مواطن بائس

لستُ لاعباً ولا بديلاً ولا حتى في المدرجات. مجرد متفرّج بائس يتابع مهزلة الوطن من وراء الشاشات.

[مواطن بائس @Ali1985iraq]

القليل من يقول الحقيقة عن الذي حدث بالامس عندما حاول الزيدي مداهمة مقرات لكتائب حزب الله
الحقيقة هي ان جهاز مكافحة الارهاب والجيش العراقي وكل صنوف القوات الامنية لن تشارك في مواجهه مع المليشيات رغم كل محاولات تصوير العكس
وكذلك الجانب السياسي المتمثل بالاطار يرفض المساس بالمليشيات ويطالب بالحوار معها
وحتى الجانب الاجتماعي والديني لا يريد هذه المواجهه ان تحدث بحجة القتال الشيعي الشيعي
لم يعترض احد على المواجهه مع التيار الصدري في ٢٠٠٧ فقط لانهم تيار صدري تم السماح للحكومه بمواجهتهم
لذا اي كلام عن مواجهه قريبه ونزع سلاح الخ هو صعب المنال وللحديث بقيه .

[مواطن بائس @Ali1985iraq]

البارحه الاوردر جان علجماعة نشرو الفيديو مال مكافحة الارهاب
تالي ٨ نفرات من الكتائب طردوهم من الجرف والحقيقة مو طردوهم بس الجهاز ماراح يتواجه ويا المليشيات ولا الدولة ولا الجيش راح يواجههم لان المجتمع رافض المواجهه
المرة الوحيدة الي واجهت الدولة بيها المليشيات ب ٢٠٠٨ بصولة الفرسان جانت لان العدو هو التيار الصدري المكروه من قبل المجتمع الشيعي وماراح تتكرر نقطة راس السطر .

[مواطن بائس @Ali1985iraq]

@NassarWisam @AbdulaAlnajjar ههههههه الخبير الامني صبحي الحلاق

[مواطن بائس @Ali1985iraq]

ابودرع اسطوره مبالغ بيها بشكل كبير وهو تقبل هذا الدور وحتى التيار عاش اللقطه بوكتها باعتباره دافع عن المذهب وبغداد الخ
حسن سالم قائد لواء بغداد وضياء الحلفي ومهدي الكناني واسماء اخرى اغلبها عصائب او الفرق الخاصه هي من قادت هذه العمليات لكن لا يذكرهم احد وصورهم كمطلوبين على جسر القناة كانت شاهد
محاولات شيطنه التيار الصدري لا تقل عن محاولات شيطنة السنة ومن نفس الطرف وبنفس الحجج
واتفق معك ان الضرر على السنة اكثر بكثير من التيار .

[مواطن بائس @Ali1985iraq]

هو تهريب نفط وتقارير وصور وحرب اعلامية بين العصائب والكتائب شدخل التيار بكلشي نابصي
اسرائيل تكتل نصرالله خنك تسبون مقتدى
خامنئي يصير مخلمة تسبون الصدر
سوريا راحت وراحت وياها فلوس الحشيش وانتو تحجون على مرجع الحملة الايمانية
هسه العصائب تسرب معلومات للعربية واتتو هم تسبون بمقتدى شطلعت هاي الطلابه

[مواطن بائس @Ali1985iraq]

@Banjamiin الحناحنه بحياتكم عدكم مضاهره وحده هي بلنجف ضد جيش المهدي بل ٢٠٠٤ وراها نمتو نومة اهل الكهف بس بتشرين من اختلفت ويا التيار طلعتو حتى تسبون ابو مقتدى ورجعتو نمتو ليومك هذا تعلمونا ببكم يا تضاهرات بعد مطلعين جم معمم تبتزون العيداني حتى يطيكم عقود اكو غيرها .

[مواطن بائس @Ali1985iraq]

@ZahraaJa96 كل هذا الكلام مال شهداء وضحايا والشماتة المبالغ بيها الخ هو تنفيس من طرف خسر كل قادتة بضرف سنتين ومكدر حتى يلكى جثثهم بعد ان جانو يحكمون لبنان وسوريا وغزه صفو بس بالعرلق وبلكفخات مال توم باراك خلا حتى حدودهم يسدوها ويفتحوها بمزاجه
هاي كل القصة من الاخير .

[مواطن بائس @Ali1985iraq]

التعليقات في هذه التغريدة قمة النفاق واستخدام البكائيات مثل دماء الشهداء وثار الضحايا الخ فقط للشماته من مقتل شخص قال لايران لا قبل ١٢ سنة هذه هي المشكلة الاساسية
والا اين المطالبة بشهداء حادثة الدورة وقبلها البوعيثه ومئات الحوادث التي تسببت بقتل جنود او شرطه من قبل المليشيات من ٢٠٠٥ والى يومنا هذا
الا تتذكرون صور قادة العصائب المطلوبين في تهم قتل جنود معلقة على سريع القناة في ٢٠٠٦ وغيرها الكثر وللحديث بقية .

