B

You will still wonder about me and never know me

[B @Bii9lli]

يابو سعود المحبه فاقه وفاقه
ترا البنيات ماتنفع محبتها

إلى بغيت المحبه حب لك ناقه
الي تمادا على خشتك خشتها

[B @Bii9lli]

الا ياغزال الوادي اللي تلفاتك
بعنقٍ طويل ومشيةٍ في تبجاحه

قبل لا تمارس فالغرام اولوياتك
تركد على الجمهور والشعر والساحه

نصحك الطبيب تجنب الناس نظراتك
قبل ينصحك تاكل على الصبح تفاحه

وش يقول من هاب الغرق في ملذاتك
شفاياك ذباحه وبسمتك ذباحه

[B @Bii9lli]

اجمل من عيونك السود الوساع الكبار
ثميك اللي ما غير ودك انه ثغر

انا ما الوم النساء تشعر بخيبة دبار
لا شافو عيونك الخدره ووجهك لغر

سببت للعائلة ذنب وقطيعه وثار
اربع رياجيل كلٍ حاجرك من صغر

قدام بيتك مصاقل شلف واطلاق نار
للموت قدام بيبانك وظايف شغر

[B @Bii9lli]

حنا لنا بيتً على العز معمور
من منخفض وادي حجر للنويصيب

مطران مانصبر على العوج والعور
ما للهزيله في شنقنا مقاضيب

مانقطع العاني ولا نجحد النور
ولا نقبل الغلطه ولا نهمل الطيب

[B @Bii9lli]

بعض الرجال عقولهم في روسهم
وبعض الرجال عقولهم مستاجره

خشم الريال يحوسهم ويدوسهم
تقدر تحولهم طيور مهاجره

لاتامن اللي يطرحون نفوسهم
ترى ضعيف النفس مثل الفاجره

[B @Bii9lli]

كل ماجيت أبرمي بعض الاشيا خلافي
استحي لا يقول الهم ماني بقده

ما يهاب الثقال الا الرجال الضعافي
لا تذكرت هذي قلت ما فيه صده

[B @Bii9lli]

بقايا حلم من احلام شاعر

[B @Bii9lli]

لا ينثني عزمك بكلمة مايصير
دور على اللي مايصير وعانده

[B @Bii9lli]

سولف وحاول ماتكثر سوالفك
الهرج مفتاح الصدور المقافيل

اما يحطك في مكان يشرفك
ولا يحطك مضحكه للرياجيل

[B @Bii9lli]

احب الدروب البيض سيدين ولا سيد
لا منه تياسرها الغشيم و تيامنها

اعرف العلوم اكيد ولا ماهي ب اكيد
من عيون راعيها لا قمت اتمعنها

لا تضحك على اللي تكلم يجيب العيد
رح اضحك على اللي كلمته مايبرهنها

[B @Bii9lli]

انا ماني بحي الله بشر يكشف لك المستور
انا رجلٍ يموت ولا درت الامواج عن سده

[B @Bii9lli]

من بغى المجد شمر للحمل وارتكى له
لين يبني كيان وسمعة مستقله

ومن تعود على فزعات عمه وخاله
كل ماشانت الدنيا برك في محله

[B @Bii9lli]

بالهرج تقفاني وتنفخ علابيك
هذي رجوله لعنبو ذا الملحى

انا ليا مني بغيت الحكي فيك
هرجت باللي فيك واذنك توحى

[B @Bii9lli]

ياعودها وش قصة الارداف والخصر النحيف
قدام اموت فـ حضنها ولا انتحر فأكتافها

لا ياعنيده هدي العبه ترا الهجر العنيف
ماهو بجزءٍ من تقاليد العرب واعرافها

وانا من الجنس الخشن وانتِ من الجنس الطيف
ومشاعري بأحادها واعشارها والافها

[B @Bii9lli]

ما فيه راحه لعين مدور الراحه
نص الفضول اقتحم سور الخصوصيه

حلمٍ تلاشى وقفلٍ ضاع مفتاحه
وجدية الحزن ما تحتاج جديه

استامن العين واثر العين فضاحه
طرى لها شيء محدٍ جاب طاريه

مدري تعاظم كبر جرحه وجراحه
ولا البطل دايم جروحه بطوليه

[B @Bii9lli]

احيان اسلّم لجل تأنيب الضمير
واحيان لا اسلّم ولا ارد السلام

[B @Bii9lli]

ماني موصيك فيني خلني للهبوب
النفس شامت من اللي ماعرف ضيقها

اذا وعدتك ما عاد اجيك ماني كذوب
ترى الرجاجيل ما تخلف مواثيقها

[B @Bii9lli]

انا عيوني سود من قل الرقاد
وانتي عيونك سود من زود الحلا

صحيح بعيوني و بعيونك سواد
لكن هذي نعمه وهذي بلا

[B @Bii9lli]

يتحرر خوف الانسان من قيد الملام
لا أدرك ان العمر مره والايام تعدي

الى متى وانا اعشقك في حدود الاحترام
المحبّه مالها الا البساط الأحمدي

لهفة العاشق تجيبه بنزعات انتقام
اعذريني كل ما جيت جية معتدي

ما انتظرت الا لياليك يا بدر التمام
لو تغنج لي ليالي الثريا و الجدي

[B @Bii9lli]

تراك بالخاطر ولو مانشوفك