل لحظه مره امرّها

لا تعاتب وانا عبدً عجز لا يتوب
عن هوى اللي يباري خيرها شرّها

جادلٍ كنها الريم الجفول اللعوب
لا مشت تسحر اللي زينها غرّها

غربتني شمال وغربتني جنوب
كل ما قل شوقي .. ترسل اصورّها

بنت من يارد العد القراح الجذوب
فتنةٍ تستحق .. بـ قلبي اصرّها

كل ما درجت خطواتها دوب دوب
ما تمنيت غير اذوق محمرّها

كن ربي خلقها من نسيم الهبوب
جعل ربي يقويني على برّها

حالفٍ لـ اقضي الايام معها طروب
واتصايد هواها لين ما اسرّها

المحبه دوى الانفس وطب القلوب
ومن تجرع حلاها ما شكى مرّها

[احمد الجدعان @qer_21]

ذعذع علي يابارد النسناس واعطيك الحصيل
عصما من يدقق على مضمونها ما عافها

من ناتج احساسي ومن توديع منسوع الجديل
ومن ضحكةٍ حاولت ابيّنها ولا احدٍ شافها

البرق يبرق فـ السما والسيل فـ الوادي يسيل
والناس لو نعرف نواياها نخاف اجحافها

سود الليالي عرضتني لـ الكثير ولـ القليل
وما فيه احد لا مرته سود الليالي طافها

بنت الرجال اللي مواردهم قراحٍ سلسبيل
اللابه اللي تحتمي لا وقفت ميقافها

عطيتها من صادق الاحساس فـ الليل الطويل
اللي خذاها لين خلاها على مشرافها

اشوفها اخر درب لـ الفرحه ولـ الجو العليل
ولا ردها عن وصلي الا سلومها واعرافها

تْعرف مضمون الشعر وتحب مردود الجميل
وتسير لاكن ما تسير الا مسير اسلافها

معها تجاوزت الصعايب لين جبت المستحيل
احبها واحب اعاديها واحب انصافها

راحت وانا معها بعد روّحت لـ بحور الخليل
اليا متى وانا طواريق الفراق اخافها

اللي عليها ما توقف لـ السفيه ولـ الذليل
واللي علي ادعي لها واشيل حمل اكتافها

ليه الوداع اللي ماعقبه غير دمع وضيق ليل
الله يسامحها لا قفت ما تلد اخلافها

ماكنها الا يوم تدفعها الخطاوي لـ الرحيل
قصيدةٍ سويت مطلعها وشيّب قافها

[احمد الجدعان @qer_21]

رفيق المساري ودي اغيب عنك وكفّ
مشاريهك اللي ما سفى فوقها السافي

بقفي عن اسفاف المواقف وعني قفّ
ولا عاد اتحرى رجعتي عقب منكافي

انا صاحبك عند النوايب ملاذ وضفّ
وعند الرخى سلم على وجهي وكافي

مع اني لقيتك راسٍ اصوك ووجهٍ عفّ
وصدرٍ يضم اسراري ويحفظ اعرافي

ولاكن عجزت اللقاك غايه واشوفك شفّ
واحطك على يمناي وارقى لـ مشرافي

ادفّ الدقايق كل ما جيتني وادفّ
ملامي على صبري ووزني على قافي

[مرزوق الحبيني @malhubaini]

إن لله ما اخذ وله ما اعطى وكل شيء عنده بأجل مسمى
بقلوب مؤمنة بقضاء الله وقدره
انتقلت الى رحمه الله تعالى والدتي
( ام مرزوق )
وسيوارى جثمانها الثرى يوم الثلاثاء ٢٠٢٦/٦/٢ بعد صلاة العصر في مقبرة صبحان
إنا لله وإنا إليه راجعون

[أبواب @upwaab]

وله هذه القصيدة المميزة التي يرسم لوحة ليلية مليئة بالمعاني

أمسيت مثل الذيب بايت من القوا
في ليلةٍ غدرا ولا ينسرى بها

لاعطّله ريحٍ من الضان والم
دون الغنم حده تنيبح كلابها

لَحس شدوقه عقب الاياس وانهزم
مع طفةٍ حامن تصيوت ذبابها

وخلاف ذا ياراكبٍ فوق دارب
وسيعة نحر ماهي بحشكٍ..

[أبواب @upwaab]

وهنا قصيدة مؤثرة يناجي بها ربّه.. بتسلسل ايماني رائع يدلّ على اطلاع وفهم شرعي،
رحمه الله وأسكنه فسيح الجنان

[أبواب @upwaab]

سعود بن كليب الهدية
من مواليد الكويت ١٩١٩ تقريباً
وتوفي رحمه الله عام ٢٠٠٣
وكان شاعر نظم ومحاوره اشتهر اسمه بالكويت وماجورها ، وقد بدأ نظم الشعر مبكراً وعندما بلغ عمر الـ 19 عاماً شارك في محاوره معروفه امام الملك عبدالعزيز بن سعود رحمه الله

[أبواب @upwaab]