[Zaidon Samir @ZaidonSameer]

ترجّل الفارس عن صهوة جواده.…

رحمك الله يا أبا طلحة، يا صوت الحق، نسأل الله أن نكون من السائرين على دربك….

شهيداً سعيداً بأذن الله….

[مواطن بائس @Ali1985iraq]

@Banjamiin على اعتبار صور السيستاني مشاريع استراتيجية لو الحوزة مالتك بيها علماء فلك وذرة
عجيب حقدكم صار ٣٠ سنة علمود مكتبة وجامعه ماتكدرون تنسون شنو هالحقد الاسود .

[مواطن بائس @Ali1985iraq]

هاي كلاوات مال جارة على مزاجكم
السعودية هم جارة وتسموها التعوسيه
سوريا جارة وتسموها سوريا المحتلة
الاردن جار وتسموها بلاد قوم لوط
الكويت جارة وحسب علاقتها ويا ايران اذا زينة هي جارة ومحترمة واذا اختلفت ويا ايران تصير مملكة ال صباح الي تريد الشر بالعراق الخ
تركيا نفس الشي اذا زينة ويا ايران خوش دولة ونموذج ناجح للحكم الاسلامي واذا تخاربت ويا ايران يبدي التمسلت مال قردوغان والعثمانين
بس ايران عدكم جارة ان قامت وان قعدت من الاخير

[مواطن بائس @Ali1985iraq]

@iamiLaythDad2 نفس الملل صار ست اشهر بعد تكليف ايزنكوف صار صعب كلش يصير هجوم
ترامب اسهل رئيس بالنسبة للمحور في زمنه كضاها بس وساطات ومفاوضات
لاهو انتصر بالحرب وصار بطل حرب ولا هو فاز بنوبل بالسلام الي كتل روحه عليها وضيع المشيتين

[مواطن بائس @Ali1985iraq]

@ezet_khali28140 اي لان الخلاف صار كبل جم يوم على دعابل وينحل بالعودة الى الخيمة
من احداث ايران بل ١٩٩٩ الى يومنا هذا مابقى شي ماصار اغتيالات سجون تصفيات جسدية ومعنوية تشويه لصورة لقائدهم ومرجعهم
منافقين

[مواطن بائس @Ali1985iraq]

الاقتتال الشيعي لا يشمل التيار في تفكيرهم
حتى قدسية المراجع عندهم تتراجع عندما تصل الى مرجع الصدرين والد مقتدى
المشكلة الكلام ليس فقط للساسة وانصارهم وانما جزء كبير من المجتمع الشيعي هذا تفكيرهم
مثلا لا زالو الى اليوم ينسبون للتيار قتال القوات الامنية في صولة الفرسان وغيرها ويستنكرون هذا الفعل ويعيرون الصدرين به
وصمتو صمت القبور عندما اشتبكت الكتائب مع القوات الامنية لاكثر من مرة
ولم يتكلمو بحرف واحد عندما هاجمت المليشيات الخضراء بلمسيرات والشفلات وحاصرت رئيس الوزراء
وفي نفس الوقت جن جنونهم عندما اقتحم التيار البرلمان بحجة تخريب القنفة مرة ومرة بحجة ربط الابقار امام البرلمان
منافقين بدرجة امتياز وللكلام بقية

[مواطن بائس @Ali1985iraq]

ترفضون النقاب لان وحده سنية طلعت لابسته هاي امها وهاي ابوها بلا هالحركات مال التلزك بلعلمانية وسوالف جواد الخوئي وحوزة لندن صارت قديمة ومتمشي بعد على اساس النقاب تكفير لان السنة تكفيرين ويسون كذا وكذا
باجر هم يطلع واحد يحجي على العباية بحجة ان الي يلبسها مقتنع بالقتل الي صار بسوريا والعراق وايران الخ
من حق اي شخص يلبس ويعتنق ما يشاء
على اساس تسمون نفسكم صفحة ليبرالية علمانية وبعد هذا المنشور يثبت لا تختلفون عن غيركم من جماعة المرجعية منافقين تدعون شي وتؤمنون بغيره عدكم العلمانية عدكم غطاء يستخدم ضد طائفة معينة وطائتفكم يحق لها ما يحق لغيرها
وهذا قمة التمسلت

[مواطن بائس @Ali1985iraq]

