بندر ابن خالد

يقولون شاعر..✍️

[بندر ابن خالد @Ba_lli1]

هاتولي اللي لونها … لون الغراب
دوا الذي صكات … بقعا صكته

اليا شربها العوُد … عود للشباب
واليا شربها الشيخ … جاته سربته

ابغى اتقهوى … واتفكر بالسحاب
واحاول احكي شي تثقل حكيته !

لو كان حبك عذب وعيونك عذاب
وان قام والا سج فنتي سجته .. !!

في خاطري للحين يادمث الجناب
اني تركتك والليالي (( حدته ))

يوجعني انه تحسب ان القلب تاب
وانه رحل من قبل … موته يبهته

ماتدري … ان الحب فالدنيا سراب
وانه … تمنى فالهوا … ما حبته !!!

لو كنت انا اقوا مشهد اقصاص الرقاب
ما والله اقوا … يالنشاما (( دمعته ))

خلتني الشاعر وانا … عقب الغياب
خليت دمعه … مختلط في شفته
بندر ابن خالد

[بندر ابن خالد @Ba_lli1]

@aprvip اشك حتى الهوا يقفاه ما يقتفيه ✨
عز الله انه مبدع وانت " ابداع الابداع "

[بندر ابن خالد @Ba_lli1]

@dih2i صح لسانك يا مبدع

[بندر ابن خالد @Ba_lli1]

اللي يحب عيون ماظنه يتوب
ترِجعه نظره كل ما روح وتاب

والعن منه من حب يالعالم عيوب
" بيكد شيب الراس لو توه شباب "

وانا مع اللي وصفها ريمً لعوب
اللي حضوره زين واغيابه غياب

حبيتها وارهقت نفسي بالدروب
حبه شعورً عذب واعيونه عذاب

ان قلت له يامرحبا يمكن تذوب!
وان قلت له يامرحبا يمكن تهاب!!

ماعاد ندري !! يوم صوب ، ويوم صوب
معها الغلط ف اوقات لا راقت صواب

مزاجها وردني العد " الجذوب "
واليا انطقت بالنطق تكسبله ثواب

ماغير ماشاء الله و نظراتي تنوب
عن هرجةً فالصدر ماودي تخاب

ادريبها في يوم بتورث شحوب
واتروح عني واقضي الدنيا مصاب

حظه رماها عند شاعر مايتوب
غردت خارج سرب لو حبه سراب

_ بندر ابن خالد

[بندر ابن خالد @Ba_lli1]

@no_w122 صح بدنك يا شايق

[بندر ابن خالد @Ba_lli1]

ياوجد روحي كل ما ناح " الحمام "
وجد الصدوق اللي يحسبونه كذوب

والا وجود اللي تطوع " و استقام "
وكل ما رفع عينه يعين له لعوب

من سبت اللي عدته حتى السلام
تدريبه ان القلب ما يمكن يتوب

قالو له ان الحب يا العاشق حرام
والمشكله عيا تقل ينقص ذنوب

قلبً طرق في عيشته درب الغرام
مايطرب لغيره على كثر الدروب

يعشقله اللي كل ماراحت … تنام
ضاق النسم ماكن فالدنيا هبوب

منهو يقول الضيق في كثر الزحام!!
لا والله ان الضيق في حزة غروب؟

ياسعد قلبي كل ما قالت " تمام "
والا امدحة وجهً من احزانه شحوب

يحس بنه صار من فوق " الغمام "
وان بامان اليوم مع كثر الحروب

واصبح يقابل سية الناس احترام
وان قلت له يامرحبا يمكن يذوب

ماهو عشانك لا تحمس بالكلام
رضت علي واصبحت راضي وامحبوب

واليا ازعلت ��اعطته من هرجه ملام
يحس بنه جاتله … من كل صوب

مع انها من صوب واحد فالغرام
الا انها في دنيته كل " الدروب "

واللي بقوله مسك يامسك الختام
مسك الكلام اللي طرب سمعه عذوب

خلوه يغلط لو على غيره " حرام "
لاطاح من عيني نشيله فالقلوب

_ بندر ابن خالد

[بندر ابن خالد @Ba_lli1]

@no_w122 صح لسانك وابدعت ياشايق✨

[بندر ابن خالد @Ba_lli1]

@no_w122 صح بدنك ياشايق

[بندر ابن خالد @Ba_lli1]

مشيت مشي اللي غمر رجله الطين
" عن الحبيب اللي ذبحني قراره "

ترفً غيورً ما خلق مثله " اثنين "
ماهو سعودي مير يا سعد جاره

وجدي وجود اللي نزل دمعه الشين
" خلوج ضفو من يدينه حو��ره "

على صغيرً ماترك طبعه الشين !!
قفت به الايام وابعد " مداره "

