مينفعش حد يسأل حد حبيت فلان ليه أو على إيه!.. حسابات الجمال مش بتتقاس بالحلاوة وتقاطيع الوش وسمسمته.. هو حبه عشان شاف فيه جمال مش بالضرورة غيره شافه.. حب جدعنته، إيمانه بيه وقت ما الكل سابه، سندته، حنيته، وحب راحته لما يكون معاه..الجمال مش شكل، وعشان كده فيه ناس حلوة وناس مِحلوة.
تخيل إن مجرد علاقة سويه واحده تقدر تخلى الانسان يتعافى من مشاكل نفسيه كتير جدا، بل ممكن يتعافى تماما، علاقه صحية فيها تقبل وحب غير مشروط فيها، كل طرف بيدى الطرف التانى وضعه ويحسسه إنه طول الوقت مقبول، وان الغلط بيتعالج بالحب والتفاهم، علاقه واحده من دى تغنى عن الدنيا كلها بجد.