ترفضون النقاب لان وحده سنية طلعت لابسته هاي امها وهاي ابوها بلا هالحركات مال التلزك بلعلمانية وسوالف جواد الخوئي وحوزة لندن صارت قديمة ومتمشي بعد على اساس النقاب تكفير لان السنة تكفيرين ويسون كذا وكذا
باجر هم يطلع واحد يحجي على العباية بحجة ان الي يلبسها مقتنع بالقتل الي صار بسوريا والعراق وايران الخ
من حق اي شخص يلبس ويعتنق ما يشاء
على اساس تسمون نفسكم صفحة ليبرالية علمانية وبعد هذا المنشور يثبت لا تختلفون عن غيركم من جماعة المرجعية منافقين تدعون شي وتؤمنون بغيره عدكم العلمانية عدكم غطاء يستخدم ضد طائفة معينة وطائتفكم يحق لها ما يحق لغيرها
وهذا قمة التمسلت

[البصرة – Basra Today @basratoday__1]

نحن لا نخشى النقاب بحد ذاته، بل نخشى الفكر الذي تتبناه بعض مرتدياته. فالمرأة التي تصل إلى قناعة ارتداء النقاب لا بد أنها، خلال رحلتها الفكرية والعقدية، مرّت بسيل من الفتاوى والتأويلات التي تشكّل جزءاً من هذه المنظومة، ومن أبرز القناعات التي تتبناها بعضهن: الحلم بإعادة الخلافة، وتكفير الشيعة والأشاعرة، بل وتكفير العالم بأسره، والمطالبة بفرض الجزية على المسيحيين وغيرهم.

فمن تصل إلى ارتداء النقاب انطلاقاً من هذه القناعات، فإن المشكلة بالنسبة إلينا ليست في قطعة القماش، بل في منظومة الأفكار والمعتقدات التي تتبناها وما تنطوي عليه من إقصاء وتشدد.

وما يعزز هذه المخاوف ويدعم حجتنا الحملة التي شنتها أبواق الجزيرة وإسطبلاتها الإعلامية، إلى جانب منصات جماعة الإخوان المسلمين، وما تقدمه من دعم لهذه الفئات.

فالمسألة ليست خلافاً حول لباس أو مظهر، بل حول منظومة فكرية وعقدية كاملة.

[مواطن بائس @Ali1985iraq]

طبعا صعبة عليك وعلى شكولاتك كلمة حب الوطن تسويلك حساسية
يعني واحد مثلك منافق عايش بامريكا ويحب ايران وسليماني بالمواقع وبالواقع من تشوف جندي امريكي يخدم بالجيش الي شارك بكتل ربك الاعلى خامنئي تتلوكله وتكله شكرا لخدمتك
يعني رواية حب الوطن من الايمان ضعيفه وصعبة التصديق بس رواية الخوئي كال لصدام ذوله غوغاء يقصد الثائرين علضلم هاي لازم نصدقها
شنو هالزبايل لخاطر الله

[مواطن بائس @Ali1985iraq]

@iamiLaythDad2 ههههههه اقوى شي مال تغير ديمغرافي بالعمارة
اذا اكو محافظة اسطورة بالتغير الديمغرافي هي ميسان والدليل بكل الوسط والجنوب موجودين سكان اصولهم من ميسان
والاخ يكول صدام راح يغير ديمغورافية ميسان بجامع بلميت يصلون بي ٥٠٠ نفر هذا اذا فرضنا جدلا هو الي بنا الجامع

[مواطن بائس @Ali1985iraq]

@cat__97_ تريد تزرع شجر بكل شوارع بغداد وهي ناسية ان اغلب مناطق الرصافة وقسم كبير من الكره تعتبر مناطق منزوعة الرصيف بسبب المتر المقدس الي يصير مدخل للبيت والسيارة يطبكوها بلشارع وين بقى مكان نزرعلج شجرة

[مواطن بائس @Ali1985iraq]

عذرا هناك سوء فهم كلامي عن صاحب المنشور الاصلي وليس عنكي وذكرت ان قول ان الجالية المصرية صعدت نائبين والعراقين على الهامش هو خرط مع عدم احترامي وليس مع احترامي
لان الجالية العراقية في امريكا اغلبها كفاءات ويشغلون وضائف مهمة في المجتمع الامريكي
النواب الاثنين سواء السيناتور عبد الرحمن السيد في ميشغان او ادم حموي عضو مجلس النواب عن نيوجرسي لم تصعدهم الجالية المصرية بل قاعدة الحزب الديمقراطي سواء امريكان من اصول اوربية (البيض) او الامريكان من اصول اجنبية وهذا لايشمل المسلمين فقط بل الهسبانك والاسيوين وباقي الجاليات ومنها المسلمين