alshoog 26

🌹

[ثامر شبيب @ThamerShabeb]

أحـدٍ يغيـب ونـذكره كـل لـيله
واحـدٍ نشـوفه كـل لـيله وننـساه

ثامر شبيب

[ثامر شبيب @ThamerShabeb]

بعيونك الفرقا تلوّح من العام
اشوفها ، وامد يمنى وصالي

حاولت الم اللي بقى لي من حطام
ولا بقى لي بعدك الا ظلالي

مشيت مابين : الحقيقه والاوهام
في كل شارع كنت اشوفك قبالي

ساكت وانا في داخلي جرح والام
ماكنت لا داله ولا كنت سالي

وانا قبل ماخايل الطير لا حام
،، اودعه ،،، واقول : دوّر بدالي

من طاح من عيني من الناس ماقام
،، حتى لو انه كان : طيّب وغالي

ومن شفت كل اللي حواليك ظِلام
عرفت اني راح ابقى ،، لحالي

ومن صارت الدنيا تجيبك بالاحلام
عرفت انك باقيه ،، وسط بالي

روحي وشوفيني على الدرب قدام
تذكريني ،،، بعز سود الليالي

انتي بوجهي من صواديف الايام
لا ضاقت الدنيا بعينك تعالي ..

ثامر شبيب

[ثامر شبيب @ThamerShabeb]

طعنتني في لذة الحب بسكات
حتى بطعناتك عن الناس فارق

ﺗﻌﺎﻝ ﺍﻭﺻﻒ ﻟﻚ ﺷﻌﻮﺭﻱ ﺑـ ﻟﺤﻈﺎت
ﻳـﻮﻡ ﺍﻟـﺘﻔﺖ ﻭﻻ‌ﺡ ﻟﻠﺒﻌـﺪ ﺑﺎﺭﻕ

ﺍﺻﺪﻕ ﻣﻦ ﺍﻟﺪﻣﻌﻪ ﻋﻠﻰ ﻓﻘﺪ ﺍﻷ‌ﻣﻮﺍﺕ
ﻭﺍﻛﺬﺏ ﻣﻦ ﺍﻟﺒﺴﻤﻪ ﻧﻬﺎﺭ ﺍﻟﻤﻔﺎﺭﻕ

ثامر شبيب

[ثامر شبيب @ThamerShabeb]

سآمحتك العآم أنآ واليوم سآمحني
رآح أجمل الحب لآ تشرهه على البآقي

من علمك تدخل أعمآقي وتجرحني
علمني شلون أشيل إسمك من أعماقي

كان ابسط اللي يجيني منك يفرحني
لو تبتسم لي تطير أسرا�� خفاقي

عليك ياما سنين الشوق يذبحني
واليوم صعبه عليك تحرك أشواقي

لو كان لك قلب والا عين تلمحني
ماهان دمعي عليك بلحظة فراقي

خسرتني في يديك وكنت رابحني
ضحيت فيني وخابت هقوة الهاقي

تركتني للضما والقيض يلفحني
احتجت للما وقصر حضرت الساقي

بسالك لكن ابي منك تصارحني
عن شي واحد ، وركز ، واترك الباقي :

لو كنت مثلي ـ بهالموقف تسامحني ؟
وشلون اسامح وجرحك داخل أعماقي

ثامر شبيب

[ثامر شبيب @ThamerShabeb]

الحب ليه القلوب البيض يجرحها ؟
وانا مع الناس طيفه ليه يسرقني ؟

فيني احاسيس مدري كيف بشرحها
كتمتها عنه في صدري وتخنقني

اكتب رسالة عتب وارد وامسحها
ما ودي اضايقه لو كان ضايقني ..

ثامر شبيب

[ثامر شبيب @ThamerShabeb]

عجزت لا شيل العتب فوق كتفي
طوفت لك واجد على شان ماضيك

داريتك .. بشوقي وخوفي وعطفي
اهملت نفسي وللأسف كنت اداريك

مابي احس انك عن الناس تكفي
ابي احس إني عن الناس مكفيك

كم قلت لك لا تأخذ الناس نصفي
حاول تلم اللي عن الناس مغنيك

" مع كل تقديري وشكري ولطفي "
ا��مح لي ارحل وابتعد عن اراضيك

بقفي وإذا بتسأل : أنا ليه مقفي ؟
حبيت فيك أشياء ماعادها فيك

ثامر شبيب

[ثامر شبيب @ThamerShabeb]

تعبت اطمنك يا اغلا الناس وابرر
خاطرك ماينكسر كلي تحت امره

معاك للموت لا افكر ولا اقرر
يحلا له الشوك من ياطى على الجمره

اللي وصلته معك ماراح يتكرر
يعيشه الشخص مره وينتهي عمره ،

ثامر شبيب

[ثامر شبيب @ThamerShabeb]

اللي يشوفك شمس عمره ودنياه
اشرق عليه ان ظلم الكون دربه

يبيك لامن جاك ضايق من اقصاه
تمسح على قلبه ويرتاح قلبه

نادر تحصل شخص مثله وشرواه
تخيل ان حلمه : وجودك بقربه ..

