يا أجمل بشر من بعد يوسف عليه السلام
سلام والناس ترفق في محبينها
لو شافوا الخلق ماشفته علي الملام
ان كان ماتقطع يديها سكاكينها
الفتنه اشد من قتلي وعيب وحرام
وانتي مفاتنك تفضح لو تخبينها
عودٍ لاقام يتثنى قلت ماله عظام
لوكان فيه�� عظم ماكان ذا لينها
اسلم عليك اعجاب واكبار واستعظام
وسلامي لغيرك حق مسلم على مسلم
'
متى والكلام اصدق من الشعر والالهام
تمر الطواري كلها ما تقول اسلم
'
عن اللي تسويه اتغاضى قدر واكرام
ابريك واظلم حظي الزين وانت اظلم !
منصاك شيخ ماهوب يدور الشيخه
مواقفه مع بني عمه مشيخته
من لا تقيل ولا تمسى طبابيخه
مشغولة بين سالخته وطابخته
هذا يغادر وهذا فى مناويخه
الضيف واللى ظروف الوقت دوخته
غصون الشجر تبقى ضليله وهي يبّاس
وعدّ الروى ، لو يكثر الورد ماكمّل
يثمّن مشاريه الرياجيل . . . طيب ساس
على شآن قوله . . . ماتجمّل ولا جمّل
لو ان قيمه ، الفضه تساوى مع الألماس
ماشفت الذهب مرغوب والفضه تهمّل
مابين المزاج الصعب والخاطر الحساس
وانا في سبيل ، ارضى الطرفين متحمّل
ضعت بين المرحبا والهلا والشامتين
والاناقه ، والحلا ، والاصاله ، والنبل
..
العيون ا��وى من ام خمس ومن المارتين
والشفاة الين من الورد لا منه ذبل
..
لا حكى ودك يعيد السوالف مرتين
ولاسكت كنك تهايق على قمّة جبل
..
مالقيت اشرّ واخطر من التفاحتين
كب تفاحة نيوتـن .. وتفاحة أبـل
ذاك وقتً راح قد بينك وبينه حاجز
يوم انا من عالمي في طرد شفك لاهي
.
.
يوم عاد العذر ياتي منك وامره ناجز
كم نزلت لرغبة العذر الضعيف الواهي
.
.
مثل ما ينزل على الدكان عودً عاجز
لجل يرضي طفلةً ما الله عطاه الا هي