ما عرفت أقول وش كان في صدري إيلين
أبتديت أرسم حروفه ،وأصيغه، وأكتبه
أكره التفكير والشك وأحلام السجين
والردي واللي يسلم علي ب حاجبه
علميني .. وآنتي آخر محطات اليقين
ما يمل التساؤل .. سراب الأجوبه؟
علميني ليه الأحلام ��سخي بالسنين؟
والمطر ف أذهاننا والفيافي مجدبة
علّميني ليه أنا .. أكتب عن الشعر الحزين
والشعر أجمل نفوذ المشاعر وأعذبه
وأنتي أعذب قلب وأغلى وطن وأوفى ضنين
مروية حتى ظمى الروح …وأنتي ناضبة
غالبا ما توجد النفس في الذكرى حنين
للوطن .. للوقت .. للي مضى لي قاطبة
حتى ذِرَّ شتات قلبٍ.. عرف صاحبْه زين
عادةً يشتاق "للي "مضى" مِن صاحبه
ليه أحس أن كل ضحكة مع غيرك كمين
والوجيه أقراب…. وقلوبنا متغرّبة
المطر، والبرد، والمقبلين الراحلين
كل حاجة ماخذه من مواريّك؛ شبه
افتحي جنة يدينك .. أنا ما لي يدين
عيب أنا أكسر باب وصلي، وتمنعك عتبه
تعب ليل الأمل ��ارتاحت الهقوات
ولا عاد الصباح بـ حروة انسامك
حبيبي والسنين اردى من اللحظات
بعد ما مدّتك جت تسرق ايّامك
تجي مثل الجروح اللي تجي بسكات
واجي مثل الغرور ان ضمّ سلهامك
جهلت البعد لكن دلّت الخطوات
سكت و دمعتي ما ضمّت اكمامك
تعدّيتك وقلبي في مدى الغلطات
يعاتب كلّ شيء الّا انت ما لامك
غديت أوّل قصيدي وآخر الحسرات
وانا ذكرى مساك و مشرق احلامك
سمعتك يوم لحّنت الهوى اللي فات
تغنّي والحزن يرقص على أنغامك
ابتذكّرك لا عاش الشعور و مات
وتخيّلني اليقين بـ رحلة أوهامك
وما دام العمر مثل الفرص فوّات
أبلحق ما بقى وانت الحق اعوامك
ماكان عادي تجرح الروح وتروح
لو قلتلك من طيبة الراس عادي
بابي على كثرة خطاياك مفتوح
لو ش��تني عن عزة النفس غادي
علمتني إن الحب جارح ومجروح
وعلمتك إن الحب ود وتهادي
ملامح صورتك .. ذابت على جداري
واخاف يذوب طيفك .. من زوايا الدُور
عشان اسلى متى ما جابك الطاري
اروح اقراء عن الجنة، ووصف الحور
و اجي شايل كثير اخطاء لأعذراي
انا المخطي وانا العاذر وانا المعذور
تدور الأرض .. يومك أجمل اقداري
ولكن من تفارقنا .. معاد تدور!
حبيبي لاح بارق ذكرياتك في سما الآمال
وانا ارجي بالعمر ليله، سناك يمرّني فيها
بعد عتم الليالي والجروح وغربة الترحال
أمرّك بالمدى دار اندفن حلمي باراضيها
مصير الحي يتلاقى، ولو عمر المفارق طال
واشوفك في غروبٍ ياخذ الشمس من اياديها
القلب في غيبتك لا تختبر صبره
ولا تسمع الناس بس ابيك تسمعني
معقول ما خذت لك في مامضى عِبره
ما قلت لك في بداية عشقنا "طِعني"
جرحك تبيّن على الوجه وعلى النبره
الكل شافوه وانت تقول وش يعني
والهروب أحيان نوع من أنواع النضال
لا وطت رجلك طريق الضياع السرمدي
والعيون اللي هدبها ينادي للقتال
صوبتني باللواحظ وبيحّت جهدي
غبّ على كيفك، وأنا بين هقوات الوصال
أتحرى لك، وروحي على راحة يدي
كم تبعتك ما دريت إنك سراب
للمدى، لـ آخر محطات الزمن
يا حبيبي رحت وبعادك عذاب
وين ألاقي من بعد بُعدك وطن
ليه أذوق بـ موطني طعم إغتراب ؟
ليه أحس ان ثوبي الأبيض، كفن
يا ثقل دم الطواري والجواب
لا غشى الليل الشوارع و المُدن
شمعدان الصبر ولع لين ذاب
والطموح الشامخ العازم وهن
من دافع الشوق غنّ و جرّ طاروقك
لا تمهل الليل فرصة يكشف الخافي
تهوى ياقلبي و مجمول الهوى عوقك
لاصار عوده ليان و مبسمه صافي
قومي ، لا هلّ السحاب و بللّ عذوقك
مدّي ظلالك عليّ و عانقي قافي
دام النوارير تحتك و السماء فوقك
انتي جميلة و أنا موهوب و سنافي
عيّدي يا مذهبة عقل الهواوي
وانزلي قصر نظيره ما تشيّد
وقفّي بين الهقاوي والمناوي
واتركيني لا طليق ، ولا مقيّد
ㅤ
مبسمك صبحٍ على الأحداق ضاوي
من يشاهد ثغرك الوضّاح عيّد
ما علمّك صوتي تفاصيل الذبول
وان الاغاني تجمع المتفارقين
كيف اجتمع فيك التأمل والذهول
كيف الشعر انسان والانسان طين ؟
او علميني كيف يجمعْك النزول ؟
وانتي من اجزاء السما تتجزئين
غنّيتلك قبل الليالي لا تطول
مرّي قبل كل الوجيه العابرين
فصل الشتا طاغي على كل الفصول
كل الزوايا فيه مكتوفة يدين
مدّي من الاعذار عذرٍ له قبول
ولّا تعالي خطوتك عذرٍ سمين .