عـــذل

القصـيـد اللي يجمّـل ذائقـة قرَّايـه

[عـــذل @Atheeel1]

يا أبو وجهٍ على شانه يدق من الغلا ما جل
ترى لولاك ما سقت القصايد في متاهاته

فداك العمر وأحداث الزمن والمشكلة والحل
وقلبٍ ما يعرف من الغزال .. إلا تلفاته

أنا من شاف وجهك يا حبيبي في وجيه الكل
وفزّت روحه لضحكة عيونك قبل خطواته 🤎

[عـــذل @Atheeel1]

يا نسل جدٍّ عريب و سيرته عطرة
يوم إن شبه الجزيرة كون ومطارد

الفارس اللي مضاريبه تجي خطرة
وشلون من ترثته يجي .. ظبي شارد ؟

[عـــذل @Atheeel1]

جدانها تاخذ الهادر على الصاهل
و عيونها تاخذ الإعجاب .. و اللبّى 🤎

[عـــذل @Atheeel1]

تراني وإذا غربت عنك ولو شرقت
على درب غيرك ما خذا القلب منهاجه

يقولون بلقى لك شبه بس ما صدّقت
شبيهك على درب النقا وقّف إنتاجه 🤎

[عـــذل @Atheeel1]

نفسي عيوفٍ يا أريش العين تجزع
ما تقبل الحقران لو من عشيري

[عـــذل @Atheeel1]

عشان الضحكة اللي ��الها بين الخلايق .. نِدّ
أسوق أقصى معاذير الغلا واشدد ركابي 🤎

[عـــذل @Atheeel1]

جادلٍ بين غمّازة .. وحبة خال
تطرح اللي يهوز الصعب ويجيبه

طبعها لا أقبلت بـ الغطرسة تختال
تسلب الروح .. وليا راحت مصيبة 🤎

[عـــذل @Atheeel1]

العجب يوم أشوفك وأنت كلك عجيب
تجمع اللول والماء والبرد والجمر

ماني بـ ناشد الدنيا وش اللي تجيب
بعد هبّ النسيم وبعد طل القمر

ما تحت رمش عينك غير قلبٍ صويب
ولا ورا رمش عينك غير ليلة عمر 🤎

[عـــذل @Atheeel1]

تبحث على لُؤلؤ طبيعي وفاخر
يزهى نحر من هو يحب التغناج 🤎

[عـــذل @Atheeel1]

ضاقت مشاويرك .. وضاعت وداعتك
بين القصيد .. وبين قل التواجد

ما يشبه إحساسك على ظل شرفتك
إلا نسانيس الفجر فـ المساجِد

أنا اعرف إن شباك دارك .. وضحكتك
أحلى من الدنيا .. وأهلها بـ واجد 🤎

[عـــذل @Atheeel1]

كلك عجايب ولا أدري طين ولا لُجين
عجب و متماسك امْوقّف على منصهر

ممشوق نور و غَيا طاغي و مصبوب زين
موتٍ تكشّف و موتٍ مستتر ما ظهر 🤎

[عـــذل @Atheeel1]

مثل ما للخصومة شان .. يبقى للفضيلة شان
مانيب اللي تخونه شيمته لامن نقص وده

[عـــذل @Atheeel1]

سـيدة عذب القصيد وسـيدة شبه الجزيره
صوتها ملح الحياة . . وعينها حد الشـباري

مـن غلاها اشوف ضيعة خطوتي لا ضعت خيره
ومن هواها ما عرفت الا محطات المساري

غايضت بنت الامير وغايضت بنت الاميره
ما بعد ذاك الغرور الا الهبوط الاضطراري 🤎

[عـــذل @Atheeel1]

هنوفٍ أوامرها أوامر .. ملكيه
ما قد جت تبي حاجه وراحت ولا جتها 🤎

[عـــذل @Atheeel1]

الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى

وفي كل طرف أدعج وفي كل ضامر عود
وفي وجه من لبّى وفي صوت من فدى

وفي حلمي الغادي وفي نصفي المفقود
وليل ٍ هقيت .. إنّه يعدي ولا عدى

[عـــذل @Atheeel1]

الناس تلبس هالذهب لجل تحليه
وهي الذهب يغتر لامن كساها

يلمس معاصمها ويفخر بطاريه
كنّه مِلك هالكون لحظة لقاها

حتى بريقه .. من يديها تخاويه
يستأذن النظرة ويطرد وراها

ما هو غرورٍ جاهلٍ من يسمّيه
تيهٍ طبيعي .. خلقه اللي براها

سلطانةٍ .. للزين تاجه وكرسيه
كل العذارى تختفي في فضاها

[عـــذل @Atheeel1]

أنتي و لو مريتي بعمر آدمي حظه شحوح
ما عاد يبغى من عطايا الحظ حاجه تقنعه 🤎

[عـــذل @Atheeel1]

أنا ماودي أشكر في حياتي .. غير ابوك العود
مسوي له جمايل بعد ما جاب اجمل سلاله 🤎

[عـــذل @Atheeel1]

لا شك ما جا من وليفي هلا به
لو هو عذابٍ من هوى البال ! راضيه

لو يسرف الغالي لذيذٍ عذابه
السيل يرثع بالوطى قبل يحييه 🤎

[عـــذل @Atheeel1]

انتي سليلة مجد ورجالٍ عظام
من فع��هم بعض النساء مترمّله

من شاهد عيونك غدا فيه انفصام
واصبح بحاجة من يجيه يزمّله

ياقو قلبك ياسراجيف الغرام
وشلون بأسقاط البشر متحمّله

حسن الاوادم لو تناقص كل عام
زينك لحاله يستطيع يكمله 🤎