᷂شجعـان

_

[᷂شجعـان @Atwaiii]

ح��ا سعوديين يا طاق طرباق
أحرار ما عشنا بعيشة مذله

رجّالنا لو هو على مكسر الساق
حب الكرامه والوفاء عادةٍ له

- رشيد الزلامي

[᷂شجعـان @Atwaiii]

انا متغير على نفسي بعد شفتك
ولانيب فاهم وش الي في سويتي

من بعدك المكان اللي فيه صادفتك
فيه اجلس اكثر من المجلاس في بيتي ):

[᷂شجعـان @Atwaiii]

أنا الوافي اللي يوم شفت الزمن غدار
دريت اني ليا صرت في عزله اشوالي

عزلت الصديق الاقشر عْن الصديق البار
وبعت الرفيق الضايع برفقة ظلالي

كلام الحسود الحاقد وبورة البوار
هبوب تجي وتروح ما تطرح عقالي(:

[᷂شجعـان @Atwaiii]

خِف نفسك للخوي والعواني والضيوف
وان لقيت اللي يَبا يزم نفسه .. ِزمّها

لا تراخى فـالمواجيب وتطيع الضعوف
خَمّةٍ تمشي عروق الردا في دمّها

اقِف في موفقك لو كان ممنوع الوقوف
وان نصحك قليّل العِرف يا ويل أُمها

[᷂شجعـان @Atwaiii]

اللي ماعنده معرفه و ادراك
يطيح ف أزمه مابعدها أزمه

ترا البشر هذا وذاك وذاك
ثلثين منهم مالهم لزمه

بالهينه حاضر وبين أيداك
وان صملت ماترهي بلزمه

أعرف من تحطه على يمناك
وأعرف من تحطه على الجزمه
👍🏼

[᷂شجعـان @Atwaiii]

سبحان الله وبحمده
سبحان الله العظيم

[᷂شجعـان @Atwaiii]

على الكون خيّم جوّ تسبيح واستغفار
مشاعر تعيّش فاقد الحاله الحاله

هنيّاً لمن يستغفر الله بالاسحار
وينفض غبارالصدر ويصحح اعماله

طقوس العبادة تنعش المخ والافكار
وتعطي الجسم طاقة مثل طاقة الآله

[᷂شجعـان @Atwaiii]

قالولي ادله قلت يا اهل التفاكير
هاذي علوم اهل العلوم الضياعي
وانا ما غير مولع القلب يا بديرر
اشري و ابيع ومشترايه وبااعي
والله ما غير اصخرر القاف تصخير
تصخيرر ما دوب العصى لين اطاعي
من دق به مثلي هجوس وحواشيرر
يضيييق به لو الطريق اتسااعي

[᷂شجعـان @Atwaiii]

الحب حب مقرقعات التوادي
مهوب حب مقرقعات المواعين😜

[᷂شجعـان @Atwaiii]

ابعد عن الناس من فتره اليا فتره
وأقرب من الله بتسبيحك وتهليلك

واسجد ل ربك تعالى واطلبه ستره
تراك والله ماتدري ، كم باقي لك

والقبر مافيه لا مشلح ولا غتره
ان كان مالك عمل ينجيك ياويلك (:

[᷂شجعـان @Atwaiii]

فالصدر مختلطٍ جروحٍ مقيمه
وهموم وقتٍ ما امرح الليل منها

[᷂شجعـان @Atwaiii]

ادوج لحالي و اتضايق من ادنى الناس
و لا أداني العربان كنّي .محاربها
ٓ
اعادي من يقول انت وش بك عسى ما باس
احس انه ينرفز شعوري و يغضبها
ٓ
إلي وقت متغير ووضعي شبه منحاس
الاعراض هذي يا تُرا وش سبايبها
ٓ
أناجي أللهي و اتعوذ من الوسواس
يا ربي بيدك أقوى العلاجات وأطيبها ):

[᷂شجعـان @Atwaiii]

يالله يالمبصر وياعالم الغيب
يا من صغار الذر تسمع دبيبه

ياللي تحقق كايدات المطاليب
وفزعتك للمحتاج دايم قريبه

يالله عسى لي في حبالك مقاضيب
وملجاً ليا ضاق المجال التجي به

[᷂شجعـان @Atwaiii]

الناس تفرح بالهبيب وانا انحاس
لانه يحرك علةٍ محتويها
روحي تعذَّب كل ما هبْ نسناس
تقول ما كن المحاني عليها
ومن عادتي لا دق بالصدر هوجاس
اشرد بنفسي فالخلا واحتذيها
ومن له رصيدٍ له تواليه لفلاس
وبيموت من شاف الغنا من حديها
هاذي هي الدنيا وهاذي هي الناس
خسران من علّق هقاويه فيها (:

[᷂شجعـان @Atwaiii]

تطري على بالي وانا بعيدد عنهااا
وتقول يلذعني على القلب كهرب ):

[᷂شجعـان @Atwaiii]

بعض العيون اقوى من الجاذيبه
تسرق فؤاد اللي من الحب تايب