نايف بن فهد..

[نايف بن فهد.. @BB30Ii]

يقول إبن القيم رحمه الله :

إذا كنت تدعُو وضاق عليك الوقت
وتزاحمت في قلبك حوائجك. .

فاجعل كل دُعائك أن يعفو الله عنك ..
فإن عفا عنك أتتك حوائجك من دون مسألة.

[نايف بن فهد.. @BB30Ii]

- اليوم الاحد 7 ديسمبر :
دخول المربعانية حسب ما اشعر به
لذالك :
" عن نسيم البرد والليل .. روحي في ذراك
كل ليله فا الشتاء معك ليلة دافيه

من يعيش سنين عمره على ضفه غلاك
مايبي غير الرضى والعفو والعااااافيه "

[قاف @Qaf_96]

ذعذعت لي هبايب من تواليك
سريت في ليلٍ مابه ضوح قمرا

على مداهيلك ، و على مرابيك
لي جرةٍ فوق خدّ الارض حمرا

يا جعل كل البِني فدوة مواطيك
ما بين بيضا ، و حنطيّه ، و سمرا

تبا تزين الليالي ، و التقي فيك
لَعَل ربي تعالى يُحدث أمرا

- فهد العيبان

[نايف بن فهد.. @BB30Ii]

الكل��ه الي تكدّر خاطر الطيّب
انا خصيم اللسان اللي تهجاها

مانيب قايل ضعيف وسدّه قريّب
الا ضعيفٍ يدورها ويلقاها

[نايف بن فهد.. @BB30Ii]

مرحبابك في محلك ورى ملقى الضلوع
في مكان مابه احد بوسطه خاشرك

انت لو واصلتني من اسبوع الى اسبوع
داري وشهي ظروفك وقلبي عاذرك

[نايف بن فهد.. @BB30Ii]

هيه ياللي فارق بـ الغلا قدر ومقام
والله إن لك بين الأضلاع قومه وقعده

��ل حب غير حبك عليه اقر السلام
يا أتلع ما شفت قبله ولا شفت بعده

يا غرامي كل ما هز الأضلاع الغرام
غير مزنك ماشعا العين برقه ورعده

في عيوني والله إنك محط الإهتمام
وإن شوفك شف قلبي وعيده وسعده

[نايف بن فهد.. @BB30Ii]

أخذت من بنات حوّى بنت داهيّة الرجال
اللي عريبٍ جدها واللي عريبٍ خالها

أحبها حبٍ قوي حبٍ نقي حبٍ حلال
وأحب ابوها وامها ...وأخوانهاا

[نايف بن فهد.. @BB30Ii]

أستاذنك بسافر أيام واجيك
وان طالت ايّام السفر لا تحاتي

حتى ولو طوّلت ماني بمخليك
ياللي بدونك وش تسوي حياتي

تامر على حاجه بودّعك واليك
عسى عوض الايام في المقبلاتي

حتى يدي ماودها تفارق يديك
ساكت وانا اشوف البلا في سكاتي

[نايف بن فهد.. @BB30Ii]

أكذب عليك إن قلت لك م احبك
اشد من حبّ إلكويت ل جـابر

حتى لو اني لازعلت اسبك
ردهً فعل ولا انت مثلك خابر

البرق برقك والهبوب تهبك
الله لايقطع ل وصلك دابر.

[قصايد @hnoof_x]

تعكزي بي .. ترا وضعي على مايرام
حتى ولو شفتي بيمناي غصن شجرة

انا وعدتك قبل خمسة وخمسين عام
مايلحقك من غرابيل الزمان .. شعره

رائد نايف

[نايف بن فهد.. @BB30Ii]

انت امام الله لا منيت مسؤول
ومن يظلم الوالي يحملّه ظلمه

عزّي لقلب ٍ بين عاذل ومعذول
عزّي لجسم ٍ ناحل ٍ نشف دمه

[مزيد الوسمي @mzed_9]