لامر من عندي بهيبة ( سلاطين )
كن الحكومه جات من صوب داره

ما اقوا على الكلمه ولا ترمش العين
واحس بالرجفه ولا احكي جهاره

والوجه لونه لاظهر لي من الزين
" ثوبً جديدً فصوله الوزاره "

او مثل ما حلبوه بدو البعارين
( حليب ناقه بشروبه بشاره )

مافيه لا حبه ولا فيه " سكين "
ماهوب مثلي كن وجهي مغاره

في حاجبي ضربة يدين البزارين
حربً تشيد بين حاره و حاره

من شمس داري صاير الوجه لونين
حنطي مع اسود كني الوان فاره

والى هنا بالوصف يكفيك ثنتين
" مادام عني راح واصدر قراره "

ياللي نويتو ديرة اللي ��عيدين
قولو له اني ناويللي زياره "

ان كان عادي ياعسى عمره اسنين
وامع النبي لا مات وابلال ( جاره )

وان كان يرفض ياعسى موته الحين
وان مات جعل النار لا مات داره

- بندر الزيد

[بندر ابن خالد @Ba_lli1]

@no_w122 صح لسانك يامبدع ✨✨

[بندر ابن خالد @Ba_lli1]

@no_w122 الله الله الله الله ياشايق
ابدعت وصح الله لسانك ✨✨✨

[بندر ابن خالد @Ba_lli1]

@SinnerTheFox نبي النهائي مخلص كويس او كامل شف لنا حل 😂

[بندر ابن خالد @Ba_lli1]

@justShaibani لبيه يا سكر حياتي … وعمري
لو كان ودك عين بندر قطعته

[بندر ابن خالد @Ba_lli1]

@Alsraheed صح لسانك ياعبد الله مبدع دائماً

[بندر ابن خالد @Ba_lli1]

@no_w122 صح بدنك ومن بعدك ياشايق

[بندر ابن خالد @Ba_lli1]

يالله دخيلك من شعور … الابتعاد
اللي ليا مر … الهواوي … علقه

وامن الفراق اللي تكاثر … بالبلاد
وامن الغزال اللي عيونه مشنقه

واعوذ بك يامهلكن بالريح عاد
من ضيقةً لاجات صدري تخنقه

انا حنونً … قد تشكى … للجماد
من خوف لا يشعر صديقه بغلقه

يرضى على نفسه ولا جاب الفساد
واليا كسب له شي " بيده واعرقه "

ماودي اني … يوم قربت الحصاد
اصبح ضحية … بنت قلبي صدقه

اللي تحسب الحب لعبه و العباد
" العاب بيده " يوم ملت تحرقه

ماتدري اني راس قومً بالمهاد
الصف لا من مر بندر "" فرقه""

خلتني اللي لو تعنى ما استفاد
من عقب في عينه كتبة معلقه

مع اني اللي لا رمى بالحب" صاد "
والكل ينشد عن وصايف بندقه !!

اليوم ضاعت من يدي بسمة سعاد
واجهل من اللي شاف صيدي واسرقه

[بندر ابن خالد @Ba_lli1]

@saad2525s صح بدنك

[بندر ابن خالد @Ba_lli1]

@no_w122 مايشبه.. اشعوري عليك …الا شعور الطيبين
اللي " محبتهم " .من النقوَه ..تفوح اطيابها
مبدع وصح لسانك مليوننن��✨

[بندر ابن خالد @Ba_lli1]

@no_w122 وكل ما قالت لي النادله تشرب كحول!
قلت : كحل عيونك السود مغنيني عنه
جمال بندر

[بندر ابن خالد @Ba_lli1]

@no_w122 صح بدنك يا شايق

[بندر ابن خالد @Ba_lli1]

سرقت بال اللي سهى وسط الرجال
عينه على السا��ه … وعقله بالظبي

ماغير اهوجس … واتفكر … بالغزال
اللي ماندري كيف ترضاها … علي

انتي وانا لو كان … لقيانا … محال
دايم نشوفك في وجيه اللي يجي

واللي ذبحني في وسط صدري! سوال
للي … عقب مكه تصيف … في دبي

هالارض مدري كيف شالت هالجمال؟؟
اللي … خذا نصفه … من العالم نبي

بنتً عليها … زين يقرب … للخيال
الله عطاها … يوم غيره … ما عطي

عشقتها واللي عشق … يالناس ظال
لو قال بنه دل واسلاحه ...( قدي )

يطيح في عينً … و يلعبه … دلال
ثمن يموت … بعنق و يسمى غبي

خاويتها في دربها … والدرب طال
والله يخلف اتعاب رجلي واجهدي

من عقب ماعرفت غلاته يالرجال
تكبرت من ي��مها و سحبت علي

بندر ابن خالد

[بندر ابن خالد @Ba_lli1]

@no_w122 صح لسانك مليون يامبدع