من قبل لا تنادي على اسمه بتلقاه
طيّب وطيبه بالمحبة ،،، يغلبه

ثامر شبيب

[ثامر شبيب @ThamerShabeb]

يوم راحت !! راحت الدنيا بعدها
خلت احلامي وخلتني وراها

مابقى فيني شعور الا فقدها
من محبتها ، ومعزتها ، وغلاها

الحزن كنه مجمعته بيّدها
وانثرته بداخلي وجرت خطاها

ما لمع ببروقها ق��له : رعدها
من يلوم الغيمه ان شحت بماها

هاجرت مع هجرة الناس لـ بلدها
تحسب ان من هاجر دياره نساها

مادرت بـ ان الغلا ساكن جسدها
ردها نفس الطريق اللي خذاها

كنها يوم اقبلت جت بوعدها
مرت الدنيا ،، وجابتها معاها

ثامر شبيب

[ثامر شبيب @ThamerShabeb]

جمعت لك ايام عمري بدونك
/ متى بترجع لجل احاكيك عنها .؟

[ثامر شبيب @ThamerShabeb]

الناس لا تتغيَّر
الناس تنكشف

[ثامر شبيب @ThamerShabeb]

ان صدوا الناس لاتحزن على حالك ،
العيب ماكان في طبعك ولا أسلوبك
.
اسمع كلامي وحطه زين في بالك :
اللي يحبك يحبك انت بـ عيوبك !
.
خلك نجم لو خفاك الغيم ماطالك ،
لابد ماتلنفت ارقابهم صوبك /
.
ان طحت ماينفعك عمك ولا خالك
مافبه غيرك بيحمل متنه ذنوبك !!

#ثامر_شبيب

[ثامر شبيب @ThamerShabeb]

خسرتني واللي خسرني من الناس
/ بيموت ما يلقى من الناس مثلي ..

#ثامر_شبيب

[ثامر شبيب @ThamerShabeb]

أكبر قهر لا مر عمرك وفاتك ،
في حب شخصٍ مايعرف المحبه

وأصعب شعور تمر فيه بـ حياتك
ان طاح من عينك قدر من تحبه ..

#ثامر_شبيب

[ثامر شبيب @ThamerShabeb]

طبع البشر دايم تحب المقفي
أما الذي يقبل عليها .. تبيعه

#ثامر_شبيب

[ثامر شبيب @ThamerShabeb]

تحب لك ديره على شان مخلوق
ويكرّهك مخلوق واحد بـ ديره ،،

#ثامر_شبيب

[ثامر شبيب @ThamerShabeb]

شدو بدو قلبي عن ديار قلبك !
والبدو لا شدو عن ديار يبطون

واليا انشدوك الناس وش كان ذنبك
قول : البدو لا عافوا القاع يمشون

أقفت إركابي ما تبي عذب شربك !.
طبع الكرام ان شافوا الضيم يقفون

على الهماج ارد ولا ارد لـ عذبك !.
في سلومنا المقفين عيبٍ ير��ون ..

للشرق دربي ان كان للغرب دربك !.
ماعاد تجمعنا مدينه على الكون ..

راحل وتارك لك { غرورك و كذبك }
يمكن بقربك عن غيابي يسدون

ضيعت اجمل وقت عمري بـ جنبك !.
ضحيت يوم ان الحبايب يضحون

بس انت ما تستاهل أبقى بـ قربك !.
اشك ان لك قلب وإحساس وعيون ..

وقفت مثل السيف صامل بـ حربك !.
في موقفٍ حتى القرايب يصدون ..

ويوم الله أمن خوف قلبك ورعبك !.
خليتني مابين ضيقات وظنون ..

والحين ابرحل وانت ابخص بـ ذنبك
والجرح يتشافى مع الوقت ويهون

شدو بدو قلبي عن اديار قلبك !.
والبدو لا عافوا لهم قاع يمشون

#ثامر_شبيب

[ثامر شبيب @ThamerShabeb]

ماكان عذرك يملي العين لكن
انا ادوّر لي عذر لجل اسامحك ..

[ثامر شبيب @ThamerShabeb]

سقى الله زمانٍ زال وبالذاكره مازال
فداه العمر لو راح الاول مع التالي

قبل من عوايدنا نعشق السهر لا طال
معي بكل يوم وليله اقرب من اظلالي

تنام بعيوني فارعه ماعليها شال
سترها الغلا والخوف من عين عذالي

وفجأه بلا موعد صحينا على زلزال
اخذ كل شي ولا ترك غير غربالي

بقى بيننا يمكن تواصل بقايا وصال
تجيني بعد مده تدوّر عن اوصالي

مجرد سلام ومانسيتك وكيف الحال
هذا اخر الغالي وحقه وهو غالي ؟

واذا مر وقت ولا لفى منها مرسال
وبديت التفت عن حالها شوي في حالي

عن الوم والشرهه رسايل علي تنهال
من يدينها واحسها تسولف قبالي

يقولون : مايبكي على المقفيّه رجال
وانا اقول : جعل قلوبهم مالها والي

على وين ماراحت اسوق القدم رحال
اخيل المدى والدرب موحش وبلحالي

ادوّر حدر غيمة مواعيدها همال
ولا شفت منها غير موعد مع اهمالي

خلاص انتهينا مابقى للسنين امال
بعد ماقصر مرسالها مات مرسالي

يقولون : مايبكي على المقفيّه رجال
وانا اقول : جعل قلوبهم مالها والي

خلاص انتهينا مابقى للسنين امال
بعد ماقصر مرسالها مات مرسالي

هي الحين..! صارت راعية بيت وام عيال
وانا االحين..! مثل اول على خبرها حالي

#ثامر_شبيب
ثامر شبيب

[ثامر شبيب @ThamerShabeb]

انا من اللي مايخونون الاصحاب
وان غبت عنهم مايطوّل غيابي

وان شفتهم صدوا وجاء بيننا باب
أقول : لا ضاقوا يدلون بابي

#ثامر_شبيب