أحسن قرار ممكن تاخده في حياتك هو إنك تنهي أي علاقه مؤذيه و مش مناسبه ليك ، إديت فرصه وإتنين و عشره خلاص كفایه كدا ، مش لازم تشرب البحر كله علشان تتأكد إنه مالح ، الكلام دا يشمل العلاقات بكل أنواعها سواء صديق أو حبيب أو أي شيء ، سلامتك أهم صدقني. ♥️
انا أتربيت ف بيت ماتحرمتش فيه من حاجة الحمدلله يوم ما هتجوز لا هبص ع شقه بview حلو ولا شوية دهب معرفش بكام عمرها ما كانت بالماديات والشكليات كله بيروح، المهم يبقي معايا راجل انا مالية عينه ويحترمني ويحترم أهلي ده الرزق من ربنا، الفكرة كلها ان الرجولة كفتها تغلب أي كفة تانية والله
عرفت ازاي انسحب بالتدريج و اقلل تعاملي مع اي حد قليل الذوق او طريقته مش كويسة معايا
مابقتش بقول انا مضايق من كذا بقيت بقلل التعامل بس، علشان احنا مش هنغير الناس.
مرة سمعت جملة وفضلت معلّقة في دماغي، بتقول :
"الراضي ربنا بيراضيه فى أي حتة،
واللي مش راضي دنيته ضيقة عليه فى كل حتة".
ربنا يرضّينا بأقداره، ويراضي قلوبنا بعوضه، ويجعل نفوسنا ساكنة مُطمئنة لحكمته.
الحمد لله علي نعمة الرضا💗
"أنا وصلت لمرحلة من النضج بتخليني أستخسر حتى الع��اب. اتغيرت؟ مبروك عليك النسخة الجديدة منك، وأنا مبروك عليا راحتي من غيرك. أنا ببيع أي حد بيحاول يمثل دور 'الصعب' أو 'التقيل'.. مفيش حد غالي غير اللي بيخلي الحياة أسهل، غير كدا.. كله في 'الأوت' وبأسرع مما تتخيل."🫶🏻
أنا حقيقي بكره أي لفظ خارج ، ومبحبش أتعامل مع أي حد لسانه مش نضيف، حتى الكلمات اللي بتتقال من باب الروشنة بتضايق منها ، مفيش حاجة بتكسب قلبي قد إن الشخص يكون لبق وذوق ورقيب على لسانه، لأجل دينه أولًا ثم لنفسه ثانيًا ثم مشاعر اللي قدامه.
مفيش شخص صادق هيضيع منك
مفيش شُغلانة كويسة بابها هيتقفل في وشك
كل اللي بيروح مكانش حقيقي
ولا كان مُناسب
كل الحكاية إنه مكانش لايق عليك ولا هينفعك قدام!
مفيش فُرص ضايعة،
ريح نفسك كل اللي فاتك مش بتاعك