ع

ما هُنا الا ذائقة شعريه لايوجد لها مقصود .

[ع @ANO503]

٩٠٪ من منشورات هذا الحساب هي مشاعر لحظيه تحت تاثير قصيده او اغنيه وجّب التنويه بـ ان ليس هناك مقصود .. قراءة ممتعه للجميع

[ع @ANO503]

لو الغّلا ينشَاف شافًوك وسَط عيونيٍ
ما بين رمش العين لك منزلٍ عالي 🌷.

[𝗟𝗲 . @l8eji]

أنت وصلك في خيالي على كل الوصال
ماله إلا أسمين يا إما رضا ولا جبر

غيرك يحاول ولا له على قلبي مجال
و أنت حبك قد تمكن في القلب وعبر

وإن نشدت وقلت عطني على قولك مثال
قلت معطيك الحنايا و زايد لك شبر

وإن سمعت القول بين الحقيقة والخيال
قلت أحبك فوق كل المحبّة والأمر

[ع @ANO503]

رُغمَ المتاعبِ وأهلهِا
مازالَ عندي أملُ

[ع @ANO503]

لك بالح��ىَ روضة غرام وقصايد
ولك في عيوني شوق ماله نهايه

أي والله إن حبك على القلب سايد
وماخذ على رُوحي وقلبي ولايه

[ع @ANO503]

انا اعرف انك فوق ذا الناس وأسمى
لاكنك قاطعني .. بشتّى الوسايل

اوقّف لـ طاريك واشوش واحمى 
حميّة يضرب عليها ، المثايل

تراني اعتبرك مثل شربة الماء
ماهي تعوّضها جميع السوايل

مجرّد غيابك عن عيوني اضمى 
اضمى ضمى اللي لتّهته القوايل

[ع @ANO503]

يوم سألتك هو متى وقت اللقى
كان ردّك لي " يجيب الله مطر "

والمطر مالي الشّوارع وش بقى
مابقى شيّ غير حضنك والعطر

[ع @ANO503]

مرّني الليلة لو هي مستحيلة
إذا ما اتعبك الشوق تراه اتعبني .

[ع @ANO503]

وتحسب أني عنك سهيت ولهيت
الله معاك وأنا معاك بس من بعيد ..

[ع @ANO503]

لك الله يا أحّن المخاليق وش قسّاك
وش اللي نزع ضحكتك لي وكفّنها

وش اللي تغيّر وآخر أيّامنا وش جاك
وش اللي حداك لكلمةٍ ما تثمنّها

وعلى الروح يا قطعه من الروح من قوّاك
وهي " روحٍ أدنى ماتسوّيه يطعنها ".

[ع @ANO503]

أشوف السفر مابين فتره وفتره زين
أنا بحاجه غياب أتفحص به أشواقي

تراودني الضيقه لها حروة أسبوعين
وتأثيرها واضح علي و على اخلاقي

أحس بـ تعب وإرهاق نفسي وخاطر شين
وسجّه ونوم أمحق ومدري وش الباقي

ولا يجبر خاطري سوى كسرة الروتين
حسب خبرتي في معرفه حالة إرهاقي.

[ع @ANO503]

« انا غرب واللي خاطري ينتحي له شرق
بعيدٍ وطن مضنون عيني عن أوطاني

حصل في غروب الشمس بيني وبينه فرق
عسى اللّٰه يقرب دار .. من حبه اشقاني »

_ عبدالله بن عون

[ع @ANO503]

من يوم ودعته وانا أعيش ذكراه
مافيه لحظة عشتها ماطريته

يانعمة النسيان خليني أنساه
أنا تعبت أتجاهله مانسيته

[ع @ANO503]

دايم على البال وطاريك ما غاب
يا كبر قدرك حتى بغيابك احبك .

[ع @ANO503]

والله إنك ف القلب لو طال المغيب
مـاتغيّـر فـي غـلاك و لا يـزول

غيبتك ما هي نهاية يا الحبيب
لك مكانٍ بين صدري و العقول

الوفا لك ما تغير … ولا يشيب
ولا يموت الغيم لو غاب الهطول

[ع @ANO503]

لو يطول البُعد وأيامي تغيب
حبّك ب صدري باقٍ للأبد

الشوق لك ب الروح لاهب لهيب
والوفا في مهجتي عهدٍ ووعد

ديرتك قلبي لو العالم كئيب
لا تظن الشوق في غيابك رقد

[ع @ANO503]

من كثر حبي له بديت أحب غيره حاجتين
الساعة اللي جابها .. والساعة اللي جابته

[شي ثانيّ . @G__2m]

- مشهد بعنوان :
" أنت ملّجى للسّكينه عقب ربٍ رحوم
من يلوذ براحة أيديك يبطي مسفْهل ".

[ع @ANO503]

وراء كل هذا الهدوء والتبلّد
حرب نفسيّه صامتة.

[ع @ANO503]

«يوم مرتني حياتي .. كلها ماشفت غيرك
أنت صورة كل مشهد وأنت قصة كل ليلة»
— العنود الواصلية

[ع @ANO503]

عليك الغلا مردود يـ الغايب الموجود
سوالفك"غابت" مير طرياك ما غابت

غيابك حضورٍ له بـ صدر البيوت شهود
وش الي يغيب ضحكتك والغلا ثابت؟

أحنّك مثل ما أحن وجهي من المنقود
وأعدك ليا عديت .. الأيام وش جابت .

- مدغم أبو شيبه