وقال سعود بن كليب الهدية هذه القصيدة عقب الحرب التي خاضتها مصر ضد الحلفاء عام 1956 والتي سميت بحرب العدوان الثلاثي
والقصيدة من ضروب بحر الرمل الذي يستخدم في فن الفرينسي الشعبي المشهور في الكويت
وهي قصيدة تؤكد تفاعل أهل الكويت مع الأحداث التي تمر بها الأقطار العربية

[أبواب @upwaab]

قصيدة للشاعر الكويتي سعود بن كليب الهدّية رحمه الله في اليوم الوطني سنة ١٩٦٤ في حكم الشيخ عبدالله السالم
من برنامج صفحات من تاريخ الكويت 🇰🇼
و ابن كليب علم من اعلام الكويت كانت له صولات وجولات في الشعر ، ثم قرر ترك الشعر والانكباب على العبادة وتعليم أبناءه العلم الشرعي

[احمد الجدعان @qer_21]

راح ثلث الليل ماجاب الهجوس العذب طاري
والعيون ارخت هدبها لـ الشعور ولـ الطبيعه

من شهر بيني وبين اهل الشعر عازل حراري
كنه العازل مابين اهل الفتن واهل الشريعه

الحبيب اللي حداني للخ��ايم والمساري
ليت ما بيني وبينه قوم وحصونً منيعه

من كثر ما جبت فيه ابيات من صدري عواري
صرت كني من تلاميذ السقيم ابنُ ربيعه

كيف يبعد عن هواي وليه يرحل عن دياري
والوصال تمر لحظاته على العاشق سريعه

ياحبيبي كل ما طال الهجر طال انتظاري
لا تخليني متيّم وصل ومتيّم قطيعه

ليه ودك تكشف المستور وتشوف انكساري
من يبيع اغلى سنين العمر دونك لا تبيعه

كل قلبً غير قلبي عرضه شهب الغداري
وكل شورً غير شوري فـ المحبه لا تطيعه

لك علي اني ماصد ان جات من دارك طواري
ولي عليك انك تحفظ اسمي مثل حفظ الوديعه

لا تصدق كل من قال المحبه ذنب جاري
وانت وصلك يانديم الروح من باب الصنيعه

لو تصنعت الفرح للضيق فـ عيونك مواري
ادري انك مابعد خليت لوصالي ذريعه

كيف ادور لـ الجروح الخضر دكتور استشاري
ما لـ جرحي غير خصرً ظامر وعينً وسيعه

[احمد الجدعان @qer_21]

يانديمه كل شورً غير شوري غادي
جنبي هرج السفيه وخيبي له ظنه

وجهك اللي فيه من لون الحياه الهادي
مستحيل ابدله في وجهً احلا منه

لاتحاوطك الشكوك ان وقفو حسادي
الاكيد ان العذارى نار وانتي جنه

الحياه اللي تخلي كل فارق عادي
ماتخليني امل الوصل وابعد عنه

[احمد الجدعان @qer_21]

اخذ العلوم اللي من العين لـ العين
ومن تحتها حط الخطوط العريضه

كل عام والحب الحقيقي علي دين
ينساق لك مثل الزكى والفريضه

[احمد الجدعان @qer_21]

مدري عقب طول المفارق وش اجيب
كل التفاصيل القديمه مليحه

تاخذ من احساسي عذوبه وتركيب
واصبها ما كن نفسي جريحه

قصيدةً منها لاجيت المعازيب
ماجنبوني عن لسان الذبيحه

يا فاتنه .. لا راح ليلي مواجيب
المرجله ماهيب ذنب وفضيحه

عزمي يعديني طوال المراقيب
وعيني تعرف المخطيه والصحيحه

ماقد نسيتك لو نسى سالم كليب
الذاكره في كل حاجه صريحه

الشوق باقي لو تغيب المناديب
والوصل قفى ياعسى الله يبيحه

حفديت اهل المرجله والت��احيب
واليا قبسّت مادورو لـ النصيحه

عذروبها ما تقبل الميل والعيب
وتزعل لاشلت مْن الجهاز الشريحه

يفوح من مجدولها المسك والطيب
ويهبّني لا جيت لـ الدار ريحه

بنتً ما يلحقها قصور وعذاريب
ماهي من المترديه والنطيحه

اليا مشت تكحل عيون الرعابيب
ما كنها الا من بنات القريحه

[احمد الجدعان @qer_21]

الوداع اللي .. مغيّر حالتي من تالي
حطني فـ الليله اللي واهني راقدها

يا نديمً غيبتك مره ووصلك حالي
الليالي دون وجهك فالحزن عاقدها

لاتل��ت في حكي ( عذالك وعذالي )
المحبه ما يزعزعها حكي ناقدها

ماقدرت انساك واعيش الحياه لحالي
فاقدك والضحكه اللي فالقى فاقدها

[احمد الجدعان @qer_21]

