محمد

ماجستير بالتفكير .

[محمد @bm6ii]

تنبيه / " لا يوجد مقصود في اشعاري "
- قراءه مُمتعه للجميع

[محمد @bm6ii]

لا ضاقت عليك الوسيعه انهب لك الراحة نهابه
و اسرج لك خيول الرضا .. أنتي بس ازهميني .

[محمد @bm6ii]

إن بدا لي وجهها يسعد صباح اليوسفية :)

[محمد @bm6ii]

حبيبي والسّهر ميعاد .. تلحلح

[محمد @bm6ii]

في سماء حضنك عن الدنيا وما فيها سليت
يا عوض ربّي على قلبي وجنّة مشتهاه

عوّدت روحي ومن لجّة بحر حزني نجيت
جيت لك غارق وجيتيني مثل طوق النجاة

لو بذلت الروح لجل أفدى عيونك ما وفيت
"ما عطيتيني حنان أنت ِ عطيتيني حياة "

[محمد @bm6ii]

كم قلادة على صدرك غفت في مُنتصف بدرين
وفي هذا الجمال النّرجسي ... كم هامت مرايه !

[محمد @bm6ii]

تذّهبت يا نحرٍ سناه أشعل الظلماء
ليالي جديلك من ليال الشفوق أطْوَل

تمر القلادة فوق صدرك مرور الماء
ليا مرّ بين الصخرْ في جاري الجدْوَل .

[محمد @bm6ii]

وأهدي لك كل الذي ودّك
" ولو إنه عمري "

[محمد @bm6ii]

ما ودّي أجرح عنقها الوضّاح والقدّ الرهيف
وأنا وعد ضحكة ثناياها ، وأنا موعودها

غيدًا يباريها النسيم العذب ويدفّ القنيف
كنّ الهوا الغربي هواها والسحاب حدودها

عيّت تخلي للحيا طاري وللنسمة مصيف
إلا ، على جرّة مواطيها وحُمر خدودها .

[محمد @bm6ii]

حلّي محل الشمس .. وقولي صباح الخير .

[محمد @bm6ii]

فديت جيدً من الشامات فيه اختيال
والشفة اللي عرفت الخمر من كاسها

وجديلك اللي تفلّينه وألمه ليال
وعيونك اللي تسهرّني من نعاسها

أنتِ قمر فوق غصن وله معنّق غزال
والقاع من تحتك أزين منك ما داسها

الحلوة اللي تفوقك وين ؟ هذا محال
هي حلوة الين فيك يْتَم مقياسها .

[محمد @bm6ii]

-ليش تقاوم النوم؟
أحس إن الليل واعدني بشي

[محمد @bm6ii]

انا ويا خيالك .. والقمر في غفلة الحرّاس
سرينا الليل ونجوم السماء لشوق مصطفّه !

[محمد @bm6ii]

خلي لي الضيق وأنتي لا تخليني
وإن دار وجه الزمان أندسي خلافي

لا يدخل الخوف قلبك لا تحاتيني
مدامني بخير في صحه ومتعافي

أنتي في وجهي من الأيام صدقيني
لك الله إني لا أوقف وقفة سنافي

أنا علي الحرام .. وأنتي تعرفيني
لو ماتشيلك عيوني تشيلك أكتافي "

[محمد @bm6ii]

اللي معك مايقبل التحريض
معلق صورّك على بوكه

شافك ربيع وشاف غيرك قيض
حول عليك وطوّق شبوكه

فيك المحاسن ترتوي وتفيض
متقسمه . . ( حره ومملوكه )

ماتطلعين من القلوب البيض
لو تطلع الورده من الشوكه

[محمد @bm6ii]

عن ود غيرك شايمٍ شومة حرار
و لعاذلي حدب السيوف اسلّها

"ما غير اقزرها بالاسم المستعار
وانت المبدّا بالاسامي كلها"

[محمد @bm6ii]

حطني بين المعنق وبين الخوختين
و أنثر السود الجدايل علي و فلها :)

مالك إلا تم ، و أبشر ، وحنا حاضرين
ليلةٍ وحده ، و تسوى الليالي كلها .

[محمد @bm6ii]

من مكاسب السهر..هو لقائك اليومي بجاذبية الفجر الساحرة.

[محمد @bm6ii]

بين ايران والكويت قامت نار وسيوف
وبين قلبي وبينك .. حرب شوق وخوف

انت مثل السياسه مالك امان وجار
وانا قلبي مواطن يحتريك بـ وقووووف

[محمد @bm6ii]

كل شيء في وقته محبوب ومقبول ومستحسن، فإن أستعجلت حاجتك في غير وقتها لعلك أفسدته حين مجيء وقتها ،
"الأشياء ليست في ثمنها، إنما في توقيتها"

و على صعيدٍ مُتصل يقول الشاعر :

ترى الشي اللي مايجي في حزته لو هو ثمين
ما عاد يسوى شي عندي لا تعدّت حزته