تخيّرني الدنيا بالأوراق والاقلام
بعد كل يوم بصبحٍ ابيض وليل أدلم

واخلي رحاب الارض والشمس والانسام
على شان امر بدربك الموحش المظلم

واسلّم عليك اعجاب واكبار واستعظام
وسلامي لغيرك حق مسلم على مسلم

متى والكلام اصدق من الشعر والإلهام
تمر الطواري كلها ، ماتقول : اسلم

احبك واشوف ان المخاسير والاعوام
مجرد " كماليات " تنثر ولا تنلم

عن اللي تسويه آتغاضى قدر وإكرام
ابرّيك وأظلم حظي الزين وانت اظلم

وعن اللي تسويه المقادير والايام
انا اول من يعلمك واخير من يعلم

اكابر .. ولا كنّ المحبه -طريق ألغام-
كثر ماتكون ابعد مسافه تكون اسلم

[نايف بن فهد.. @BB30Ii]

اذكرو اسمي بين دعواتكم لعّل أحدكم أقرب مني إلى الله منزلةً وله دعوةٌ لا ترد، اللهُم من شملني بخير دعائه وصادق نياته فأعطِه أضعاف ما دعا لي به🤍.

[نايف بن فهد.. @BB30Ii]

الكرامه فرض يوم الحب سنه
نحشم أنفسنا و يعجبنا التغاضي

من جرحنا نعذره و نصدّ عنه
ما نضيّع وقتنا في شي فاضي

بعد ما نعطيه فوق اللي يظنّـه
نبعد و نكتب على صفحته ماضي

الحكي نرميه فالصدر و نكنّه
و الصدور تشيل ما شالت الأراضي

ما نقضي ليلنا ذكرى و ونه
حنا مع سود الليالي في تراضي

[نايف بن فهد.. @BB30Ii]

هبة النود ان تغشت نسايمها الغصون
مرت الليله على البال لين البال طاب
ㅤㅤ
شاعرية خلووة الفكر مع طيف الفتون
ردت التايب على غيه و طيش الشباب
ㅤㅤ
ياعيون اللي مايشبهك في الدنيا عيون
لا عيون الشعر الاول و لا عين الصواب

[نايف بن فهد.. @BB30Ii]

عشت ليلة وداعك بين شك ويقين
منكسر خاطري والدمع مالة ذرى 

جيت عابر سبيل ورحت عابر حنين
خطوتي للامام . . ونظرتي للورى ")

[نايف بن فهد.. @BB30Ii]

ان كان عينك تشوف الدرب منت بـ ضرير
تراي أجيد النقاش و عندي أخذ و عطاء

لكن إليا خربت أخلاقي ما أحّب أستشير
أمشي على اللي بـ راسي صح و لا خطاء

[نايف بن فهد.. @BB30Ii]

البارحه ليلي قضيته بـ waiting
زين الوصايف قطع الـ communication

واعمري اللي را�� كله dreaming
اصارع الامواج بالـ navigation

هذا ولك داخل القلب building
راضي انا وممنون لأي blockation

وقلبي وقلبك دايم الدوم welding
وراااك انا لو رحت لأي location

[نايف بن فهد.. @BB30Ii]

للروح حـُـريـه .. وللذنب غافر
ضميني اليـوم و بكره تــغـلّـي

ما كل واحد عنده ذنوب كافر
شوفيني احبك وادخن واصلي

[نايف بن فهد.. @BB30Ii]

قنعنا من الحب و قنعنا من الاحباب
و طحنا لنا في واحدٍ ردنا صوبه

غلبني الهوى وانا ادري ان الهوى غلاب
مع راعي اسلوب خذا القلب بـ اسلوبه

على بالي إن الوضع كلّه ما غير إعجاب
لكن يوم اخذت شوي لا الوضع ماهوبه

وانا ماني بـ من يترك الضيف عند الباب
فراش الغلا مفروش والضو مشبوبه

[نايف بن فهد.. @BB30Ii]

لا تلعب اللعبه اليا صرت تدري
انك رغم كل المكاسب خسران

ولا تضرب شعور الهوى ثم تجرَي
وتبكي فراقي وتلعن الحظ بألحان

ماقلت لك لا تختبر بيوم صبري
ماقلت لك تكفى ترفّق على شان

قلبي اعرفه واعرف ان قَلّ قدري
يقفي وكن ماله على الارض خلان