عسى الصيّب اللي لاح برقه وغيثه سال
ثعوله .. تبل ضلوع صدري وخفاقي

ياعادل .. لو اوقف دقيقه على الاطلال
لاتبحث خفاي وتنبش الجرح بـ اعماقي

لي شهور وضعي ما يسرك وحالي حال
عسى عمري اللي ��اح ما يشبه الباقي

تجلا الحزن من يوم فكر ، وقام ، وقال
مصيرك عقب كل الغلا تونس فراقي

تشاليت من باب المكابر ووسع البال
ماودي تشوف الضيق ربعي وعشاقي

حبيبي بعد زاد المعاتب وفقدك طال
وش اللي يردك عن ملاقاي وعناقي

يا زين اللقى عقب الغرابيل والترحال
دقايق ويمطر حبي وفايض اشواقي

احبك واخاف افقد جنابك وانا رجال
اشوفك حياه وزين مبسمك ترياقي

لو انك نسيت الحب والشوق والغربال
تذكر مراسيلي .. وعهدي وميثاقي

يا ملح القصايد لك ضلوعي ذرا وظلال
لهلحين مع طول الجفا منزلك باقي

ماخفت الحزن لو حط له فـ الصدر مدهال
انا اخاف ينزل دمع عيني من احداقي

[احمد الجدعان @qer_21]

ودي اني عن طيوفك كل ليل مغيّب
الل��الي كلها موضوعها موضوعك

وين مالقيت وجهي نوض برق وصيّب
والمطر يحيي مشاعر ساكنه بـ ضلوعك

الطروق النخبويه مستحيل اتعيّب
راسي الطيّب وصيتً ما جهله ربوعك

كل عاشق لا سمعها قال طيّب طيّب
وانت تسمعها وكنها ما تمر سموعك

شاعرك من عينك الثنتين قافه شيّب
مايجيب الا القصيد اللي يغيض جموعك

السنافي لو نحطه في محل الخيّب
الكرامه ما نخليها تحت كرسوعك

ليه تبعد وانت دايم في هواي قريّب
ماتوقعت الدروب اللي تجيب تروعك

والله ان البعد موحش والفراق يهيّب
كل يوم اضماك وارقب جيتك واجوعك

ما قدرت انسى الليالي كلها واسيّب
طيفك اللي ماخذً وجهك وزين طبوعك

لا تدور من عقب صدك .. كلامً طيّب
مامعي غير الكلام اللي يجيب دموعك

[احمد الجدعان @qer_21]

تغيب الشمس ويضيق الخفوق الواسع المزّاح
ويبين الشوق فـ عيون الهواوي لا سرى ليله

ثلاث شهور ما غنيت فـ الساحه وسدي باح
اشوف ان القصيد اصغر من شعوري وتاؤيله

مواويل المحبه .. لا تجي ناتج خرز مسباح
وانا شاعر كتب من حر عبراته مواويله

يا غايب والشعور اكبر من التعبير والايضاح
دخيلك .. لا يسيد اليأس ويشيّد مداهيله

قناد الشوق في صدرك ياملهوف الحشى مافاح
وانا راسي ما يخوى غير من رشفت فناجيله

تعال اكسر قيود الصمت واصنع للوصل مفتاح
بعد طال السكوت وفاح شوقي بنّه وهيله

يموت الحب في جوف المشاعر والغلا ينزاح
لا ساد الصمت مضمون الكلام وقلّت الحيله

تغلا دام برّاق المفارق فـ السما ما لاح
يجي لك يوم وتشوف الهجر دكت هماليله

تمادى في غيابك واترك الماضي وعشّ مرتاح
مصير الحب لو تنساه ما تنسا تفاصيله

[احمد الجدعان @qer_21]

كل ما ذعذع نسيم وسال سيل ولاح بارق
جتني اللي يختلط مع زينها الطاغي عذوبه

بنت فكرٍ تسرق الالباب وتجيب البيارق
في ذراها كل بيتٍ يطرب الشاعر تنوبه

ياحبيبي والدروب اللي بدايتها مشارق
تنتهي لاطاح قرص الشمس وابدا لك غروبه

والله أني ماكرهت الا اللقى عقب المفارق
ساعةٍ تمشي دقايقها مع الليل مْغصوبه

يوم لديت النظر .. وعيونك النجّل تغارق؟
راحت ضلوعي حطام وضاقت البيد الرحوبه

لاتعلقني بـ غبة موقك وعينيك غارق
وانت ذنبٍ ماقدر قلبي من اللهفه يتوبه

اقتل الصمت وتكلم دام غصن الحب وارق
لو يموت الحب راحت معظم عروقي شحوبه

صار حبك مثل بيتٍ يحسبه راعيه فارق
كل ماعاد النظر في حبكته زادت عيوبه

[سعود احمد سعود الهدية @AlhdyhS]

@ahmd_an2427 صح لسانك يبو ماطر

[احمد الجدعان @qer_21]

يانديمي وانت ما دمت للخافق نديم
عذرك الوارد لـ قلبي دخيلك صدّره

شمت من طيش المحبه ووالله العظيم
لا اعتلى فوق الكرامه حبيب احدّره

كان ما قدّرت الايام والجرح السقيم
شوقي اللي من صميم الحنايا قدّره

التفاصيل القديمه وذعذاع النسيم
تستفز الخاطر الطّرب لين تكدّره