A.RaQI

[Hashim Tarek @hashim_tarek]

١- فجاعة الأيام و الأحداث دي والواحد محاط بالقلق على الأحباء بتقودني دائمًا لحكمة عطائية أصيلة بجد فيها متنفس من لهاث الواقع وبرجع فيها لحقيقة مرتكز التسليم لله عز وجل والخروج من عملية التشنيج والـ white knuckling

- أرح نفسك من التدبير ما قام به غيرك عنك لا تقم به لنفسك .

[محمد عز @zan_ezz]

أكتر مزايدة رخيصة بنسمعها من دعاة تدجين مقاومة الجنجويدي المحتل
هي إدعاء إن المطالبين بحسم الجنجويد هم دعاة للحرب وكيزان
ما كدا وبس بل بيطالبوا المنادين بعدم التفاوض إنهم ينزلوا الشارع ويحاربوا بنفسهم
تخيل إن المزايدة دي بتحصل من ناشطين قاعدين برة السودان
وممكن بذات العقلية المريضة دي نستخدم أسطوانة المزايدة الرخيصة دي ونقول ليهم ارجعوا السودان ده وواجهوا ميليشيا الجنجويد بتشريدها للآمنين وإهانتهم ونهب ممتلكاتهم في الشوارع
وبعدين وررونا رايكم شنو نتفاوض معاهم ولا لا؟

أنا هسي جوا الخرطوم وفي منطقة قريبة من قاعدة وادي سيدنا الجوية اللي هي هدف استراتيجي للجنجويد
وبين أي لحظة والثانية ممكن نكون في مرمى النيران

نحن ال اكتوينا بالحرب دي وقاعدين في نصها
عايزين الجيش يحسم الميليشيا دي

إنت وين؟

#الخرطوم
#السودان

[محمد عز @zan_ezz]

عينك للميليشيا بتستخدم المدنيين كدروع بشرية
وناصبين مضادات الطائرات في بلكونات منازل المواطنين بعد ما شردوا الناس من بيوتهم ده غير جرائم النهب وتقارير الإغتصاب

تقوم تسيب ده كله
وتمسك في شماعة الكيزان الفي الجيش

انتو بأسلوبكم البائس ده بتمنحوا الكيزان شرف لا يشبههم

لكنها الحماقة
أعيت م�� يداويها!

#الخرطوم
#السودان

[Bint_Khalifa @Bit_Khalifa1417]

لجان مقاومة، سداً منيعاً لن تستطيعو النيل منه مهما حكتو له من الدسائس و ستظل خنجراً مسموما في صدور الطغاة و المرتزقة والانظمة العسكرية القمعيه …
لابترهبنا العساكر لا الدقينات المساخر لا الكلاب الامنجيه ✌🏽

لجان المقاومة، سداً منيعاً يا وطن يا شعب وهاج الفطن مهما جرى.. بئس الذي بيك ازدرى تباً لعهد السنسرة والنهب ثم السمسرة ✌🏽

#تسقطو_بس
#يا_مرتزق_يا_الني_الشارع_حي

[ᖇᗩᗰI TᗩᕼIᖇ @RamiTahir]

من هم #لجان_المقاومة ؟
هم الشعب السوداني ..
عجيب وسخيف أن يطالهم أي تشكيك ..

[Wli @25Wli]

لولا الله ثم لجان المقاومة والمتطوعين والمغتربين وجيش الرداء الأبيض والتكافل الاجتماعي للشعب والنسيج الاجتماعي المترابط البلد دي كان اتحولت لماساة حقيقية قاتلة المساس بلجان المقاومة هو مساس بإحدى الركائز الأساسية التي تقف عليها هذه البلاد في الوقت الراهن الملبد بعدم الرؤية للمخرج

[Abazar Hassan @AbazarHassan]

لجان المقاومة كانت واضحة منذ بداية الثورة في موقفها من #الجنجويد اسم الدلع عند العسكر ( الدعم السريع ) فعندما كانت تنضح بياناتها الواضحة من هذه المليشيا وبالعسكر للثكنات والجنجويد يتحل، كان قادة المؤسسة العسكرية يمجدون فعائلها وفعائل المجرم قائدها، فشوفو ليكم طاقية تانية بدلها.

[Maad Shaikhoun @maadshaikhoun]

فيا البتسجل التاريخ
افتح انصع الصفحات
واكتب انو دة السودان
وطن ما بشبه الاوطان
وطن شامخ علم مفرد
❤️🌹🇸🇩
التاريخ حيسجل شهامة ونخوة وتعاضد الشعب السوداني وبرضو حيسجل المواقف المخزية والهزيلة من كتير من الساسيين.

لا مجال للحياد

[محمد عز @zan_ezz]

يا جماعة نحن كلنا كسودانيين في ذات المركب
كلنا المركب دي يا غرقت بينا يا وصلت لبر الأمان
مهما تباينت آراءنا ونظرتنا للحل
في النهاية تبعات البحصل ده ما بتفرز بيننا
ياها بيوتنا ال خليناها مهجورة ما فرزت بين مؤيدين استمرار الحرب و بين ناس #لازم_تقيف
مقتنع إنه أي يوم في استمرار الحرب نتيجته دمار هائل محتاجين فترة طويلة عشان نزيله

أنا واحد من الناس داعم للقوات المسلحة وشايف أي نهاية للحرب ما تكون نتيجتها دحر الدعم السريع هي تحرير لشهادة وفاة الدولة السودانية

طيب انت شايف حل تاني تعال اطرحوا لي عادي ممكن اقتنع وأغير رأيي
ورريني كيف اتفاوض مع عصابات نهب مسلح بتوقف الناس في الشارع وتنهب عربياتهم وبتدخل البيوت وتطرد أهلها منها أو تستخدمها كدروع بشرية
ورريني تقيف هسي كيف والقصر الجمهوري محتل ومصفاة الجيلي محاصرة
ومستشفيات الخرطوم كلها بيحتموا بيها

تعال وادديني تصور لشكل التفاوض يكون مع ميليشيا أفرادها من النيجر ومالي وتشاد
وكيف حتتفاوض وتقنعهم يطلعوا من الخرطوم سلميا بما فشلت في تحقيقه عسكريا في حال مطالبتك بإنهاء تقيف هسي
نحن محتاجين نسمع بعض
ما هو لو في ظروف زي دي ما قعدنا في الواطة و اتشاورنا
حنتشاور متين؟؟

#الخرطوم
#السودان

[Al Shareefi AlSudane @MShareefi]

لو متخيل إيقاف الحرب يعني عودة السلام والحياة الطبيعيه واستقرار
دا يدل علي أنك واهم
دا يعني تقنيين لبقاء حميدتي الأبدي ومتمرديه وفتح الباب للمزيد من المتمردين القادمين من الخارج للأستعداد للمعركه الكبري والتنكيل بك وبأسرتك وباأذنك انتا
ولو قلته وين الجيش،الجيش بجي اديك ستين كف

[محمد عز @zan_ezz]

كتب لؤي عبدالرحمن /

ابن خالي تم توقيفه من قبل الدعم السريع قرب الباقير وانزلوه من الحافلة لتجنيده قسريا الا ان جزع والدته وانهيارها أمامهم دفعم لتركه

هل يعقل أن نتعايش مع هذا السرطان؟
#الخرطوم
#السودان

[لجان مقاومة المهندسين @ElmohandseenRC]

في الوقت الذي يصارع فيه المرضى ويتعاون فيه الصيادلة و المتطوعون علي تغطية الاحتياجات الدوائية، تقوم مليشيا الدعم السريع باقامة ارتكاز مقابل صيدلية الامدادات الطبية بالسجانة ولا تكتفي بذلك بل وتقوم باغلاق الصيدلية ومنع العاملين فيها من الوصول اليها

[سياف مصطفى @sayafmustafa86]

هذه الأحداث كشفت أننا بحاجة كبيرة لتعليم الأجيال القادمة مادة #التربية_الوطنية، تجد البعض يجلس خلف شاشات الأجهزة يشتم في جيشه واخوانه، وهم يموتون فداء لعرضه وحفظا لأرضه وماله.

#جيش_السودان
#جيش_واحد_شعب_واحد

[محمد عز @zan_ezz]

لمن بدأت الحرب ما استشارونا في تويتر يبدوها ولا لا
وهسي قرار استمرارها من عدمه ما واقف على هاشتاقك ولا واقف على رأيي
بالتالي نحن هنا بنتشارك آرائنا البتعكس أرضيتنا الأخلاقية وقيمنا ومبادئنا ما أكتر من كدا
بنحاول دائما نستخلص المعاني ال ممكن نربي بيها أطفالنا
فنحكي ليهم حدوتة عم معاوية وكيف فتح بابه وحمى الناس الاحتمت بي بيته ودفع ثمن شهامته رصاصة أنهت حياته
ونحكي ليهم حدوتة محجوب الوقف يحمي أخواته في الجامعة ودفع ثمن كدا حياته
شموخ عظمة وصبر مصعب الشريف

ونحكي قصة حامد الارتكز بي تاتشره وحمى المعتصمين في ��لقيادة
وما حننسى محمد صديق مخالف سعادتك💛
وقبل ما ينوموا الأطفال حنحكي ليهم قصة الكانوا بيقتلونا ولما اتمكننا منهم وهم في لحظة ضعف والتاتشر مقلوب بيهم
رفعناهم من الواطة وقلنا ليهم نحن أخوانك يا بليد
حنحكي قصة المدينة الفاضلة للقيادة
ودروس أبونا الصادق سمل

وحنحكي كيف لمن الحرب قامت ونحن البنهتف لي برهان تسقط بس
وقفنا مع الجيش ال هو قائده ضد ميليشيا قبلية

اخترنا ننحي خلافاتنا ل لحظة عشان نقيف مع قواتنا المسلحة البندفع من لحمنا الحي دمغة جريحها وتسليحا

حنعلمهم متين يكرهوا وحدود كراهيتهم شنو
ومتين يتضامنوا ومبادئ تضامنهم شنو
حنعلمهم يعني شنو شرف وعرض ووطن

وحنعلمهم حعى لو الجنجويد حكموا البلد واتمكنوا منها
إنهم ميليشيا قبلية وعصابات للنهب المسلح

حنربيهم يكبروا أولاد أصول
يحترموا البختلف معاهم قبل البوافقهم
وإنه الثورة ما مجرد ترس في شارع وهاشتاغ
الثورة أخلاق خليني أشوفا في سلوكك قبل ما اقرا شعاراتها في بروفايلك!

#الخرطوم
#السودان

[محمد عز @zan_ezz]

الاستشهدوا الليلة في السوق العربي أشرف مني ومنك
طلعوا من بيوتهم عشان يحموا مالي و��الك شرفي وشرفك ودفعوا حياتهم ثمن
سابوا أهلهم أحلامهم طموحاتهم وخططهم الشخصية
ودفعوا عمرهم كله ثمن
يتموا أولادهم
واتحرق حشا أمهاتهم
خاضوا معركة الأرض
وخلوني أنا وإنت نخوض معارك الهاشتاق

استدعاء مرارات الماضي وروح التشفي وعدم احترام قدسية الموت
لا بشبه ثورتنا
ولا بشبه شهدائنا

كلنا ضد ميليشيا الجنجويد
وتسقط كتايب الجنجويد
#الخرطوم
#السودان

[Daniel VO @daniel_van0]

١/ ثريد عن بروباغندا فريق اعلام الدعم السريع و استراتيجيات التواصل الرجاء إعادة التغريد حتى نتمكن من الحصول على مزيد من المعلومات

Thank you to @NazAbis for the translation. 🙏🏼. For the English version go here:
https://t.co/59RExTTyG7

[Daniel VO @daniel_van0]

٣١\ يقال ان الفاتح كان يشغل منصب السكرتير العام للمؤتمر الوطني في جامعة غرب كردفان سابقا. نحتاج إلى مزيد من شهادات طلاب جامعة غرب كردفان لنؤكد هذه المعلومة و حبذا لو كانت مدعومة بالصور لنستوثق من صحتها.

شكراً لـ@NazAbis لمساعدتي في الترجمة

[Sadeia @sadiea8]

ياجامع يارقيب..
ياجماعة البنت ده كانت بصحبة امها في ميناء بورتسودان في لحظة تكملت اجرأت الجوازات داخل السفينة في سالو امها من الجوازات الام فقط تحمل جواز تشادي والبنت ليس لها اي مستند للسفر حتي اثبات انها بنتها علي العموم بعد فترة اختفت الام داخل السفينة والان البنت تايها علي ظهر السفينة وحيده مع طاقم السفينة متجه الي السعودية
اسم البنت رغد عمر عبدالله راشد
اسم الام سلوي محمد روزي
علي حسب افادة البنت
ربنا يجمع ب أهلها للتواصل مسنجر في الخاص
ت 0912170371

[Harith @ArchHarith]

مافي شيء مخيف في هروب رموز النظام البائد من السجن..ما تدوا المواضيع أكبر من حجمها..وجودهم ف السجن و خارج السجن واحد.